ਓਨਟਾਰੀਓ, 2 ਜੂਨ (ਪੋਸਟ ਬਿਊਰੋ) : ਓਨਟਾਰੀਓ ਵੱਲੋਂ ਸਟੇਟ ਆਫ ਐਮਰਜੰਸੀ ਵਿੱਚ 30 ਜੂਨ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।
ਇਨ੍ਹਾਂ ਮਾਪਦੰਡਾਂ ਤਹਿਤ ਪੰਜ ਤੋਂ ਵੱਧ ਵਿਅਕਤੀਆਂ ਦੇ ਇੱਕਠੇ ਹੋਣ ਉੱਤੇ ਪਾਬੰਦੀ ਹੋਵੇਗੀ। ਇਸ ਤੋਂ ਇਲਾਵਾ ਰੈਸਟੋਰੈਂਟਸ ਤੇ ਬਾਰਜ਼ ਆਦਿ ਇਸ ਦੌਰਾਨ ਬੰਦ ਹੀ ਰਹਿਣਗੇ ਬਸ਼ਰਤੇ ਜੇ ਉਹ ਟੇਕਆਊਟ ਜਾਂ ਡਲਿਵਰੀ ਆਫਰ ਕਰਦੇ ਹਨ ਤਾਂ ਖੁੱਲ੍ਹ ਵੀ ਸਕਦੇ ਹਨ।
ਇੰਡੀਪੈਂਡੈਂਟ ਵਿਧਾਇਕ ਰੈਂਡੀ ਹਿਲੀਅਰ ਨੇ ਆਖਿਆ ਕਿ ਉਹ ਇਸ ਮਾਪਦੰਡ ਦੇ ਖਿਲਾਫ ਵੋਟ ਕਰਨਗੇ ਕਿਉਂਕਿ ਇਸ ਨਾਲ ਸਰਕਾਰ ਨੂੰ ਹੱਦੋਂ ਵੱਧ ਅਧਿਕਾਰ ਮਿਲ ਜਾਂਦਾ ਹੈ। ਜਿ਼ਕਰਯੋਗ ਹੈ ਕਿ ਓਨਟਾਰੀਓ ਨੇ 17 ਮਾਰਚ ਨੂੰ ਕੋਵਿਡ-19 ਦੇ ਕੇਸਾਂ ਵਿੱਚ ਹੋਏ ਵਾਧੇ ਦੇ ਮੱਦੇਨਜ਼ਰ ਸਟੇਟ ਆਫ ਐਮਰਜੰਸੀ ਐਲਾਨੀ ਸੀ।