ਦੁਬਈ, 12 ਨਵੰਬਰ (ਪੋਸਟ ਬਿਊਰੋ)- ਕੱਚੇ ਤੇਲ ਦੇ ਮੁੱਖ ਉਤਪਾਦਕ ਦੇਸ਼ 2014 ਦੀ ਤਰ੍ਹਾਂ ਕੀਮਤੀ ਵਿੱਚ ਗਿਰਾਵਟ ਆਉਣ ਦੀ ਸ਼ੰਕਾ ਦੇ ਮੱਦੇਨਜ਼ਰ ਤੇਲ ਉਤਪਾਦਨ ਵਿੱਚ ਸੰਭਾਵਿਤ ਕਟੌਤੀ ਨੂੰ ਲੈ ਕੇ ਅਬੂਧਾਬੀ ਵਿੱਚ ਹੋ ਰਹੀ ਬੈਠਕ ਵਿੱਚ ਵਿਚਾਰ ਕਰ ਸਕਦੇ ਹਨ। ਅਕਤੂਬਰ ਦੇ ਸ਼ੁਰੂ ਵਿੱਚ ਚਾਰ ਸਾਲ ਦੇ ਉਚ ਪੱਧਰ 'ਤੇ ਪਹੁੰਚ ਜਾਣ ਦੇ ਬਾਅਦ ਕਾਨੂੰਨੀ ਕਾਰਨਾਂ ਤੋਂ ਕੇਵਲ ਇਕ ਹੀ ਮਹੀਨੇ ਵਿੱਚ ਕੱਚੇ ਤੇਲ ਦੇ ਭਾਅ ਉਸ ਦੇ ਪੰਜਵੇਂ ਹਿੱਸੇ ਤੱਕ ਡਿੱਗ ਚੁੱਕੇ ਹਨ।
ਬ੍ਰੈਂਟ ਕਰੂਡ ਬੀਤੇ ਦਿਨੀਂ ਅਪ੍ਰੈਲ ਦੇ ਬਾਅਦ ਪਹਿਲੀ ਵਾਰ 70 ਡਾਲਰ ਪ੍ਰਤੀ ਬੈਰਲ ਤੋਂ ਥੱਲੇ ਆ ਗਿਆ। ਨਿਊਯਾਰਕ ਦਾ ਵੈਸਟ ਟੈਕਸਾਸ ਇੰਟਰਮੀਡੀਏਟ ਵੀ ਡਿੱਗ ਕੇ 9 ਮਹੀਨੇ ਦੇ ਹੇਠਲੇ ਪੱਧਰ 'ਤੇ ਆ ਗਿਆ ਅਤੇ 60 ਡਾਲਰ ਪ੍ਰਤੀ ਬੈਰਲ ਤੋਂ ਥੱਲੇ ਉਤਰ ਗਿਆ। ਅਮਰੀਕਾ ਨੇ ਉਤਪਾਦਨ ਵਿੱਚ ਵਾਧਾ ਕਰ ਦਿੱਤਾ ਹੈ ਜਦ ਕਿ ਮੰਗ ਵਿੱਚ ਗਿਰਾਵਟ ਦੇ ਸੰਕੇਤ ਨੂੰ ਦੇਖਦੇ ਹੋਏ ਸਾਊਦੀ ਅਰਬ ਤੇ ਰੂਸ ਨੇ ਸਪਲਾਈ ਤੇਜ਼ ਕਰ ਦਿੱਤੀ ਹੈ। ਇਸ ਦੇ ਇਲਾਵਾ ਇਰਾਨ 'ਤੇ ਅਮਰੀਕੀ ਪਾਬੰਦੀਆਂ ਦਾ ਅਸਰ ਉਮੀਦ ਤੋਂ ਘੱਟ ਹੋਣ ਨਾਲ ਵੀ ਕੱਚਾ ਤੇਲ ਕਮਜ਼ੋਰ ਪਿਆ ਹੈ। ਫਾਰੈਕਸ ਡਾਟ ਕਾਮ ਦੇ ਵਿਸ਼ਲੇਸ਼ਕ ਫਵਾਦ ਰੱਜਾਕਜ਼ਾਦਾ ਨੇ ਕਿਹਾ, ‘ਸਾਊਦੀ ਅਰਬ, ਰੂਸ ਅਤੇ ਅਮਰੀਕਾ ਵਰਗੇ ਵੱਡੇ ਉਤਪਾਦਕਾਂ ਵੱਲੋਂ ਈਰਾਨ ਉੱਤੇ ਪਾਬੰਦੀ ਦੇ ਬਾਅਦ ਸਪਲਾਈ ਵਿੱਚ ਆਈ ਕਟੌਤੀ ਨਾਲ ਜ਼ਿਆਦਾ ਸਪਲਾਈ ਵਧਾ ਦੇਣ ਨਾਲ ਕੀਮਤਾਂ ਵਿੱਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।' ਪ੍ਰਮੁੱਖ ਤੇਲ ਉਤਪਾਦਕ ਦੇਸ਼ਾਂ ਦੇ ਗਰੁੱਪ ਓਪੇਕ ਦੀ ਸਾਂਝੀ ਮੰਤਰੀ ਪੱਧਰੀ ਨਿਗਰਾਨੀ ਕਮੇਟੀ ਉਤਪਾਦਨ ਦੇ ਪੱਧਰ 'ਤੇ ਨਜ਼ਰ ਰੱਖਦੀ ਹੈ। ਇਸ ਬੈਠਕ ਵਿੱਚ ਰੂਸ ਅਤੇ ਸਾਊਦੀ ਅਰਬ ਦੇ ਮੰਤਰੀ ਵੀ ਸ਼ਾਮਲ ਹੋ ਰਹੇ ਹਨ। ਰੂਸ ਅਤੇ ਸਾਊਦੀ ਅਰਬ ਅਮਰੀਕਾ ਦੇ ਬਾਅਦ ਵਿਸ਼ਵ ਦੇ ਦੂਸਰਾ ਵੱਡਾ ਕੱਚਾ ਤੇਲ ਉਤਪਾਦਕ ਦੇਸ਼ ਹੈ।