ਜਾਦੂਮਈ ਆਵਾਜ਼ ਦੇ ਨਾਲ ਨੇਹਾ ਕੱਕੜ ਕਈ ਮਿਊਜ਼ਿਕ ਵੀਡੀਓ ਵਿੱਚ ਅਦਾਕਾਰੀ ਵੀ ਕਰਦੀ ਨਜ਼ਰ ਆਈ ਹੈ। ਉਸ ਦੇ ਦਿਲ ਵਿੱਚ ਬਤੌਰ ਅਭਿਨੇਤਰੀ ਖੁਦ ਨੂੰ ਵੱਡੇ ਪਰਦੇ 'ਤੇ ਦੇਖਣ ਦੀ ਖਾਹਿਸ਼ ਹੈ, ਪਰ ਆਪਣੇ ਡੈਬਿਊ ਪ੍ਰੋਜੈਕਟ ਵਿੱਚ ਅਸਫਲਤਾ ਦਾ ਕੋਈ ਖਤਰਾ ਨਹੀਂ ਲੈਣਾ ਚਾਹੁੰਦੀ।
ਉਸ ਦਾ ਕਹਿਣਾ ਹੈ ਕਿ ਮਿਊਜ਼ਿਕ ਵੀਡੀਓ ਵਿੱਚ ਉਸ ਦੀ ਪ੍ਰਫਾਰਮੈਂਸ ਦੇਖ ਕੇ ਉਸ ਨੂੰ ਅਭਿਨੇਤਰੀ ਬਣਨ ਦੇ ਕਈ ਪ੍ਰਸਤਾਵ ਮਿਲੇ ਹਨ। ਉਸ ਦੇ ਦਿਲ ਵਿੱਚ ਵੀ ਕਿਤੇ ਨਾ ਕਿਤੇ ਐਕਟਰ ਬਣਨ ਦੀ ਖਾਹਿਸ਼ ਹੈ, ਪਰ ਹਿੰਦੀ ਸਿਨੇਮਾ ਵਿੱਚ ਅੱਜ ਤੱਕ ਐਕਟਿੰਗ ਵਿੱਚ ਉਤਰੇ ਗਾਇਕਾਂ ਦੀ ਅਸਫਲਤਾ ਦੇਖ ਕੇ ਡਰ ਲੱਗਦਾ ਹੈ। ਇਸ ਲਈ ਕਿਸੇ ਪ੍ਰੋਜੈਕਟ ਦੀ ਸਫਲਤਾ ਇੱਕ ਹਜ਼ਾਰ ਫੀਸਦੀ ਯਕੀਨੀ ਹੋਣ ਦੇ ਬਾਅਦ ਹੀ ਉਹ ਬਤੌਰ ਅਭਿਨੇਤਰੀ ਡੈਬਿਊ ਕਰੇਗੀ। ਨੇਹਾ ਨੇ ਦੱਸਿਆ ਕਿ ਇਸ ਸਮੇਂ ਭਰਾ ਟੋਨੀ ਕੱਕੜ ਅਤੇ ਭੈਣ ਸੋਨੂੰ ਕੱਕੜ ਨਾਲ ਉਸ ਦੇ ਘਰ ਵਿੱਚ ਪੂਰਾ ਮਿਊਜ਼ੀਕਲ ਮਾਹੌਲ ਹੈ। ਸੰਗੀਤ ਦੇ ਇਲਾਵਾ ਉਨ੍ਹਾਂ ਦੇ ਪਰਵਾਰ ਵਿੱਚ ਸਾਰੇ ਮੈਂਬਰ ਜ਼ਰੂਰਤਮੰਦ ਲੋਕਾਂ ਦੀ ਮਦਦ ਕਰਨ ਦੇ ਬਾਰੇ ਗੱਲਾਂ ਕਰਦੇ ਹਨ।