ਪਿਛਲੇ ਕੁਝ ਦਿਨਾਂ ਤੋਂ ਸਲਮਾਨ ਖਾਨ ਦਾ ਨਾਂਅ ਕੇਵਲ ਇੱਕ ਫਿਲਮ ਲਈ ਲਿਆ ਜਾ ਰਿਹਾ ਹੈ ਅਤੇ ਉਹ ਹੈ ‘ਭਾਰਤ’। ਇਸ ਫਿਲਮ ਬਾਰੇ ਸਲਮਾਨ ਖੁਦ ਇੰਨੇ ਜ਼ਿਆਦਾ ਉਤਸੁਕ ਹਨ ਕਿ ਛੋਟੇ ਤੋਂ ਛੋਟਾ ਪਹਿਲੂ ਵੀ ਦੇਖਭਾਲ ਕਰ ਕੇ ਫਾਈਨਲ ਕਰ ਰਹੇ ਹਨ। ਇਹੀ ਨਹੀਂ, ਬਾਲੀਵੁੱਡ ਦਾ ਇਹ ਸਟਾਰ ਆਪਣੀ ਫਿਲਮ ਦੇ ਲਈ ਕੋਈ ਵੀ ਜੋਖਿਮ ਚੁੱਕਣ ਨੂੰ ਤਿਆਰ ਨਹੀਂ ਹੈ। ਇਸੇ ਤਹਿਤ ਸਲਮਾਨ ਨੇ ਪਿਛਲੇ ਦਿਨੀਂ ਮੌਤ ਦੇ ਖੂਹ ਦਾ ਦਿ੍ਰਸ਼ ਦੀ ਸ਼ੂਟਿੰਗ ਕੀਤੀ। ਡਾਇਰੈਕਟਰ ਅਲੀ ਅੱਬਾਸ ਇਸ ਸ਼ੂਟ ਦੇ ਫੋਟੋ ਜੰਪ ਸ਼ੋਸ਼ਲ ਮੀਡੀਆ ਅਕਾਊਂਟ 'ਤੇ ਜਾਰੀ ਕੀਤੇ ਹਨ। ਇਸ ਵਿੱਚ ਸਲਮਾਨ ਖਾਨ ਖੁਦ ਮੌਤ ਦੇ ਖੂਹ ਵਿੱਚ ਮੋਟਰ ਸਾਈਕਲ ਚਲਾਉਂਦੇ ਦਿਖਾਈ ਦੇ ਰਹੇ ਹਨ। ਫਿਲਮ ਵਿੱਚ ਦਿ੍ਰਸ਼ ਇੱਕ ਸਰਕਸ ਦਾ ਹੈ।
ਡਾਇਰੈਕਟਰ ਅਨੁਸਾਰ, ‘ਇਹ ਮੇਰੇ ਜੀਵਨ ਦਾ ਸਭ ਤੋਂ ਮਹੱਤਵ ਪੂਰਨ ਦਿ੍ਰਸ਼ ਹੈ, ਜਿਸ ਨੂੰ ਮੁੰਬਈ ਵਿੱਚ ਸ਼ੂਟ ਕੀਤਾ ਗਿਆ। ਮੁੰਬਈ ਦੀ ਫਿਲਮ ਸਿਟੀ ਵਿੱਚ ਟੀਮ ਨੇ ਸਰਕਸ ਦਾ ਪੂਰਾ ਸੈੱਟ ਬਣਾਇਆ ਸੀ।’ ਅਲੀ ਅੱਬਾਸ ਨੇ ਫੋਟੋ ਪੋਸਟ ਕਰ ਕੇ ਲਿਖਿਆ, “ਜੋਖਿਮ ਵਾਲੇ ਮੌਤ ਦਾ ਖੂਹ ਦਿ੍ਰਸ਼ ਦੀ ਸ਼ੂਟਿੰਗ ਪੂਰੀ ਹੋ ਗਈ, ਜੋ ਮੇਰੇ ਜੀਵਨ ਦਾ ਸਭ ਤੋਂ ਰੋਮਾਂਚਕ ਐਕਸ਼ਨ ਦਿ੍ਰਸ਼ ਹੈ। ‘ਭਾਰਤ’ ਦੇ ਲਈ ਉੱਤਰ ਪ੍ਰਦੇਸ਼ ਦੇ ਸਟੰਟ ਰਾਈਡਰਸ ਅਤੇ ਸਲਮਾਨ ਖਾਨ ਨੇ ਇਹ ਸ਼ੂਟ ਪੂਰਾ ਕੀਤਾ।” ਫਿਲਮ ਵਿੱਚ ਦਿਸ਼ਾ ਪਟਾਨੀ ਵੀ ਕੰਮ ਕਰ ਰਹੀ ਹੈ ਤੇ ਸਲਮਾਨ ਨਾਲ ਉਸ ਦੀ ਇਹ ਪਹਿਲੀ ਫਿਲਮ ਹੈ।