ਸਮੱਗਰੀ-ਬਰੈੱਡ ਦੇ ਟੁਕੜੇ, ਚਾਰ, ਸੁੱਕੇ ਮੇਵੇ ਦੋ ਵੱਡੇ ਚਮਚ, ਮੱਖਣ ਇੱਕ ਛੋਟਾ ਚਮਚ, ਦੁੱਧ 1/4 ਕੱਪ, ਮਲਾਈ ਦੋ ਵੱਡੇ ਚਮਚ, ਦੁੱਧ ਪਾਊਡਰ ਅੱਧਾ ਕੱਪ।
ਮਲਾਈ ਦੁੱਧ-ਦੁੱਧ ਇੱਕ ਕੱਪ, ਮਲਾਈ ਅੱਧਾ ਕੱਪ, ਖੰਡ 1/4 ਕੱਪ, ਇਲਾਇਚੀ ਪਾਊਡਰ 1/4 ਛੋਟਾ ਚਮਚ।
ਵਿਧੀ- ਮਾਵਾ ਮਿਸ਼ਰਣ ਬਣਾਉਣ ਦੇ ਲਈ ਪੈਨ ਵਿੱਚ ਮੱਖਣ, ਦੁੱਧ ਅਤੇ ਕ੍ਰੀਮ ਗਰਮ ਕਰੋ। ਇਸ ਨੂੰ ਹਿਲਾਉਂਦੇ ਹੋਏ ਪਕਾਓ। ਫਿਰ ਦੁੱਧ ਪਾਊਡਰ ਪਾ ਕੇ ਹਿਲਾਉਂਦੇ ਰਹੋ। ਗਾੜ੍ਹਾ ਅਤੇ ਚਿਕਨਾ ਹੋਣ ਤੱਕ ਇਸ ਨੂੰ ਪਕਾਓ। ਮਲਾਈ ਦੁੱਧ ਬਮਾਉਣ ਦੇ ਲਈ ਪੈਨ ਵਿੱਚ ਦੁੱਧ ਅਤੇ ਮਲਾਈ ਦੋ-ਤਿੰਨ ਮਿੰਟ ਤੱਕ ਹਿਲਾਉਂਦੇ ਹੋਏ ਉਬਾਲੋ। ਜਦ ਇਹ ਗਾੜ੍ਹਾ ਹੋ ਜਾਏ ਤਾਂ ਖੰਡ ਪਾ ਕੇ ਹਿਲਾਉਂਦੇ ਹੋਏ ਪਕਾਓ। ਇਲਾਇਚੀ ਪਾਊਡਰ ਪਾ ਕੇ ਮਿਲਾਓ ਅਤੇ ਗੈਸ ਬੰਦ ਕਰ ਦਿਓ। ਹੁਣ ਬਰੈੱਡ ਦੇ ਟੁਕੜਿਆਂ ਨੂੰ ਵੇਲਣੇ ਨਾਲ ਵੇਲ ਲਓ। ਚਾਕੂ ਨਾਲ ਕਿਨਾਰਾ ਕੱਟ ਲਓ। ਹਰ ਬਰੈਡ ਦੇ ਟੁਕੜੇ 'ਤੇ ਮਾਵਾ ਮਿਸ਼ਰਣ ਇੱਕੋ ਜਿਹਾ ਲਗਾਓ। ਉਪਰੋਂ ਸੁੱਕੇ ਮੇਵੇ ਲਗਾਓ ਅਤੇ ਫਿਰ ਬਰੈੱਡ ਨੂੰ ਰੋਲ ਕਰੋ। ਰੋਲ ਕਰ ਕੇ ਕਿਨਾਰਿਆਂ ਨੂੰ ਚੰਗੀ ਤਰ੍ਹਾਂ ਨਾਲ ਬੰਦ ਕਰੋ। ਇੱਕ ਡੂੰਘੀ ਪਲੇਟ ਵਿੱਚ ਇਨ੍ਹਾਂ ਰੋਲਸ ਨੂੰ ਰੱਖੋ ਅਤੇ ਉਪਰੋਂ ਮਲਾਈ ਦੁੱਧ ਪਾਓ। ਇੰਨਾ ਦੁੱਧ ਪਾਉਣਾ ਹੈ ਕਿ ਬਰੈੱਡ ਰੋਲਸ ਦਾ ਹੇਠਲਾ ਹਿੱਸਾ ਭਿੱਜ ਜਾਏ। ਕੁਝ ਘੰਟੇ ਫਰਿਜ ਵਿੱਚ ਰੱਖ ਕੇ ਠੰਢਾ ਕਰ ਲਓ। ਉਪਰੋਂ ਸੁੱਕੇ ਮੇਵੇ ਪਾ ਕੇ ਪਰੋਸੋ।