ਟੈਕਸਾਸ, 1 ਨਵੰਬਰ (ਪੋਸਟ ਬਿਊਰੋ)- ਅਮਰੀਕਾ 'ਚ ਇੱਕ ਲੇਸਬੀਅਨ ਜੋੜੇ ਨੇ ਵਾਰੀ-ਵਾਰੀ ਨਾਲ ਆਪਣੇ ਗਰਭ 'ਚ ਬੱਚੇ ਨੂੰ ਪਾਲ ਕੇ ਉਸ ਨੂੰ ਜਨਮ ਦਿੱਤਾ। ਇਹ ਦੁਨੀਆ ਦਾ ਪਹਿਲਾ ਕੇਸ ਹੈ, ਜਦੋਂ ਇੱਕ ਬੱਚਾ ਦੋ ਔਰਤਾਂ ਦੇ ਗਰਭ ਵਿੱਚ ਪਲਿਆ ਹੋਵੇ। ਇਸ ਜੋੜੇ ਨੇ ਬੱਚੇ ਦੇ ਜਨਮ ਲਈ ਆਈ ਟੀ ਐਫ ਟ੍ਰੀਟਮੈਂਟ ਦਾ ਸਹਾਰਾ ਲਿਆ ਸੀ।
ਖਬਰ ਮੁਤਾਬਕ ਟੈਕਸਾਸ 'ਚ ਰਹਿਣ ਵਾਲੀ ਐਸ਼ਲੇ ਅਤੇ ਬਿਲਸ ਕਾਲਟਰ ਨੇ ਇਸ ਲਈ 8500 ਡਾਲਰ ਖਰਚ ਕੀਤੇ। ਬੱਚੇ ਦੇ ਜਨਮ ਲਈ ਐਗ ਬਿਲਸ (36) ਤੋਂ ਲਿਆ ਗਿਆ ਅਤੇ ਲੈਬ 'ਚ ਡੋਨਰ ਦੇ ਸਪਰਮ ਨਾਲ ਫਰਟੀਲਾਈਜ਼ ਕੀਤਾ ਗਿਆ। ਇਸ ਦੇ ਬਾਅਦ ਭਰੂਣ ਬਿਲਸ ਦੇ ਗਰਭ 'ਚ ਪਾਇਆ ਗਿਆ, ਪਰ ਬਿਲਸ ਬੱਚੇ ਨੂੰ ਗਰਭ ਵਿੱਚ ਨਹੀਂ ਰੱਖਣਾ ਚਾਹੁੰਦੀ ਸੀ। ਇਸ ਲਈ ਐਸ਼ਲੇ (28) ਦੇ ਗਰਭ ਵਿੱਚ ਰੱਖਿਆ ਗਿਆ। ਐਸ਼ਲੇ ਨੇ ਇੱਕ ਸਿਹਤਮੰਦ ਬੱਚੇ ਨੂੰ ਜਨਮ ਦਿੱਤਾ। ਦੋਵਾਂ ਦੀ ਮੁਲਾਕਾਤ ਛੇ ਸਾਲ ਪਹਿਲਾਂ ਹੋਈ ਸੀ ਅਤੇ ਜੂਨ 2015 ਵਿੱਚ ਦੋਵਾਂ ਨੇ ਵਿਆਹ ਕਰਵਾ ਲਿਆ।