ਕਾਮੇਡੀ ਫਿਲਮ ‘ਹੇਰਾ ਫੇਰੀ’ ਦੇ ਤੀਸਰੇ ਪਾਰਟ ਬਾਰੇ ਇਸ ਫਿਲਮ ਦਾ ਹਿੱਸਾ ਰਹਿ ਚੁੱਕੇ ਸੁਨੀਲ ਸ਼ੈੱਟੀ ਨੇ ਕਿਹਾ ਹੈ ਕਿ ‘ਹੇਰਾ ਫੇਰੀ 3’ ਬਣਨ ਵਿਚ ਕਿਉਂ ਦੇਰ ਹੋ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਫਿਲਮ ਦੀ ਟੀਮ ‘ਹੇਰਾ ਫੇਰੀ 3’ ਬਣਾਉਣ ਦੀ ਸੋਚ ਹੈ, ਪਰ ਕੁਝ ਦਿੱਕਤਾਂ ਹਨ, ਜਿਨ੍ਹਾਂ ਨੂੰ ਦੂਰ ਕਰਨਾ ਸਭ ਦੀ ਪਹਿਲ ਹੈ। ਉਨ੍ਹਾ ਦਾ ਕਹਿਣਾ ਹੈ ਕਿ ‘ਹੇਰਾ ਫੇਰੀ' ਟੀ ਵੀ ਉਤੇ ਵੀ ਹਿੱਟ ਹੋਈ ਹੈ। ਅੱਜਕੱਲ੍ਹ ਮੀਮਸ ਬਣਾਉਣ ਵਿੱਚ ਵੀ ਇਸ ਫਿਲਮ ਦੇ ਦਿ੍ਰਸ਼ਾਂ ਦੀ ਵਰਤੋਂ ਹੁੰਦੀ ਹੈ। ਸਾਨੂੰ ਸਾਰਿਆਂ ਨੂੰ ਪਤਾ ਹੈ ਕਿ ਦਰਸ਼ਕ ਇਸ ਦੇ ਲਈ ਤੀਸਰੇ ਪਾਰਟ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਸਾਲ 2000 ਵਿੱਚ ‘ਹੇਰਾ ਫੇਰੀ’ ਫਿਲਮ ਬਣੀ ਸੀ। ਮੂਲ ਫਿਲਮ ਦਾ ਨਿਰਦੇਸ਼ਨ ਪ੍ਰਿਯਦਰਸ਼ਨ ਨੇ ਕੀਤਾ ਸੀ। ਫਿਲਮ ਦੇ ਵੀਹ ਸਾਲ ਪੂਰੇ ਹੋਣ 'ਤੇ ਸੁਨੀਲ ਨੇ ਦੱਸਿਆ ਸੀ ਕਿ ਉਨ੍ਹਾਂ ਨੂੰ ਬਿਲਕੁਲ ਅੰਦਾਜ਼ਾ ਨਹੀਂ ਹੈ ਕਿ ਇਹ ਫਿਲਮ ਕਿਵੇਂ ਬਣ ਗਈ।