Welcome to Canadian Punjabi Post
Follow us on

17

November 2018
ਭਾਰਤ

ਆਪ ਪਾਰਟੀ ਤੇ ਭਾਜਪਾ ਆਗੂਆਂ ਦੀ ਹੱਥੋਪਾਈ ਦੌਰਾਨ ਦਿੱਲੀ ਦੇ ਸਿਗਨੇਚਰ ਬ੍ਰਿਜ ਦਾ ਉਦਘਾਟਨ

November 05, 2018 08:03 AM

ਨਵੀਂ ਦਿੱਲੀ, 4 ਨਵੰਬਰ, (ਪੋਸਟ ਬਿਊਰੋ)- ਦਿੱਲੀ ਵਿੱਚ ਜਮਨਾ ਦਰਿਆ ਦੇ ਨਵੇਂ ਬਣੇ ਸਿਗਨੇਚਰ ਬ੍ਰਿਜ ਦਾ ਅੱਜ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਉਦਘਾਟਨ ਕੀਤਾ। ਇਸ ਦੌਰਾਨ ਦਿੱਲੀ ਭਾਜਪਾ ਦੇ ਪ੍ਰਧਾਨ ਮਨੋਜ ਤਿਵਾੜੀ ਅਤੇ ਆਮ ਆਦਮੀ ਪਾਰਟੀ ਦੇ ਸਮਰਥਕਾਂ ਦੀ ਹੱਥੋਪਾਈ ਵੀ ਹੋ ਗਈ। ਮੌਕੇ `ਤੇ ਪੁਲਸ ਵੀ ਸੀ। ਇਕ ਵੀਡੀਓ `ਚ ਮਨੋਜ ਤਿਵਾੜੀ ਇੱਕ ਆਪ ਪਾਰਟੀ ਵਰਕਰ ਨੂੰ ਮਾਰਨ ਦੀ ਕੋਸ਼ਿਸ਼ ਕਰਦੇ ਨਜ਼ਰ ਆ ਰਹੇ ਹਨ ਤੇ ਪੁਲਸ ਉਨ੍ਹਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਭਾਜਪਾ ਆਗੂ ਪੁਲਸ ਤੋਂ ਆਪਣਾ ਹੱਥ ਛੁਡਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਹੱਥੋਪਾਈ ਦੀ ਘਟਨਾ ਪਿੱਛੋਂ ਮਨੋਜ ਤਿਵਾੜੀ ਨੇ ਕਿਹਾ ਕਿ ਕਈ ਸਾਲਾਂ ਤੋਂ ਰੁਕੇ ਹੋਏ ਪੁਲ ਦੀ ਉਸਾਰੀ ਦੇ ਕੰਮ ਨੂੰ ਮੈਂ ਆਪਣੇ ਚੋਣ ਖੇਤਰ `ਚ ਸ਼ੁਰੂ ਕਰਾਇਆ ਤੇ ਅਰਵਿੰਦ ਕੇਜਰੀਵਾਲ ਨੇ ਇਸ ਦਾ ਉਦਘਾਟਨ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਮੈਨੂੰ ਉਦਘਾਟਨ ਪ੍ਰੋਗਰਾਮ ਦਾ ਸੱਦਾ ਮਿਲਿਆ ਸੀ, ਮੈਂ ਪਾਰਲੀਮੈਂਟ ਮੈਂਬਰ ਹਾਂ ਤਾਂ ਕੀ ਪਰੇਸ਼ਾਨੀ ਹੈ, ਮੈਂ ਕੋਈ ਅਪਰਾਧੀ ਹਾਂ, ਪੁਲਸ ਮੈਨੂੰ ਕਿਉਂ ਘੇਰ ਰਹੀ ਹੈ। ਮੈਂ ਇੱਥੇ ਅਰਵਿੰਦ ਕੇਜਰੀਵਾਲ ਦਾ ਸਵਾਗਤ ਕਰਨ ਆਇਆ ਹਾਂ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਪਾਰਟੀ ਤੇ ਪੁਲਸ ਨੇ ਮੇਰੇ ਨਾਲ ਦੁਰ-ਵਿਹਾਰ ਕੀਤਾ ਹੈ। ਤਿਵਾੜੀ ਨੇ ਕਿਹਾ ਕਿ ਉਦਘਾਟਨ ਦੀ ਪ੍ਰਤੀਕਿਰਿਆ ਹੋਣ ਤੱਕ ਮੈਂ ਇੱਥੇ ਹਾਂ, ਸਿਰਫ ਮੁੱਖ ਮੰਤਰੀ ਨੂੰ ਇਕ ਬੁੱਕੇ ਦੇਵਾਂਗਾ ਕਿ ਤੁਹਾਨੂੰ ਹੋਰਨਾਂ ਦੇ ਕੀਤੇ ਕੰਮ ਦਾ ਫੀਤਾ ਕੱਟ ਦੇ ਕੇ ਕਿੰਨ੍ਹੀ ਖੁਸ਼ ਹੁੰਦੀ ਹੈ। ਤਿਵਾੜੀ ਨੇ ਕਿਹਾ ਕਿ ਕੁਝ ਪੁਲਸ ਵਾਲਿਆਂ ਨੇ ਅਰਵਿੰਦ ਕੇਜਰੀਵਾਲ ਦੇ ਕਹੇ ਉੱਤੇ ਮੇਰੇ ਨਾਲ ਧੱਕਾ ਮੁੱਕੀ ਕੀਤੀ ਹੈ। ਉਨ੍ਹਾਂ ਲੋਕਾਂ ਦੀ ਪਛਾਣ ਹੋ ਗਈ ਹੈ। ਮੇਰੇ ਉੱਤੇ ਸਿਰਫ ਐਡੀਸ਼ਨਲ ਡੀ ਸੀ ਪੀ ਮੀਣਾ ਦੋਸ਼ ਲਾ ਰਹੇ ਹਨ। ਇਨ੍ਹਾਂ ਨੂੰ ਚਾਰ ਦਿਨਾਂ ਵਿੱਚ ਦੱਸਾਂਗਾ ਕਿ ਪੁਲਸ ਕੀ ਹੁੰਦੀ ਹੈ। ਤਿਵਾੜੀ ਨੇ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਅਮਾਨਤੁੱਲਾ ਖਾਨ ਉੱਤੇ ਦੋਸ਼ ਲਾਇਆ ਹੈ ਕਿ ਉਨ੍ਹਾਂ ਨੇ ਮੰਚ `ਤੋਂ ਧੱਕਾ ਦੇ ਕੇ ਮੈਨੂੰ ਹੇਠਾਂ ਸੁੱਟਣ ਦਾ ਯਤਨ ਕੀਤਾ ਹੈ।
ਦੂਸਰੇ ਪਾਸੇ ਆਮ ਆਦਮੀ ਪਾਰਟੀ ਦੇ ਨੇਤਾ ਦਲੀਪ ਪਾਂਡੇ ਨੇ ਕਿਹਾ ਕਿ ਹਜ਼ਾਰਾਂ ਲੋਕ ਇੱਥੇ ਬਿਨਾਂ ਸੱਦੇ ਤੋਂ ਆਏ ਸਨ, ਮਨੋਜ ਤਿਵਾੜੀ ਖੁਦ ਨੂੰ ਵੀ ਆਈ ਪੀ ਸਮਝਦੇ ਹਨ, ਨਾਲ ਗੁੰਡਾਗਰਦੀ ਕਰਦੇ ਸਨ।

Have something to say? Post your comment