ਬਤੌਰ ਫੀਮੇਲ ਪ੍ਰੋਡਿਊਸਰ ਅਨੁਸ਼ਕਾ ਸ਼ਰਮਾ ਦੀ ਪਹਿਲੀ ਵੈੱਬ ਸੀਰੀਜ਼ ‘ਪਾਤਾਲ ਲੋਕ’ ਕਾਫੀ ਚਰਚਾ ਵਿੱਚ ਹੈ। ਸ਼ੋਅ 'ਤੇ ਕਈ ਤਰ੍ਹਾਂ ਦੇ ਦੋਸ਼ ਲੱਗਦੇ ਹਨ, ਪਰ ਅਨੁਸ਼ਕਾ ਖੁਸ਼ ਤੇ ਸੰਤੁਸ਼ਟ ਹੈ ਕਿ ਉਸ ਨੇ ਜਿਸ ਕੰਟੈਂਟ 'ਤੇ ਯਕੀਨ ਕੀਤਾ ਸੀ, ਉਸ ਨੂੰ ਕਾਫੀ ਚਰਚਾ ਮਿਲ ਰਹੀ ਹੈ। ਪੇਸ਼ ਹਨ ਉਸ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ‘ਐੱਨ ਐੱਚ 10’ ਤੋਂ ਲੈ ਕੇ ‘ਪਾਤਾਲ ਲੋਕ’ ਤੱਕ ਜੋਖਿਮ ਵਾਲੇ ਵਿਸ਼ਿਆਂ ਨੂੰ ਪ੍ਰੋਡਿਊਸ ਕਰਨ ਦਾ ਮਾਦਾ ਕਿੱਥੋਂ ਲਿਆਉਂਦੇ ਹੋ?
- ਜੋ ਵੀ ਸਬਜੈਕਟ ਹੱਥ ਵਿੱਚ ਲੈਂਦੀ ਹਾਂ, ਉਸ ਨੂੰ ਪ੍ਰਮਾਣਿਕਤਾ ਨਾਲ ਪੇਸ਼ ਕਰਨ ਦੀ ਕੋਸ਼ਿਸ਼ ਕਰਦੀ ਹਾਂ। ‘ਪਾਤਾਲ ਲੋਕ’ ਦੇ ਨਾਲ ਵੀ ਇਹੋ ਕੀਤਾ। ਅੱਜ ਜਦ ਸ਼ੋਅ ਚਰਚਾ ਵਿੱਚ ਹੈ, ਪਸੰਦ ਕੀਤਾ ਗਿਆ ਹੈ ਤਾਂ ਖੁਸ਼ੀ ਹੋ ਰਹੀ ਹੈ। ਬਹੁਤ ਵਧੀਆ ਲੱਗਦਾ ਹੈ, ਜਦ ਲੋਕਾਂ ਤੋਂ ਸੁਣਨ ਨੂੰ ਮਿਲਦਾ ਹੈ ਕਿ ਇੰਡੀਆ ਦਾ ਬਿਹਤਰੀਨ ਥ੍ਰਿਲਰ ਵੈੱਬ ਸ਼ੋਅ ਅਸੀਂ ਬਣਾਇਆ ਹੈ।
* ਭਰਾ ਕਰਣੇਸ਼ ਦੇ ਨਾਲ ਕਿਸ ਤਰ੍ਹਾਂ ਦੇ ਕ੍ਰਿਏਟਿਵ ਡਿਸਕਸ਼ਨ ਹੁੰਦੇ ਹਨ?
- ਉਨ੍ਹਾਂ ਨੂੰ ਵੀ ਉਸੇ ਤਰ੍ਹਾਂ ਦਾ ਕੰਮ ਪਸੰਦ ਹੈ, ਜਿਹੋ ਜਿਹਾ ਪੂਰੀ ਦੁਨੀਆ ਵਿੱਚ ਹੋ ਰਿਹਾ ਹੈ। ਸਾਡਾ ਮੰਨਣਾ ਹੈ ਕਿ ਓ ਟੀ ਟੀ ਪਲੇਟਫਾਰਮ ਤੁਹਾਨੂੰ ਅਜਿਹੇ ਕੰਟੈਂਟ ਬਣਾਉਣ ਲਈ ਪ੍ਰੇਰਿਤ ਕਰਦੇ ਹਨ, ਜੋ ਇੱਕੋ ਵੇਲੇ ਦੁੁਨੀਆ ਦੇ ਕਿਸੇ ਕੋਨੇ ਵਿੱਚ ਕੁਨੈਕਟ ਕਰ ਸਕਣ। ‘ਪਾਤਾਲ ਲੋਕ’ ਨੂੰ ਲੈ ਕੇ ਸਾਥੀ ਫਿਲਮਕਾਰਾਂ ਦੇ ਵੀ ਵਧੀਆ ਰਿਵਿਊਜ਼ ਆ ਰਹੇ ਹਨ। ਲਿਹਾਜ਼ਾ ਬਤੌਰ ਪ੍ਰੋਡਿਊਸਰ ਬੜੀ ਖੁਸ਼ੀ ਹੁੰਦੀ ਹੈ।
* ਸੀਰੀਜ਼ ਵਿੱਚ ਕ੍ਰਿਮੀਨਲਸ ਨੂੰ ਹਿਊਮਨਾਈਜ਼ ਕੀਤਾ ਗਿਆ ਹੈ। ਅਜਿਹਾ ਕਿਉਂ?
