‘ਗਲੀ ਬੁਆਏ’ ਵਿੱਚ ਐੱਮ ਸੀ ਸ਼ੇਰ ਸਿੰਘ ਦਾ ਰੋਲ ਨਿਭਾ ਕੇ ਆਪਣੀ ਪਛਾਣ ਬਣਾ ਚੁੱਕੇ ਸਿਧਾਂਤ ਚਤੁਰਵੇਦੀ ਦੇ ਕੋਲ ਇਸ ਸਮੇਂ ਕਈ ਫਿਲਮਾਂ ਹਨ, ਜਿਨ੍ਹਾਂ ਵਿੱਚ ਇੱਕ ਐਕਸ਼ਨ ਫਿਲਮ ਵੀ ਹੈ। ਆਪਣੀ ਆਉਣ ਵਾਲੀ ਐਕਸ਼ਨ ਫਿਲਮ ਬਾਰੇ ਕਾਫੀ ਉਤਸ਼ਾਹਤ ਹਨ। ਪੇਸ਼ ਹਨ ਸਿਧਾਂਤ ਚਤੁਰਵੇਦੀ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਲਾਕਡਾਊਨ ਨੇ ਜ਼ਿੰਦਗੀ ਕਿੰਨੀ ਕੁ ਬਦਲ ਦਿੱਤੀ ਹੈ?
- ‘ਗਲੀ ਬੁਆਏ’ ਦੇ ਪਿੱਛੋਂ ਬੀਤਿਆ ਇੱਕ ਸਾਲ ਕਾਫੀ ਵਧੀਆ ਨਿਕਲਿਆ। ਵਰਨਾ ਉਸ ਦੇ ਪਹਿਲਾਂ ਦੀ ਜ਼ਿੰਦਗੀ ਤਾਂ ਬਿਲਕੁਲ ਲਾਕਡਾਊਨ ਵਰਗੀ ਸੀ। ਚਾਰਟਰਡ ਅਕਾਊਂਟੈਂਟ ਦੀ ਪੜ੍ਹਾਈ ਦੇ ਦਿਨਾਂ ਵਿੱਚ ਮੇਰਾ ਰੁਟੀਨ ਇਹ ਹੀ ਸੀ। 12-12 ਘੰਟੇ ਪੜ੍ਹਨਾ ਹੁੰਦਾ ਸੀ ਤਾਂ ਘਰੋਂ ਬਾਹਰ ਨਿਕਲਦਾ ਨਹੀਂ ਸੀ। ਸਟ੍ਰਗਲ ਦੇ ਟਾਈਮ 'ਤੇ ਵੀ ਇਹੀ ਰੁਟੀਨ ਸੀ। ਹਫਤੇ 'ਚ ਇੱਕ ਦੋ ਆਡੀਸ਼ਨ ਹੀ ਦੇ ਪਾਉਂਦਾ ਸੀ ਤੇ ਬਾਕੀ ਦਿਨਾਂ ਵਿੱਚ ਘਰ ਰਹਿੰਦਾ ਸੀ। ਫਿਰ ‘ਗਲੀ ਬੁਆਏ’ ਮਿਲੀ ਜਿਸ ਦੇ ਬਾਅਦ ਕਈ ਫਿਲਮਾਂ ਬਿਜ਼ੀ ਹੋ ਗਿਆ।
* ਇਸ ਸਮੇਂ ਤੁਹਾਡੀਆਂ ਕਿੰਨੀਆਂ ਫਿਲਮਾਂ ਲਟਕੀਆਂ ਹਨ?
- ਫਿਲਹਾਲ ਤਿੰਨ ਫਿਲਮਾਂ ਲਟਕੀਆਂ ਹਨ। ਇੱਕ ਸ਼ਕੁਨ ਬੱਤਰਾ ਦੀ ਫਿਲਮ ਹੈ ਦੀਪਿਕਾ ਨਾਲ। ‘ਬੰਟੀ ਔਰ ਬਬਲੀ 2’ ਦੀ ਸ਼ੂਟਿੰਗ ਲਗਭਗ ਪੂਰੀ ਹੋ ਚੁੱਕੀ ਹੈ। ਇਸ ਦੇ ਕੁਝ ਹਿੱਸੇ ਦੀ ਸ਼ੂਟਿੰਗ ਬਚੀ ਸੀ ਜਿਸ ਲਈ ਅਸੀਂ ਲੋਕ ਇੱਕ ਮਹੀਨੇ ਲਈ ਸ੍ਰੀਲੰਕਾ ਜਾਣ ਵਾਲੇ ਸੀ, ਪਰ ਅੱਗੋਂ ਜਦ ਸ਼ੂਟਿੰਗ ਸ਼ੁਰੂ ਹੋਵੇਗੀ, ਤਦ ਅਸੀਂ ਲੋਕ ਮੁੰਬਈ ਵਾਲਾ ਪੋਰਸ਼ਨ ਹੀ ਪਹਿਲਾਂ ਸ਼ੂਟ ਕਰਾਂਗੇ। ਇਹ ਗਾਣੇ ਦਾ ਸੀਕਵੈਂਸ ਹੈ ਜਿਸ ਨੂੰ ਯਸ਼ਰਾਜ ਸਟੂਡੀਓ ਵਿੱਚ ਸ਼ੂਟ ਕੀਤਾ ਜਾਏਗਾ।
* ਤੁਹਾਡੀ ਕੋਈ ਐਕਸ਼ਨ ਫਿਲਮ ਵੀ ਸੀ ਸ਼ਾਇਦ?
- ਉਸ ਲਈ ਅਸੀਂ ਇੱਕ ਅਨਾਊਂਸਮੈਂਟ ਵੀਡੀਓ ਸ਼ੂਟ ਕਰ ਲਿਆ ਸੀ। ਮੈਂ ਖੁਦ ਉਸ ਫਿਲਮ ਬਾਰੇ ਕਾਫੀ ਐਕਸਾਈਟਿਡ ਸੀ ਕਿਉਂਕਿ ਐਕਸ਼ਨ ਮੈਨੂੰ ਬਹੁਤ ਪਸੰਦ ਹੈ। ਉਸ ਦੇ ਬਹੁਤੇ ਹਿੱਸੇ ਦੀ ਸ਼ੂਟਿੰਗ ਇੰਟਰਨੈਸ਼ਨਲੀ ਹੋਣੀ ਸੀ। ਦੇਖਦੇ ਹਾਂ ਕਿ ਉਸ ਨੂੰ ਅਸੀਂ ਲੋਕ ਕਿਵੇਂ ਸ਼ੂਟ ਕਰਾਂਗੇ। ਇੱਕ ਹਾਰਰ-ਕਾਮੇਡੀ ਵੀ ਹੈ ਜਿਸ ਨੂੰ ਅਸੀਂ ਅਨਾਊਂਸ ਕਰਨ ਵਾਲੇ ਸੀ।
* ਇਹ ਕਿਸ ਤਰ੍ਹਾਂ ਦੀ ਐਕਸ਼ਨ ਫਿਲਮ ਹੈ? ਕੀ ਇਸ ਵਿੱਚ ਬਾਲੀਵੁੱਡ ਦਾ ਤੜਕਾ ਹੈ?
- ਨਹੀਂ, ਇਹ ਕਿਸੇ ਤੋਂ ਇੰਸਪਾਇਰਡ ਨਹੀਂ। ਇਸ ਵਿੱਚ ਅਸੀਂ ਨਵੇਂ ਤਰ੍ਹਾਂ ਦਾ ਸਟਰੀਟ ਐਕਸ਼ਨ ਲਿਆਉਣ ਵਾਲੇ ਹਾਂ। ਅਸੀਂ ਇਸ 'ਤੇ ਇਹ ਸੋਚ ਕੇ ਕੰਮ ਕੀਤਾ ਕਿ ਅਸੀਂ ਪਬਲਿਕ ਨੂੰ ਟਾਈਗਰ ਸ਼ਰਾਫ ਤੋਂ ਚੰਗਾ ਐਕਸ਼ਨ ਕੀ ਦੇ ਸਕਦੇ ਹਾਂ।