ਆਖਰ ਸ਼ਰਧਾ ਕਪੂਰ ਨੂੰ ਹਮਸਫਰ ਮਿਲ ਹੀ ਗਿਆ, ਪਰ ਜ਼ਰਾ ਰੁਕੋ। ਇਥੇ ਅਸੀਂ ਉਸ ਦੀ ਰੀਅਲ ਲਾਈਫ ਦੀ ਨਹੀਂ, ਰੀਲ ਲਾਈਫ ਦੀ ਗੱਲ ਕਰ ਰਹੇ ਹਾਂ। ਸ਼ਰਧਾ ਕਪੂਰ ਇਨ੍ਹੀਂ ਦਿਨੀਂ ਬੈਡਮਿੰਟਨ ਖਿਡਾਰਨ ਸਾਈਨਾ ਨੇਹਵਾਲ ਦੀ ਬਾਇਓਪਿਕ ਵਿੱਚ ਕੰਮ ਕਰ ਰਹੀ ਹੈ ਅਤੇ ਇਸ ਵਿੱਚ ਉਹ ਰੀਅਲ ਲਾਈਫ ਬੈਡਮਿੰਟਨ ਪਲੇਅਰ ਅਤੇ ਮਿਊਜ਼ੀਸ਼ੀਅਨ ਈਸ਼ਾਨ ਨਕਵੀ ਨਾਲ ਰੋਮਾਂਸ ਕਰਦੀ ਨਜ਼ਰ ਆਏਗੀ। ਦਿਲਚਸਪ ਗੱਲ ਇਹ ਹੈ ਕਿ ਈਸ਼ਾਨ ਪਿਛਲੇ ਕਈ ਮਹੀਨਿਆਂ ਤੋਂ ਸ਼ਰਧਾ ਨੰ ਇਸ ਫਿਲਮ ਲਈ ਬੈਡਮਿੰਟਨ ਦੀ ਕੋਚਿੰਗ ਦੇ ਰਿਹਾ ਹੈ। ਫਿਲਮ ਦੇ ਪ੍ਰੋਡਿਊਸਰ ਭੂਸ਼ਣ ਕੁਮਾਰ ਨੇ ਵੀ ਇਸ ਨੂੰ ਕਨਫਰਮ ਕੀਤਾ ਅਤੇ ਕਿਹਾ ਕਿ ਬਾਇਓਪਿਕ ਵਿੱਚ ਸ਼ਰਧਾ ਦਾ ਆਪੋਜ਼ਿਟ ਈਸ਼ਾਨ ਨਜ਼ਰ ਆਉਮਗੇ।
ਪਿੱਛੇ ਜਿਹੇ ਹੋਈ ਗੱਲਬਾਤ ਵਿੱਚ ਸ਼ਰਧਾ ਨੇ ਦੱਸਿਆ ਕਿ ਉਹ ਰੋਜ਼ ਸਵੇਰੇ ਛੇ ਵਜੇ ਤੋਂ ਬੈਡਮਿੰਟਨ ਕਲਾਸ ਵਿੱਚ ਸ਼ਾਮਲ ਹੁੰਦੀ ਹੈ ਤੇ ਉਸ ਨੂੰ ਆਪਣੇ ਕੋਚ ਈਸ਼ਾਨ ਨਕਵੀ ਤੋਂ ਕਾਫੀ ਕੁਝ ਸਿੱਖਣ ਨੂੰ ਮਿਲਦਾ ਹੈ। ਇਸ ਤੋਂ ਵੀ ਖਾਸ ਗੱਲ ਇਹ ਹੈ ਕਿ ਹਾਲ ਹੀ ਵਿੱਚ ਸਾਈਨਾ ਨੇਹਵਾਲ ਨੇ ਅਨਾਊਂਸਮੈਂਟ ਕੀਤੀ ਕਿ ਉਹ 16 ਦਸੰਬਰ ਨੂੰ ਸ਼ਟਲਰ ਪੀ ਕਸਯਪ ਦੇ ਨਾਲ ਵਿਆਹ ਕਰੇਗੀ। ਸਾਈਨ ਅਤੇ ਪੀ ਕਸ਼ਯਪ ਨੇ ਸਾਲ 2007 ਵਿੱਚ ਇੱਕ-ਦੂਸਰੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ ਸੀ। ਦੋਵੇਂ ਉਸ ਵਕਤ ਨੇੜੇ ਆਏ ਜਦ ਉਨ੍ਹਾਂ ਇਕੱਠੇ ਬੈਡਮਿੰਟਨ ਟੂਰ 'ਤੇ ਜਾਣਾ ਸ਼ੁਰੂ ਕੀਤਾ। ਸਾਈਨਾ ਦੀ ਇਸੇ ਲਵ ਸਟੋਰੀ ਨੂੰ ਉਨ੍ਹਾਂ ਦੀ ਬਾਇਓਪਿਕ ਵਿੱਚ ਦਿਖਾਇਆ ਜਾਏਗਾ। ਇੱਕ ਸੋਰਸ ਮੁਤਾਬਕ ਅਮੋਲ ਗੁਪਤੇ ਇੱਕ ਅਜਿਹੇ ਚਿਹਰੇ ਦੀ ਤਲਾਸ਼ ਵਿੱਚ ਸਨ, ਜੋ ਫਿਲਮ ਵਿੱਚ ਸ਼ਰਧਾ ਦੇ ਆਪੋਜ਼ਿਟ ਚੰਗਾ ਲੱਗੇ, ਨਾਲ ਬੈਡਮਿੰਟਨ ਪਲੇਅਰ ਦੇ ਰੋਲ ਵਿੱਚ ਵੀ ਫਿਟ ਬੈਠੇ। ਅਮੋਲ, ਈਸ਼ਾਨ ਨਕਵੀ ਤੋਂ ਇੰਨਾ ਪ੍ਰਭਾਵਤ ਹੋਏ ਕਿ ਉਨ੍ਹਾਂ ਨੇ ਸ਼ਰਧਾ ਦੇ ਆਪੋਜ਼ਿਟ ਉਨ੍ਹਾਂ ਨੂੰ ਸਾਈਨ ਕਰ ਲਿਆ।