ਡੈਸਲਡੋਰਫ, 28 ਮਈ (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਕਾਰਨ ਦੁਨੀਆ ਭਰ 'ਚ ਖੇਡ ਗਤੀਵਿਧੀਆਂ ਠੱਪ ਪਈਆਂ ਹਨ ਤਾਂ ਵਿਸ਼ਵ ਐਂਟੀ ਡੋਪਿੰਗ ਏਜੰਸੀ (ਵਾਡਾ) ਧੋਖਾਧੜੀ ਕਰਨ ਵਾਲੇ ਖਿਡਾਰੀਆਂ ਨੂੰ ਫੜਨ ਲਈ ‘ਬਨਾਵਟੀ ਗਿਆਨ' ਨੂੰ ਨਵੇਂ ਸਾਧਨ ਦੇ ਤੌਰ 'ਤੇ ਵਰਤੋਂ ਕਰਨ 'ਤੇ ਵਿਚਾਰ ਕਰ ਰਿਹਾ ਹੈ।
ਵਾਡਾ ਕੈਨੇਡਾ ਅਤੇ ਜਰਮਨੀ 'ਚ ਅਜਿਹੀਆਂ ਚਾਰ ਯੋਜਨਾਵਾਂ 'ਚ ਪੈਸਾ ਲਾ ਰਿਹਾ ਹੈ ਕਿ ਜਿਸ ਨਾਲ ਇਹ ਪਤਾ ਕਰਨ 'ਚ ਮਦਦ ਮਿਲ ਸਕਦੀ ਹੈ ਕਿ ਕੀ ਪਾਬੰਦੀ ਸ਼ੁਦਾ ਦਵਾਈਆਂ ਵਰਤਣ ਦੇ ਅਜਿਹੇ ਕੇਸਾਂ ਨੂੰ ਬਨਾਵਟੀ ਗਿਆਨ ਨਾਲ ਫੜਿਆ ਜਾ ਸਕਦਾ ਹੈ, ਜੋ ਜਾਂਚ ਕਰਤਾ ਤੋਂ ਬਚ ਜਾਂਦੇ ਹਨ। ਇਸ ਤਕਨੀਕ ਨਾਲ ਨੈਤਿਕ ਮੁੱਦੇ ਵੀ ਜੁੜੇ ਹੋਏ ਹਨ। ਖਿਡਾਰੀਆਂ ਨੂੰ ਕੇਵਲ ਮਸ਼ੀਨ ਦੇ ਕਹਿਣ 'ਤੇ ਸਸਪੈਂਡ ਨਹੀਂ ਕੀਤਾ ਜਾ ਸਕਦਾ। ਇਸ ਦੀ ਥਾਂ ਬਨਾਵਟੀ ਗਿਆਨ ਅਜਿਹਾ ਹੱਲ ਹੈ ਜੋ ਸ਼ੱਕੀ ਖਿਡਾਰੀਆਂ ਦੀ ਪਹਿਚਾਣ ਕਰਨ 'ਚ ਮਦਦ ਕਰੇਗਾ ਅਤੇ ਇਹ ਯਕੀਨੀ ਬਣਾਏਗਾ ਕਿ ਇਨ੍ਹਾਂ ਖਿਡਾਰੀਆਂ ਦੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ। ਬਨਾਵਟੀ ਗਿਆਨ ਇੱਕ ਕੰਪਿਊਟਰ ਹੈ। ਇਹ ਆਮ ਤੌਰ ਉਤੇ ਗਿਆਨ ਨਾਲ ਜੁੜੇ ਕਾਰਜਾਂ ਨੂੰ ਕਰਨ ਲਈ ਕੰਪਿਊਟਰ ਜਾਂ ਕੰਪਿਊਟਰ ਕੰਟਰੋਲ ਰੋਬੋਟ ਹੈ ਅਤੇ ਸਾਰੇ ਅੰਕੜਿਆਂ ਦਾ ਮੁਲਾਂਕਣ ਕਰਕੇ ਕਿਸੇ ਫ਼ੈਸਲੇ 'ਤੇ ਪਹੁੰਚਦਾ ਹੈ। ਵਾਡਾ ਦੇ ਸੀਨੀਅਰ ਕਾਰਜਕਾਰੀ ਨਿਰਦੇਸ਼ਕ ਓਲੀਵਰ ਰਾਬਿਨ ਨੇ ਪੱਤਰਕਾਰਾਂ ਨੂੰ ਸੰਬੋਧਨ ਲਈ ਕੰਮ ਕਰ ਰਹੇ ਹੰੁਦੇ ਹੋ ਤਾਂ ਤੁਸੀਂ ਕੁਝ ਖਿਡਾਰੀਆਂ ਨੂੰ ਟੀਚਾ ਲੈ ਕੇ ਚਲਦੇ ਹੋ। ਤੁਸੀਂ ਉਨ੍ਹਾਂ ਦੇ ਮੁਕਾਬਲਿਆਂ ਦਾ ਕੈਲੰਡਰ ਅਤੇ ਉਨ੍ਹਾਂ ਦੇ ਠਹਿਰਨ ਦੇ ਠਿਕਾਣਿਆਂ ਦਾ ਵੀ ਧਿਆਨ ਰੱਖਦੇ ਹੋ।