ਕਰਨਾਲ, 21 ਮਈ (ਪੋਸਟ ਬਿਊਰੋ)- ਕਾਂਗਰਸ ਦੇ ਸੂਬਾ ਸੈਕਟਰੀ ਪੰਕਜ ਪੂਨੀਆ ਵੱਲੋਂ ਟਵੀਟਰ 'ਤੇ ਕੀਤੇ ਗਏ ਗਲਤ ਬਿਆਨ ਕਾਰਨ ਮਧੂਬਨ ਥਾਣਾ ਪੁਲਸ ਨੇ ਉਸ ਨੂੰ ਗ਼੍ਰਿਫ਼ਤਾਰ ਕੀਤਾ ਹੈ।
ਵਰਨਣ ਯੋਗ ਹੈ ਕਿ ਪੰਕਜ ਪੂਨੀਆ ਵੱਲੋਂ ਟਵੀਟਰ 'ਤੇ ਗਲਤ ਵਿਹਾਰ ਬਾਰੇ ਹਿੰਦੂ ਧਰਮ ਦੇ ਲੋਕਾਂ ਦਾ ਗੁਸਾ ਵਧ ਰਿਹਾ ਸੀ, ਜਿਸ ਬਾਰੇ ਆਰ ਐਸ ਐਸ ਅਤੇ ਹਿੰਦੂ ਧਰਮ ਦੇ ਹੋਰ ਲੋਕਾਂ ਨੇ ਸਦਰ ਥਾਣਾ ਪਹੁੰਚ ਕੇ ਪੰਕਜ ਪੂਨੀਆ ਬਾਰੇ ਲਿਖਤੀ ਸ਼ਿਕਾਇਤ ਦਿੱਤੀ ਸੀ। ਇਸ ਦੇ ਨਾਲ ਉਨ੍ਹਾਂ ਨੇ ਸਿਵਲ ਲਾਈਨ ਥਾਣਾ ਵਿੱਚ ਵੀ ਇਸ ਦੀ ਸ਼ਿਕਾਇਤ ਦਿੱਤੀ ਅਤੇ ਪੰਕਜ ਪੂਨੀਆ ਦੇ ਖ਼ਿਲਾਫ਼ ਕੇਸ ਦਰਜ ਕਰ ਉਚਿਤ ਕਾਰਵਾਈ ਦੀ ਮੰਗ ਕੀਤੀ ਸੀ। ਸਿ਼ਕਾਇਤ ਕਰਤਿਆਂ ਨੇ ਕਿਹਾ ਕਿ ਪੰਕਜ ਕੁਮਾਰ ਨੇ ਜਿਹੜੀ ਸ਼ਬਦਵਲੀ ਵਰਤੀ ਹੈ, ਉਸ ਤੋਂ ਨਹੀਂ ਲੱਗਦਾ ਕਿ ਉਹ ਹਿੰੰਦੂ ਹੈ। ਪੂਨੀਆ ਨੇ ਇਸ ਟਵੀਟ ਤੋਂ ਹਿੰਦੂ ਧਰਮ ਦੀ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਇਸ ਟਵੀਟ ਬਾਰੇ ਕਾਂਗਰਸ ਦੀ ਸੋਨੀਆ ਗਾਂਧੀ ਤੇ ਸੂਬਾ ਕਾਂਗਰਸ ਦੀ ਪ੍ਰਧਾਨ ਕੁਮਾਰੀ ਸ਼ੈਲਜਾ ਨੂੰ ਖੁੱਲ੍ਹਾ ਪੱਤਰ ਲਿਖ ਕੇ ਇਹ ਵੀ ਪੁੱਛਿਆ ਜਾ ਰਿਹਾ ਹੈ ਕਿ ਪੰਕਜ ਨੇ ਜਿਸ ਮਾਨਸਿਕਤਾ ਨਾਲ ਟਵੀਟ ਕੀਤਾ ਹੈ, ਉਹ ਕਾਂਗਰਸ ਪਾਰਟੀ ਦਾ ਅਧਿਕਾਰਿਕ ਬਿਆਨ ਹੈ ਜਾ ਨਹੀਂ।
ਦੂਸਰੇ ਪਾਸੇ ਪੰਕਜ ਪੂਨੀਆ ਦਾ ਕਹਿਣਾ ਹੈ ਕਿ ਜੋ ਟਵੀਟ ਉਨ੍ਹਾਂ ਨੇ ਕੀਤਾ ਹੈ ਉਹ ਕਿਸੇ ਵੀ ਧਰਮ ਦੀ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਲਈ ਨਹੀਂ ਕੀਤਾ। ਇਹ ਟਵੀਟਰ ਤੋਂ ਹਟਾ ਦਿੱਤਾ ਗਿਆ ਸੀ ਅਤੇ ਫਿਰ ਮਾਫ਼ੀਨਾਮਾ ਲਈ ਉਸ 'ਤੇ ਪਾ ਦਿੱਤਾ ਗਿਆ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ਕਿਸੇ ਧਰਮ ਦੀ ਭਾਵਨਾਵਾਂ ਨੂੰ ਠੇਸ ਨਹੀਂ ਪਹੁੰਚਾਉਣਾ ਚਾਹੁੰਦਾ ਸੀ।