ਬੀਤੇ ਹਫਤੇ ਅਜੈ ਦੇਵਗਨ ਅਤੇ ਰਕੁਲਪ੍ਰੀਤ ਸਿੰਘ ਦੀ ਫਿਲਮ ‘ਦੇ ਦੇ ਪਿਆਰ’ ਨੂੰ ਰਿਲੀਜ਼ ਹੋਏ ਇੱਕ ਸਾਲ ਹੋ ਗਿਆ। ਇਸ ਫਿਲਮ ਵਿੱਚ ਰਕੁਲਪ੍ਰੀਤ ਨੇ ਆਇਸ਼ਾ ਨਾਂਅ ਦੀ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ, ਜਿਸ ਨੂੰ 50 ਸਾਲ ਦੇ ਵਿਅਕਤੀ ਨਾਲ ਪਿਆਰ ਹੋ ਜਾਂਦਾ ਹੈ।
ਸੋਸ਼ਲ ਮੀਡੀਆ ਲਾਈਵ 'ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਮੁਖਾਤਿਬ ਹੁੰਦੇ ਹੋਏ ਉਨ੍ਹਾਂ ਨੇ ਦੱਸਿਆ ਕਿ ਇਸ ਫਿਲਮ ਦੇ ਲਈ ਉਸ ਨੇ ਡੇਢ ਮਹੀਨੇ ਵਿੱਚ ਅੱਠ ਕਿਲੋ ਵਜ਼ਨ ਘੱਟ ਕੀਤਾ ਸੀ। ਤੇਲਗੁ ਫਿਲਮਾਂ ਦੇ ਨਿਰਦੇਸ਼ਕ ਨਹੀਂ ਚਾਹੁੰਦੇ ਸਨ ਕਿ ਉਨ੍ਹਾਂ ਦੀ ਨਾਇਕਾ ਵੱਧ ਮੋਟੀ ਹੋਵੇ। ਇਸ ਲਈ ਜਦ ਉਨ੍ਹਾਂ ਨੂੰ ‘ਦੇ ਦੇ ਪਿਆਰ ਦੇ’ ਦਾ ਸੱਦਾ ਮਿਲਿਆ ਤਾਂ ਨਿਰਮਾਤਾਵਾਂ ਨੇ ਉਨ੍ਹਾਂ ਨੂੰ ਕਿਰਦਾਰ ਵਿੱਚ ਫਿੱਟ ਹੋਣ ਲਈ 45 ਦਿਨ ਦਾ ਸਮਾਂ ਦਿੱਤਾ। ਇਸ ਦੌਰਾਨ ਉਸ ਨੇ ਲਗਭਗ ਅੱਠ ਕਿਲੋ ਵਜ਼ਨ ਘੱਟ ਕੀਤਾ। ਉਸ ਦੇ ਅਨੁਸ਼ਾਸਨ ਸਭ ਤੋਂ ਪਹਿਲਾਂ ਹੈ। ਅਨੁਸ਼ਾਸਨ ਅਤੇ ਸੰਤੁਲਿਤ ਭੋਜਨ ਦੇ ਕਾਰਨ ਉਹ ਚਿਹਰੇ ਤੋਂ ਚਮਕ ਗੁਆਏ ਬਿਨਾਂ ਇੰਨਾ ਵਜ਼ਨ ਘੱਟ ਕਰਨ ਵਿੱਚ ਸਫਲ ਰਹੀ। ਰਕੁਲਪ੍ਰੀਤ ਸਰੀਰ ਨੂੰ ਇੱਕ ਮੰਦਰ ਦੀ ਤਰ੍ਹਾਂ ਮੰਨਦੀ ਹੈ, ਇਸ ਲਈ ਉਹ ਇਸ ਦੀ ਦੇਖਭਾਲ ਕਰਨਾ ਜ਼ਰੂਰੀ ਸਮਝਦੀ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਅੱਜ ਉਹ ਜੋ ਕੁਝ ਵੀ ਹੈ ਤੇਲਗੂ ਫਿਲਮ ਇੰਡਸਟਰੀ ਦੇ ਕਾਰਨ ਹੀ ਹੈ।