ਰਾਸ਼ਟਰੀ ਪੁਰਸਕਾਰ ਵਿਜੇਤਾ ਐਕਟਰ ਵਿੱਕੀ ਕੌਸ਼ਲ ਜੇ ਐਕਟਰ ਨਾ ਬਣਦੇ ਤਾਂ ਫੌਜੀ ਹੁੰਦੇ। ਦਰਅਸਲ ਸ਼ਾਹਿਦ ਕਪੂਰ, ਅਨੰਨਿਆ ਪਾਂਡੇ ਅਤੇ ਅਰਜੁਨ ਕਪੂਰ ਦੀ ਤਰ੍ਹਾਂ ਵਿੱਕੀ ਕੌਸ਼ਲ ਨੇ ਵੀ ਸੋਸ਼ਲ ਮੀਡੀਆ 'ਤੇ ਆਪਣੇ ਪ੍ਰਸ਼ੰਸਕਾਂ ਨੂੰ ਸਵਾਲ ਪੁੱਛਣ ਲਈ ਕਿਹਾ ਸੀ। ਇਸ ਦੇ ਬਾਅਦ ਇੱਕ ਯੂਜ਼ਰ ਨੇ ਉਨ੍ਹਾਂ ਤੋਂ ਪਹਿਲਾਂ ਬਾਲੀਵੁੱਡ ਕ੍ਰਸ਼ ਦੇ ਬਾਰੇ ਪੁੱਛਿਆ। ਇਸ ਦੇ ਜਵਾਬ ਵਿੱਚ ਉਨ੍ਹਾਂ ਨੇ ਮਾਧੁਰੀ ਦੀਕਸ਼ਿਤ ਨਾਲ ਇੱਕ ਤਸਵੀਰ ਸਾਂਝੀ ਕੀਤੀ।
ਉਥੇ ਹੀ ਇੱਕ ਪ੍ਰਸ਼ੰਸਕ ਨੇ ਪੁੱਛਿਆ ਕਿ ਜੇ ਤੁਸੀਂ ਐਕਟਰ ਨਾ ਹੁੰਦੇ ਤਾਂ ਕੀ ਹੁੰਦੇ? ਵਿੱਕੀ ਨੇ ਜਵਾਬ ਵਿੱਚ ਫੌਜੀ ਦੀ ਤਸਵੀਰ ਸਾਂਝੀ ਕੀਤੀ। ਗਣਪਤੀ ਵਿਸਰਜਨ ਅਤੇ ਕਲੱਬ ਉਹ ਕਿੱਥੇ ਨੱਚਣਾ ਪਸੰਦ ਕਰਨਗੇ? ਇਸ ਦੇ ਜਵਾਬ ਵਿੱਚ ਵਿੱਕੀ ਨੇ ਗਣਪਤੀ ਵਿਸਰਜਨ ਨੂੰ ਆਪਣੀ ਪਸੰਦ ਦੱਸਿਆ। ਇਸ ਮੌਕੇ ਇੱਕ ਯੂਜ਼ਰ ਨੇ ਉਨ੍ਹਾਂ ਦੇ ਘਰ ਦਾ ਪਤਾ ਪੁੱਛਿਆ ਤਾਂ ਉਨ੍ਹਾਂ ਨੇ ਮਜ਼ਾਕੀਆ ਢੰਗ ਨਾਲ ਕਾਸਟਿੰਗ ਡਾਇਰੈਕਟਰ ਮੁਕੇਸ਼ ਛਾਬੜਾ ਦੇ ਗੁਆਂਢ ਆਪਣੇ ਘਰ ਦਾ ਪਤਾ ਦੱਸਿਆ। ਇਸ ਦੌਰਾਨ ਵਿੱਕੀ ਨੇ ਨਿਊ ਯਾਰਕ ਨੂੰ ਆਪਣਾ ਪਸੰਦੀਦਾ ਸ਼ਹਿਰ, ਪਟੋਲਾ ਨੂੰ ਆਪਣਾ ਪਸੰਦੀਦਾ ਪੰਜਾਬੀ ਗਾਣਾ, ‘ਰਮਨ ਰਾਘਵ 2.0’ ਵਿੱਚ ਨਿਭਾਏ ਕਿਰਦਾਰ ਨੂੰ ਸਭ ਤੋਂ ਚੁਣੌਤੀ ਪੂਰਨ ਅਤੇ ‘ਮੁਗਲ ਏ ਆਜ਼ਮ' ਨੂੰ ਆਪਣੀ ਪਸੰਦੀਦਾ ਫਿਲਮ ਦੱਸਿਆ। ਇਸ ਦੇ ਇਲਾਵਾ ਉਨ੍ਹਾਂ ਨੇ ਕੁਝ ਚਟਪਟੇ ਸਵਾਲਾਂ ਦੇ ਵੀ ਜਵਾਬ ਦਿੱਤੇ। ਕੀ ਤੁਸੀਂ ਟੀ ਵੀ ਵਿੱਚ ਐਚ ਡੀ ਚੈਨਲ ਹੋ? ਇੱਕ ਯੂਜ਼ ਦੇ ਇਸ ਸਵਾਲ ਦੇ ਜਵਾਬ ਵਿੱਚ ਵਿੱਕੀ ਨੇ ਲਿਖਿਆ, ‘ਹਾਂ, ਪਰ ਯੂਥਪੇਸਟ ਵਿੱਚ ਨਮਕ ਨਹੀਂ।’ ਵਿੱਕੀ ਆਉਣ ਵਾਲੇ ਦਿਨਾਂ ਵਿੱਚ ‘ਸਰਦਾਰ ਊਧਮ ਸਿੰਘ’ ਅਤੇ ‘ਤਖਤ’ ਵਰਗੀਆਂ ਫਿਲਮਾਂ ਵਿੱਚ ਨਜ਼ਰ ਆਉਣਗੇ।