ਫਾਰਮਰ ਬਿਊਟੀ ਕਵੀਨ ਅਤੇ ਅਭਿਨੇਤਰੀ ਸੇਲਿਨਾ ਜੇਤਲੀ ਇੱਕ ਵਾਰ ਫਿਰ ਬਾਲੀਵੁੱਡ ਫਿਲਮਾਂ ਵਿੱਚ ਵਾਪਸੀ ਕਰਨ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੱਤ ਸਾਲਾਂ ਬਾਅਦ ਸੇਲਿਨਾ, ਰਾਮ ਕਮਲ ਮੁਖਰਜੀ ਦੀ ਹਿੰਦੀ ਫਿਲਮ ‘ਅ ਟਿ੍ਰਬਿਊਟ ਟੂ ਰਿਤੁਪਰਣੋਂ ਘੋਸ਼ : ਸੀ ਸੰਸ ਗ੍ਰੀਟਿੰਗਸ’ ਵਿੱਚ ਨਜ਼ਰ ਆਏਗੀ। ਇਹ ਫਿਲਮ ਮਾਂ-ਧੀ ਦੇ ਰਿਸ਼ਤੇ ਉਤੇ ਆਧਾਰਤ ਹੋਵੇਗੀ ਜਿਸ ਵਿੱਚ ਸੇਲਿਨਾ ਬੇਟੀ ਦੇ ਰੋਲ ਵਿੱਚ ਦਿਖਾਈ ਦੇਵੇਗੀ। ਸੇਲਿਨਾ ਦੇ ਨਾਲ ਮਾਂ ਦੇ ਰੋਲ ਵਿੱਚ ਮਸ਼ਹੂਰ ਐਕਟਰੈਸ ਲਿਲੇਟ ਦੁਬੇ ਨਜ਼ਰ ਆਏਗੀ। ਇਸ ਫਿਲਮ ਵਿੱਚ ਅਜਹਰ ਖਾਨ ਵੀ ਲੀਡ ਰੋਲ ਵਿੱਚ ਬਾਲੀਵੁੱਡ ਵਿੱਚ ਡੈਬਿਊ ਕਰਨ ਜਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਸ ਫਿਲਮ ਵਿੱਚ ਕੰਮ ਕਰਨ ਨੂੰ ਲੈ ਕੇ ਕਾਫੀ ਉਤਸ਼ਾਹਤ ਹਨ ਕਿਉਂਕਿ ਉਹ ਰਿਤੁਪਰਣੋਂ ਘੋਸ਼ ਤੋਂ ਕਾਫੀ ਪ੍ਰਭਾਵਤ ਰਹੇ ਹਨ।
ਸੇਲਿਨਾ ਨੇ ਕਿਹਾ ਕਿ ਪਿਛਲੇ 18 ਸਾਲਾਂ ਤੋਂ ਰਿਤੁਪਰਣੋਂ ਐਲ ਜੀ ਬੀ ਟੀ ਕਿਯੂ ਫਿਰਕੇ ਲਈ ਅੰਦੋਲਨ ਚਲਾ ਰਹੇ ਸਨ ਜਿਸ ਕਾਰਨ ਇਸ ਫਿਲਮ ਵਿੱਚ ਕੰਮ ਕਰਨਾ ਮੇਰੀ ਖੁਸ਼ਨਸੀਬੀ ਹੋਵੇਗੀ। ਇਸ ਫਿਲਮ ਦੀ ਸ਼ੂਟਿੰਗ ਕੋਲਕਾਤਾ ਵਿੱਚ ਕੀਤੀ ਜਾਏਗੀ। ਡਾਇਰੈਕਟਰ ਨੇ ਸੇਲਿਨਾ ਦੇ ਬਾਰੇ ਕਿਹਾ ਕਿ ਉਹ ਪਹਿਲਾਂ ਤੋਂ ਉਨ੍ਹਾਂ ਨੂੰ ਜਾਣਦੇ ਹਨ ਤੇ ਚਾਹੁੰਦੇ ਹਨ ਕਿ ਅਜਿਹੀ ਐਕਟਰੈੱਸ ਇਹ ਰੋਲ ਨਿਭਾਏ ਜੋ ਫਿਲਮ ਦੇ ਸਬਜੈਕਟ ਨਾਲ ਜੁੜ ਸਕੇ। ਉਨ੍ਹਾਂ ਦੱਸਿਆ ਕਿ ਫਿਲਮ ਸਕ੍ਰਿਪਟ ਸੁਣਨ ਪਿੱਛੋਂ ਸੇਲਿਨਾ ਕਾਫੀ ਇਮੋਸ਼ਨਲ ਹੋ ਗਈ ਸੀ। ਸੇਲਿਨਾ ਦੇ ਕਰੀਅਰ ਲਈ ਇਹ ਫਿਲਮ ਕਾਫੀ ਮਹੱਤਵ ਪੂਰਨ ਹੈ।