ਟੋਰਾਂਟੋ, 4 ਜੂਨ (ਪੋਸਟ ਬਿਊਰੋ) : ਬੰਬਾਰਡੀਅਰ ਇਨਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਕੋਵਿਡ-19 ਮਹਾਂਮਾਰੀ ਕਾਰਨ ਰਾਈਡਰਸਿ਼ਪ ਨੰਬਰਾਂ ਵਿੱਚ ਆਈ ਭਾਰੀ ਗਿਰਾਵਟ ਕਾਰਨ ਉਹ ਰੀਜਨਲ ਟਰਾਂਜਿ਼ਟ ਸਰਵਿਸਿਜ਼ ਵਿੱਚ ਕੰਮ ਕਰਨ ਵਾਲੇ 196 ਕਰਮਚਾਰੀਆਂ ਦੀ ਆਰਜ਼ੀ ਤੌਰ ੳੱੁਤੇ ਛਾਂਗੀ ਕਰੇਗੀ।
ਇੱਕ ਈਮੇਲ ਵਿੱਚ ਕੰਪਨੀ ਨੇ ਆਖਿਆ ਕਿ ਇਹ ਛਾਂਗੀਆਂ 21 ਜੂਨ ਤੋਂ ਪ੍ਰਭਾਵੀ ਹੋਣਗੀਆਂ। ਇਹ ਗੋ ਟਰਾਂਜਿ਼ਟ ਤੇ ਯੂਨੀਅਨ ਪੀਅਰਸਨ ਐਕਸਪ੍ਰੈਸ ਦੀ ਵਰਕਫੋਰਸ ਦਾ 20 ਫੀ ਸਦੀ ਹਿੱਸਾ ਹੋਣਗੀਆਂ। ਇਹ ਦੋਵੇਂ ਰੇਲ ਸਰਵਿਸਿਜ਼ ਮੈਟਰੋਲਿੰਕਸ ਟਰਾਂਜਿ਼ਟ ਏਜੰਸੀ ਦੀ ਮਲਕੀਅਤ ਹਨ।
ਬੰਬਾਰਡੀਅਰ ਨੇ ਆਖਿਆ ਕਿ ਮਹਾਂਮਾਰੀ ਕਾਰਨ ਰਾਈਡਰਸਿ਼ਪ 90 ਫੀ ਸਦੀ ਘੱਟ ਗਈ ਹੈ। ਇਸ ਕਾਰਨ ਕਾਰੋਬਾਰ ਠੱਪ ਹੋ ਗਏ ਹਨ, ਵਰਕਰਜ਼ ਦੀਆਂ ਛਾਂਗੀਆਂ ਕੀਤੀਆਂ ਜਾ ਰਹੀਆਂ ਹਨ ਤੇ ਘਰ ਤੋਂ ਹੀ ਕੰਮ ਕਰਨ ਵਰਗੀਆਂ ਨੀਤੀਆਂ ਲਿਆਂਦੀਆਂ ਜਾ ਰਹੀਆਂ ਹਨ। ਹਵਾਈ ਸਫਰ ਕਰਨ ਵਾਲਿਆਂ ਦੀ ਗਿਣਤੀ ਵਿੱਚ ਵੀ ਕਮੀ ਆਈ ਹੈ।