- ਅਸੀਂ ਕਿਸੇ ਕ੍ਰਿਮੀਨਲ ਨੂੰ ਹਿਊਮਨਾਈਜ਼ ਕਰਨ ਦੀ ਕੋਸ਼ਿਸ਼ ਨਹੀਂ ਕੀਤੀ। ਇਹੀ ਦਿਖਾਇਆ ਹੈ ਕਿ ਹਰ ਇਨਸਾਨ ਦੇ ਪਿੱਛੇ ਇੱਕ ਕਹਾਣੀ ਹੁੰਦੀ ਹੈ ਤੇ ਜੋ ਉਹ ਕਰਦਾ ਹੈ, ਉਹ ਉਸ ਦਾ ਫਾਈਨਲ ਪ੍ਰੋਡਕਟ ਹੁੰਦਾ ਹੈ ਜਿੱਥੇ ਉਸ ਦੀ ਪਰਵਰਿਸ਼ ਹੋਈ ਹੈ। ਅਸੀਂ ਕਿਸੇ ਵੀ ਕ੍ਰਿਮੀਨਲ ਜਾਂ ਉਸ ਦੇ ਕੰਮ ਨੂੰ ਗਲੋਰੀਫਾਈ ਨਹੀਂ ਕੀਤਾ ਹੈ, ਬੱਸ ਉਸ ਦਾ ਇੱਕ ਨਜ਼ਰੀਆ ਦਿਖਾਇਆ ਦਿਖਾਇਆ ਹੈ। ਦਰਸ਼ਕਾਂ 'ਤੇ ਹੈ ਕਿ ਆਪਣੀ ਕੀ ਰਾਇ ਬਣਾਉਂਦੇ ਹਨ।
* ਸਮਾਜ, ਸਿਸਟਮ ਦਾ ਕਰੂਰ ਚਿਹਰਾ ਇੰਨੇ ਕਰੀਬ ਤੋਂ ਦਿਖਾਉਣਾ ਪਹਿਲਾਂ ਤੋਂ ਤੈਅ ਸੀ?
- ਜੀ ਹਾਂ। ਇਸ ਵੈੱਬ ਸ਼ੋਅ ਦਾ ਬੈਸਟ ਪਾਰਟ ਇਹ ਸੀ ਕਿ ਅਸੀਂ ਆਪਣੇ ਵੱਲੋਂ ਕੋਈ ਜਜਮੈਂਟ ਨਹੀਂ ਪਾਸ ਕੀਤਾ। ਅਸੀਂ ਸਮਾਜ ਦੇ ਵੱਖ-ਵੱਖ ਪਹਿਲੂਆਂ ਨੂੰ ਦਿਖਾਇਆ। ਇਹ ਦੱਸਿਆ ਕਿ ਬਤੌਰ ਇਨਸਾਨ ਅਸੀਂ ਸਭਿਆ ਸਮਾਜ ਦੇ ਨਿਰਮਾਣ ਵਿੱਚ ਅਸਫਲ ਰਹੇ ਹਾਂ। ਤਾਕਤਵਰ ਬਣੇ ਰਹਿਣ ਦੇ ਲਈ ਇਨਸਾਨੀਅਤ ਦਾ ਗਲਾ ਘੁੱਟਦੇ ਰਹੇ ਹਾਂ। ਸਮਾਜ ਦੀ ਸਭ ਤੋਂ ਪੇਚੀਦਾ ਚੀਜ਼ ਨੂੰ ਸਭ ਤੋਂ ਨਿਰਲੇਪਤਾ (ਅਨਾਸਕਤ) ਨਾਲ ਕਿਹਾ ਹੈ।
* ਅੱਗੋਂ ਹੋਰ ਕਿਸ ਤਰ੍ਹਾਂ ਦੇ ਜੋਨਰ ਦੇ ਵੈੱਬ ਸ਼ੋਜ਼ ਅਤੇ ਫਿਲਮਾਂ ਕਰਨ ਵਾਲੇ ਹੋ?
- ਅਸੀਂ ਜੋਨਰ ਨਹੀਂ, ਸਿਰਫ ਕਹਾਣੀਆਂ ਦੇ ਬਾਰੇ ਸੋਚਦੇ ਹਾਂ।
* ਮੌਜੂਦਾ ਹਾਲ ਵਿੱਚ ਡਿਜੀਟਲ ਪਲੇਟਫਾਰਮ ਕਿੰਨਾ ਵੱਡਾ ਹੁੰਦਾ ਦਿਸ ਰਿਹਾ ਹੈ?
- ਇਸ ਸਮੇਂ ਵੱਡਾ ਲੱਗਦਾ ਹੈ। ਇੱਕ ਵਜ੍ਹਾ ਇਹ ਹੈ ਕਿ ਅੱਜ ਜਦ ਸਾਡੇ ਕੋਲ ਕਰਨ ਦੇ ਲਈ ਕੁਝ ਕੰਮ ਨਹੀਂ ਹੈ ਤਾਂ ਘੱਟ ਤੋਂ ਘੱਟ ਇਸ ਪਲੇਟਫਾਰਮ ਦੇ ਕਾਰਨ ਕੁਝ ਕਹਾਣੀਆਂ ਦੇਖਣ ਨੂੰ ਤਾਂ ਮਿਲ ਰਹੀ ਹੈ। ਅਜਿਹਾ ਸਿਰਫ ਭਾਰਤ ਵਿੱਚ ਹੀ ਨਹੀਂ, ਬਲਕਿ ਦੁਨੀਆ ਭਰ ਵਿੱਚ ਹੋ ਰਿਹਾ ਹੈ। ਜ਼ਾਹਿਰ ਹੈ ਕਿ ਇਹ ਮਨੋਰੰਜਨ ਦਾ ਇੱਕ ਨਵਾਂ ਜ਼ਰੀਆ ਹੋ ਸਕਦਾ ਹੈ।