ਅਭਿਨੇਤਾ ਅਲੀ ਫਜ਼ਲ ਨੇ ਲੋੜਵੰਦਾਂ ਦੀ ਮਦਦ ਬੜੇ ਦਿਲਚਸਪ ਅੰਦਾਜ਼ ਵਿੱਚ ਕੀਤੀ। ਅਲੀ ਸੁਪਰਹੀਰੋ ਬੈਟਮੈਨ ਦਾ ਮੁਖੌਟਾ ਲਕਾ ਕੇ ਘਰੋਂ ਬਾਹਰ ਨਿਕਲੇ। ਉਨ੍ਹਾਂ ਨੇ ਕਾਲੇ ਰੰਗ ਦਾ ਮਾਸਕ ਪਾਇਆ ਹੋਇਆ ਸੀ। ਉਹ ਖੁਦ ਕਾਰ ਚਲਾ ਕੇ ਮੁੰਬਈ ਦੇ ਵਿਲੇਪਾਰਲੇ ਇਲਾਕੇ ਵਿੱਚ ਮਦਦ ਕਰਨ ਲਈ ਗਏ ਤੇ ਕਾਰ ਵਿੱਚ ਉਨ੍ਹਾਂ ਨੇ ਇੱਕ ਵੀਡੀਓ ਬਣਾਇਆ, ਜਿਸ ਵਿੱਚ ਫਿਲਮ ‘ਵਿਜੈਪਥ’ ਦਾ ਗਾਣਾ ‘ਜਿਸ ਸੇ ਡਰਤੇ ਥੇ, ਵਹੀ ਬਾਤ ਹੋ ਗਈ...’ ਚੱਲ ਰਿਹਾ ਹੈ ਅਤੇ ਅਲੀ ਵੀ ਨਾਲ-ਨਾਲ ਝੂਮ ਰਹੇ ਹਨ। ਇਸ ਵੀਡੀਓ ਦੇ ਨਾਲ ਅਲੀ ਨੇ ਬਾਹਰ ਨਿਕਲਣ ਦੀ ਵਜ੍ਹਾ ਦੱਸੀ।
ਅਲੀ ਨੇ ਲਿਖਿਆ, ਬਾਹਰ ਜੋ ਮੁਸ਼ਕਲਾਂ ਹਨ, ਉਨ੍ਹਾਂ ਨੇ ਦੇਖ ਨਹੀਂ ਪਾਇਆ। ਅਸੀਂ ਕੁਝ ਚੀਜ਼ਾਂ ਜਮ੍ਹਾ ਕੀਤੀਆਂ ਹਨ, ਜਿਸ ਨੂੰ ਅਸੀਂ ਵਿਲੇਪਾਰਲੇ ਭੇਜਾਂਗੇ। ਪੈਟਰੋਲ ਪੰਪ ਕੋਲ ਕੁਝ ਲੋਕ ਹਨ, ਜਿਨ੍ਹਾਂ ਨੂੰ ਖਾਣੇ ਦੀ ਬਹੁਤ ਲੋੜ ਹੈ। ਕੋਈ ਹੋਰ ਵੀ ਹੈ ਤਾਂ ਦੱਸੋ। ਆਪਣਾ ਕੰਮ ਕਰਦੇ ਰਹੋ, ਉਹ ਯੋਗਦਾਨ ਕਿੰਨਾ ਵੱਡਾ ਜਾਂ ਛੋਟਾ ਹੈ, ਇਸ ਨਾਲ ਫਰਕ ਨਹੀਂ ਪੈਂਦਾ। ਇਸ 'ਤੇ ਰਿਚਾ ਚੱਢਾ ਨੇ ਪ੍ਰਤੀਕਿਰਿਆ ਦਿੰਦੇ ਹੋਏ ਲਿਖਿਆ, ‘ਓਹ ਮੇਰਾ ਦਿਲ।' ਸੰਜੇ ਦੱਤ ਦੀ ਪਤਨੀ ਮਾਨਿਅਤਾ ਦੱਤ ਨੇ ਲਿਖਿਆ, ਬਹੁਤ ਵਧੀਆ ਕੰਮ ਕਰ ਰਹੇ ਹੋ। ਕਈ ਯੂਜ਼ਰਸ ਨੇ ਇਸ 'ਤੇ ਮਜ਼ੇਦਾਰ ਪ੍ਰਤੀਕਿਰਿਆ ਦਿੱਤੀ। ਇੱਕ ਯੂਜਰ ਨੇ ਲਿਖਿਆ ਕਿ ਚੀਨ ਨਾ ਜਾਣਾ, ਨਹੀਂ ਤਾਂ ਉਥੇ ਲੋਕ ਖਾ ਜਾਣਗੇ। ਜ਼ਿਆਦਾਤਰ ਯੂਜ਼ਰਸ ਨੇ ਅਲੀ ਤੋਂ ਉਨ੍ਹਾਂ ਦੀ ਵੈੱਬ ਸੀਰੀਜ਼ ‘ਮਿਰਜ਼ਾਪੁਰ 2’ ਦੀ ਰਿਲੀਜ਼ ਦੇ ਬਾਰੇ ਵੀ ਪੁੱਛਿਆ।