ਅਲੀ ਫਜ਼ਲ ਉਨ੍ਹਾਂ ਲੋਕਾਂ ਵਿੱਚੋਂ ਹਨ, ਜਿਨ੍ਹਾਂ ਨੇ ਇਨ੍ਹੀਂ ਦਿਨੀਂ ਘਰ ਰਹਿ ਕੇ ਆਪਣੇ ਅੰਦਰਲਾ ਲੇਖਕ ਜਗਾਇਆ ਹੈ। ਉਹ ਮਾਰਚ ਵਿੱਚ ਆਪਣੀ ਅੰਤਰਰਾਸ਼ਟਰੀ ਫਿਲਮ ‘ਡੈੱਥ ਆਨ ਦ ਨਾਈਲ’ ਦੀ ਸ਼ੂਟਿੰਗ ਲੰਡਨ ਤੋਂ ਖਤਮ ਕਰ ਕੇ ਚਾਰ ਮਹੀਨੇ ਬਾਅਦ ਭਾਰਤ ਪਰਤੇ ਸਨ। ਤਦ ਤੋਂ ਆਪਣੇ ਘਰ ਹਨ। ਪਿਛਲੇ ਕੁਝ ਦਿਨਾਂ ਤੋਂ ਅਲੀ ਆਪਣੀ ਸਕ੍ਰਿਪਟ 'ਤੇ ਕੰਮ ਕਰ ਰਹੇ ਹਨ। ਇਹ ਕਾਲਪਨਿਕ ਕਹਾਣੀ ਹੈ। ਲੇਖਨ ਦੇ ਨਿਯਮਾਂ ਦਾ ਪਾਲਣ ਸਹੀ ਤਰੀਕੇ ਨਾਲ ਕਰਨ ਦੇ ਲਈ ਅਲੀ ਨੇ ਸਕ੍ਰੀਨਰਾਈਟਿੰਗ ਨਾਲ ਜੁੜੀਆਂ ਕਈ ਕਿਤਾਬਾਂ ਵੀ ਪੜ੍ਹੀਆਂ ਹਨ।
ਅਲੀ ਦਾ ਕਹਿਣਾ ਹੈ ਕਿ ਲੇਖਨ ਦਾ ਕੰਮ ਉਨ੍ਹਾਂ ਦੇ ਲਈ ਇੱਕ ਤਾਜ਼ਗੀ ਭਰਿਆ ਅਨੁਭਵ ਸੀ। ਉਹ ਕਹਿੰਦੇ ਹਨ, ‘‘ਮੇਰੇ ਕੋਲ ਇੱਕ ਬੇਸਿਕ ਆਈਡੀਆ ਸੀ, ਜਿਸ 'ਤੇ ਕੰਮ ਕਰਨਾ ਸ਼ੁਰੂ ਕੀਤਾ ਹੈ। ਇਹ ਕਹਾਣੀ ਜੀਵਨ ਨਾਲ ਜੁੜੀ ਹੈ, ਜੋ ਜ਼ਿੰਦਗੀ ਦੀ ਅਹਿਮੀਅਤ ਸਮਝਾਉਣ ਤੇ ਉਸ ਦਾ ਜਸ਼ਨ ਮਨਾਉਣ ਬਾਰੇ ਹੋਵੇਗੀ। ਇਸ ਸਮੇਂ ਜੀਵਨ ਨੂੰ ਇੱਕ ਨਵੇਂ ਨਜ਼ਰੀਏ ਦੀ ਉਮੀਦ ਨਾਲ ਦੇਖਣ ਦੀ ਜ਼ਰੂਰਤ ਹੈ। ਕੋਸ਼ਿਸ਼ ਹੈ ਕਿ ਮੈਂ ਇਸ ਫਿਲਮ ਵਿੱਚ ਉਹ ਨਜ਼ਰੀਆ ਦਿਖਾ ਸਕਾਂ।”