Welcome to Canadian Punjabi Post
Follow us on

17

November 2018
ਭਾਰਤ

ਅਮਰੀਕਾ ਦੀਆਂ ਮੱਧ-ਕਾਲੀ ਚੋਣਾਂ ਵਿੱਚ ਟਰੰਪ ਦੀ ਸਾਖ ਦਾਅ 'ਤੇ ਲੱਗੀ

November 06, 2018 06:20 AM

ਨਵੀਂ ਦਿੱਲੀ, 5 ਨਵੰਬਰ (ਪੋਸਟ ਬਿਊਰੋ)- ਅਮਰੀਕਾ ਦੀਆਂ ਮੱਧ-ਕਾਲੀ ਚੋਣਾਂ ਇਸ ਵਾਰ ਬੜੀ ਚਰਚਾ 'ਚ ਹਨ। ਇਨ੍ਹਾਂ ਨੂੰ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਸਾਖ ਨਾਲ ਜੋੜਿਆ ਜਾ ਰਿਹਾ ਹੈ। ਕਾਰਜਕਾਲ ਦੇ ਵਿਚਾਲੇ ਹੋ ਰਹੀਆਂ ਇਨ੍ਹਾਂ ਚੋਣਾਂ ਨਾਲ ਟਰੰਪ ਦੀ ਸੱਤਾ 'ਤੇ ਭਾਵੇਂ ਅਸਰ ਨਹੀਂ ਪਵੇਗਾ, ਪਰ ਉਨ੍ਹਾਂ ਦੇ ਵੱਕਾਰ 'ਤੇ ਪ੍ਰਭਾਵ ਜ਼ਰੂਰ ਪਵੇਗਾ। ਇਸ ਤੋਂ ਇਲਾਵਾ ਟਰੰਪ ਦੀ ਰਿਪਬਲਿਕਨ ਪਾਰਟੀ ਨੂੰ 100 ਮੈਂਬਰਾਂ ਵਾਲੇ ਉਚ ਸਦਨ, ਸੈਨੇਟ ਵਿੱਚ ਬਹੁਮਤ ਗੁਆਉਣ ਦਾ ਡਰ ਹੈ। ਸੈਨੇਟ 'ਚ ਡੈਮੋਕ੍ਰੇਟਸ ਦਾ ਬਹੁਮਤ ਹੋ ਗਿਆ ਤਾਂ ਆਪਣੇ ਬਾਕੀ ਕਾਰਜਕਾਲ ਵਿੱਚ ਟਰੰਪ ਨੂੰ ਫੈਸਲੇ ਲੈਣ ਵਿੱਚ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ। ਹਾਲੇ ਤੱਕ ਸੈਨੇਟ 'ਚ ਰਿਪਬਲਿਕਨ ਦੀਆਂ 51 ਸੀਟਾਂ ਹਨ।
ਅਮਰੀਕਾ 'ਚ ਮੱਧ-ਕਾਲੀ ਚੋਣਾਂ ਦਾ ਇਤਿਹਾਸ ਰਿਹਾ ਹੈ ਕਿ ਰਾਸ਼ਟਰਪਤੀ ਦੀ ਪਾਰਟੀ ਪ੍ਰਤੀਨਿਧੀ ਸਭਾ (ਹਾਊਸ ਆਫ ਰਿਪ੍ਰਜੈਂਟੇਟਿਵਜ਼) ਦੀਆਂ ਔਸਤਨ 30 ਸੀਟਾਂ ਤੇ ਸੈਨੇਟ ਦੀਆਂ ਚਾਰ ਸੀਟਾਂ ਗੁਆ ਲੈਂਦੀ ਹੈ। ਪਿਛਲੀਆਂ ਦੋ ਦਰਜਨ ਮੱਧ-ਕਾਲੀ ਚੋਣਾਂ ਵਿੱਚ ਸਿਰਫ ਦੋ ਵਾਰ ਏਦਾਂ ਹੋਇਆ ਹੈ, ਜਦੋਂ ਦੋਵੇਂ ਸਦਨਾਂ ਵਿੱਚ ਰਾਸ਼ਟਰਪਤੀ ਦੀ ਪਾਰਟੀ ਦੀਆਂ ਸੀਟਾਂ ਵਧੀਆਂ ਹਨ। ਇਸ ਵਾਰ ਦੀਆਂ ਮੱਧ-ਕਾਲੀ ਚੋਣਾਂ ਨੂੰ ਲੈ ਕੇ ਮਾਹਰ ਦੋ ਹਿੱਸਿਆਂ ਵਿੱਚ ਵੰਡੇ ਨਜ਼ਰ ਆ ਰਹੇ ਹਨ। ਇਕ ਵਰਗ ਦਾ ਮੰਨਣਾ ਹੈ ਕਿ ਟਰੰਪ ਆਪਣੇ ਸੁਭਾਅ ਅਤੇ ਫੈਸਲਿਆਂ ਕਾਰਨ ਲੋਕਪ੍ਰਿਅਤਾ ਗੁਆ ਰਹੇ ਹਨ। ਅਮਨ ਪਸੰਦ ਅਮਰੀਕੀ ਉਨ੍ਹਾਂ ਦੇ ਵਿਰੋਧ ਵਿੱਚ ਹਨ। ਪਰਵਾਸੀਆਂ ਬਾਰੇ ਟਰੰਪ ਦਾ ਰਵੱਈਆ ਅਤੇ ਕਾਰੋਬਾਰੀ ਮੋਰਚੇ 'ਤੇ ਉਨ੍ਹਾਂ ਦੀਆਂ ਨੀਤੀਆਂ ਨਾਲ ਵੀ ਵੱਡਾ ਵਰਗ ਖਫਾ ਦੱਸਿਆ ਜਾ ਰਿਹਾ ਹੈ। ਮਾਹਰਾਂ ਦਾ ਦੂਸਰਾ ਵਰਗ ਮੰਨਦਾ ਹੈ ਕਿ ਡੋਨਾਲਡ ਟਰੰਪ ਦੀ ਲੋਕਪ੍ਰਿਅਤਾ ਵਿੱਚ ਕਮੀ ਨਹੀਂ ਆਈ, ਨੀਤੀਆਂ ਨੂੰ ਰਾਸ਼ਟਰਵਾਦ ਨਾਲ ਜੋੜਨ ਕਾਰਨ ਵੱਡਾ ਵਰਗ ਉਨ੍ਹਾਂ ਨਾਲ ਹੈ।
ਇਸ ਦੌਰਾਨ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਇਨ੍ਹਾਂ ਚੋਣਾਂ ਵਿੱਚ ਡੈਮੋਕ੍ਰੇਟਸ ਦੇ ਪੱਖ ਵਿੱਚ ਲੱਕ ਬੰਨ੍ਹ ਲਿਆ ਹੈ। ਚੋਣਾਂ ਦੇ ਆਖਰੀ ਦੌਰ ਵਿੱਚ ਓਬਾਮਾ ਖੁੱਲ੍ਹਾ ਪ੍ਰਚਾਰ ਕਰ ਰਹੇ ਹਨ। ਉਨ੍ਹਾਂ ਦੀ ਇਸ ਸਰਗਰਮੀ ਨਾਲ ਕੁਝ ਸੀਟਾਂ 'ਤੇ ਰਿਪਬਲਿਕਨ ਨੂੰ ਨੁਕਸਾਨ ਹੋ ਸਕਦਾ ਹੈ। ਪਿੱਛੇ ਜਿਹੇ ਪੀਟਰਸਬਰਗ 'ਚ ਹੋਈ ਗੋਲੀਬਾਰੀ ਦੀ ਘਟਨਾ ਨਾਲ ਵੀ ਟਰੰਪ ਨੂੰ ਨੁਕਸਾਨ ਹੋਣ ਦੀ ਗੱਲ ਕਹੀ ਜਾ ਰਹੀ ਹੈ। ਪੀਟਰਸਬਰਗ 'ਚ ਪਰਵਾਸੀਆਂ ਤੇ ਯਹੂਦੀਆਂ ਨੂੰ ਨਫਰਤ ਕਰਨ ਵਾਲੇ ਇਕ ਵਿਅਕਤੀ ਨੇ ਗੋਲੀਬਾਰੀ ਕਰਦੇ ਹੋਏ 11 ਲੋਕਾਂ ਦੀ ਹੱਤਿਆ ਕਰ ਦਿੱਤੀ ਸੀ।

Have something to say? Post your comment