ਸਾਨ ਫਰਾਂਸਿਸਕੋ, 4 ਜੂਨ (ਪੋਸਟ ਬਿਊਰੋ)- ਯੂਜ਼ਰਜ਼ ਦੀਆਂ ਸੂਚਨਾਵਾਂ ਇਕੱਠੀਆਂ ਕਰਨ ਦੇ ਦੋਸ਼ ਵਿੱਚ ਗੂਗਲ 'ਤੇ ਅਮਰੀਕਾ ਵਿੱਚ ਪੰਜ ਅਰਬ ਡਾਲਰ ਦਾ ਮੁਕੱਦਮਾ ਕੀਤਾ ਗਿਆ ਹੈ।
ਕੈਲੀਫੋਰਨੀਆ ਦੀ ਡਿਸਟਿ੍ਰਕ ਕੋਰਟ ਵਿੱਚ ਕੀਤੇ ਗਏ ਕੇਸ ਵਿੱਚ ਦੋਸ਼ ਲਾਇਆ ਗਿਆ ਹੈ ਕਿ ਜਦੋਂ ਕੋਈ ਯੂਜ਼ਰ ਸਰਚ ਇੰਜਣ ਦੇ ਕ੍ਰੋਮ ਬ੍ਰਾਊਜ਼ਰ ਵਿੱਚ ਇਨਕਾਗਨਿਟੋ ਮੋਡ (ਪ੍ਰਾਈਵੇਟ ਮੋਡ) 'ਤੇ ਸਰਚ ਕਰਦਾ ਹੈ ਤਾਂ ਗੂਗਲ ਨਾ ਸਿਰਫ ਬਰਾਊਜ਼ਿੰਗ ਹਿਸਟਰੀ ਨੂੰ ਟਰੈਕ ਕਰਦਾ ਹੈ, ਸਗੋਂ ਉਸ ਨੂੰ ਇਕੱਠਾ ਵੀ ਕਰਦਾ ਹੈ। ਹਰਜਾਨੇ ਦੇ ਤੌਰ 'ਤੇ ਪੰਜ ਅਰਬ ਡਾਲਰ ਦੇਣ ਦੀ ਮੰਗ ਕਰਦੀ ਸ਼ਿਕਾਇਤ ਵਿੱਚ ਕਿਹਾ ਗਿਆ ਹੈ ਕਿ ਗੂਗਲ ਨੇ ਕੈਲੀਫੋਰਨੀਆ ਕਾਨੂੰਨ ਦਾ ਉਲੰਘਣ ਕੀਤਾ ਹੈ। ਇਸ ਕਾਨੂੰਨ ਹੇਠ ਕਿਸੇ ਯੂਜ਼ਰ ਦੀ ਨਿੱਜੀ ਜਾਣਾਕਰੀ ਨੂੰ ਪੜ੍ਹਨ ਲਈ ਸਾਰੇ ਪੱਖਾਂ ਦੀ ਸਹਿਮਤੀ ਦੀ ਲੋੜ ਹੁੰਦੀ ਹੈ।
ਇਸ ਮੁਕੱਦਮੇ ਦਾ ਟੀਚਾ ‘ਫੈਡਰਲ ਵਾਇਰਟੈਪ ਐਕਟ' ਨੂੰ ਲਾਗੂ ਕਰਾਉਣਾ ਹੈ। ਇਹ ਕਾਨੂੰਨ ਨਿੱਜੀ ਜਾਣਕਾਰੀ ਨੂੰ ਲੀਕ ਕਰਨ ਜਾਂ ਇਕੱਠਾ ਕਰਨ 'ਤੇ ਯੂਜ਼ਰ ਨੂੰ ਕੇਸ ਕਰਨ ਦਾ ਅਧਿਕਾਰ ਦੇਂਦਾ ਹੈ। ਗੂਗਲ ਦੇ ਬੁਲਾਰੇ ਨੇ ਇਸ ਦਾਅਵੇ ਦਾ ਖੰਡਨ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਕ੍ਰੋਮ ਵਿੱਚ ਇਨਕਾਗਨਿਟੋ ਮੋਡ ਤੁਹਾਨੂੰ ਸੇਵ ਕੀਤੇ ਬਿਨਾਂ ਇੰਟਰਨੈਟ ਉਤੇ ਜਾਣਕਾਰੀ ਸਰਚ ਕਰਨ ਦਾ ਬਦਲ ਦਿੰਦਾ ਹੈ। ਕਈ ਯੂਜ਼ਰਜ਼ ਇਹ ਸੋਚਦੇ ਹਨ ਕਿ ਜੇ ਉਹ ਇਨਕਾਗਨਿਟੋ ਮੋਡ ਨਾਲ ਇੰਟਰਨੈੱਟ ਲਾਗ-ਇਨ ਕਰਨ ਤਾਂ ਉਨ੍ਹਾਂ ਦੀ ਬਰਾਊਜ਼ਿੰਗ ਹਿਸਟਰੀ ਟਰੈਕ ਨਹੀਂ ਹੋਵੇਗੀ। ਗੂਗਲ ਐਨਾਲਿਟਿਕਸ ਵਰਗੇ ਟੂਲ ਨਾਲ ਜੇ ਤੁਸੀਂ ਕਿਸੇ ਵੈਬਸਾਈਟ 'ਤੇ ਜਾਓ ਤਾਂ ਯੂਜ਼ਰ ਟਰੈਕ ਕੀਤਾ ਜਾਂਦਾ ਹੈ। ਮਾਈਕ੍ਰੋਸਾਫਟ, ਕਾਨਜੇ ਮੇਲਨ ਯੂਨੀਵਰਸਿਟੀ ਅਤੇ ਯੂਨੀਵਰਸਿਟੀ ਆਫ ਪੈਨਿਸਵੇਨੀਆ ਨੇ ਸਾਂਝੇ ਖੋਜ ਵਿੱਚ ਪਤਾ ਲਾਇਆ ਹੈ ਕਿ 22484 ਸੈਕਸ ਵੈਬਸਾਈਟ ਨੇ ਵੈਬ ਐਕਸ-ਰੇਅ ਨਾਂਅ ਦੇ ਟੂਲ ਦਾ ਇਸਤੇਮਾਲ ਕਰ ਕੇ ਯੂਜ਼ਰ ਦੇ 93 ਫੀਸਦੀ ਪੇਜ ਨੂੰ ਥਰਡ ਪਾਰਟੀ ਨੂੰ ਲੀਕ ਕਰ ਦਿੱਤਾ।