ਇੱਕ ਅਧਿਆਪਕ ਬੱਚਿਆਂ ਨੂੰ ਸ਼ੇਰ ਬਾਰੇ ਪਾਠ ਪੜ੍ਹਾ ਰਹੇ ਸਨ। ਉਦੋਂ ਉਨ੍ਹਾਂ ਨੇ ਕਿਹਾ, ‘‘ਰਾਜੂ ਤੁਸੀਂ ਦੱਸੋ, ਸ਼ੇਰ ਦੀ ਗੁਫਾ ਵਿੱਚ ਵੀ ਕੋਈ ਵੜ ਸਕਦਾ ਹੈ ਭਲਾ?”
ਰਾਜੂ ਨੇ ਉਤਰ ਦਿੱਤਾ, ‘‘ਹਾਂ, ਸਰ ਮੈਂ ਵੜ ਸਕਦਾ ਹਾਂ।”
ਅਧਿਆਪਕ ਨੇ ਹੈਰਾਨੀ ਨਾਲ ਕਿਹਾ, ‘‘ਉਹ ਕਿਵੇਂ?”
ਰਾਜੂ ਨੇ ਕਿਹਾ, ‘‘ਜਦੋਂ ਗੁਫਾ 'ਚ ਸ਼ੇਰ ਨਾ ਹੋਵੇ।”
*********
ਫੌਜ ਲਈ ਜਵਾਨਾਂ ਦੀ ਭਰਤੀ ਚੱਲ ਰਹੀ ਸੀ। ਇੱਕ ਨੌਜਵਾਨ ਦਾ ਡਾਕਟਰੀ ਮੁਆਇਨਾ ਸ਼ੁਰੂ ਹੋਇਆ। ਸੀਨਾ, ਗਲਾ, ਅੱਖਾਂ ਆਦਿ ਜਾਂਚਣ ਤੋਂ ਬਾਅਦ ਡਾਕਟਰ ਬੋਲਿਆ, ‘‘ਚਲੋ ਪਿੱਠ ਦਿਖਾਓ।”
ਨੌਜਵਾਨ ਨੇ ਕਿਹਾ, ‘‘ਮੈਂ ਪਿੱਠ ਦਿਖਾਉਣ ਲਈ ਫੌਜ 'ਚ ਭਰਤੀ ਨਹੀਂ ਹੋਇਆ।”
*********
ਮਾਂ ਨੇ ਦੁੱਧ 'ਚ ਡਬਲਰੋਟੀ ਪਾ ਕੇ ਖਾਣ ਨੂੰ ਦਿੱਤੀ। ਥੋੜ੍ਹੀ ਦੇਰ ਬਾਅਦ ਬੱਚਾ ਰੋਣ ਲੱਗਾ। ਮਾਂ ਨੇ ਪੁੱਛਿਆ, ‘‘ਕਿਉਂ ਬੇਟਾ ਕੀ ਹੋਇਆ? ਕਿਉਂ ਰੋ ਰਹੇ ਹੋ?”
ਬੱਚੇ ਨੇ ਰੋਂਦੇ ਹੋਏ ਕਿਹਾ, ‘‘ਸਾਰਾ ਦੁੱਧ ਤਾਂ ਡਬਲਰੋਟੀ ਪੀ ਗਈ। ਮੈਂ ਕੀ ਪੀਆਂਗਾ।”