ਸਿਓਲ, 2 ਅਪ੍ਰੈਲ (ਪੋਸਟ ਬਿਊਰੋ)- ਦੁਨੀਆ ਦੇ ਕਰੀਬ ਇੱਕ ਸੌ ਤੋਂ ਵੱਧ ਦੇਸ਼ਾਂ ਨੇ ਕੋਰੋਨਾ ਵਾਇਰਸ ਦੀ ਜਾਂਚ ਵਿੱਚ ਦੱਖਣੀ ਕੋਰੀਆ ਤੋਂ ਮਦਦ ਮੰਗੀ ਹੈ। ਇਹ ਜਾਣਕਾਰੀ ਦੱਖਣੀ ਕੋਰਿਆਈ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਨੇ ਦਿੱਤੀ। ਬੁਲਾਰੇ ਨੇ ਦੱਸਿਆ ਕਿ ਉਨ੍ਹਾਂ ਦੇੇ ਦੇਸ਼ ਵਿੱਚ ਵੱਡੇ ਪੈਮਾਨੇ 'ਤੇ ਚਲਾਈ ਜਾਂਚ ਮੁਹਿੰਮ ਦਾ ਨਤੀਜਾ ਕਾਫ਼ੀ ਚੰਗਾ ਰਿਹਾ। ਇਸ ਨਾਲ ਅਸੀਂ ਲੋਕਾਂ ਨੇ ਨਾ ਸਿਰਫ਼ ਕੋਰੋਨਾ ਪੀੜਤਾ ਲੋਕਾਂ ਦੀ ਪਛਾਣ ਕਰ ਲਈ, ਬਲਕਿ ਇਨਫੈਕਸ਼ਨ ਫੈਲਣ ਦੀ ਰਫ਼ਤਾਰ 'ਤੇ ਵੀ ਕਾਬੂ ਪਾ ਲਿਆ। ਕਦੇ ਸਾਡੇ ਕੋਲ ਚੀਨ ਤੋਂ ਬਾਅਦ ਸਭ ਤੋਂ ਵੱਧ ਕੇਸ ਸਨ।
ਬੁਲਾਰੇ ਨੇ ਦੱਸਿਆ ਕਿ ਸਾਡੀ ਸਫਲਤਾ ਅਤੇ ਤਜਰਬੇ ਨੂੰ ਦੇਖ ਕੇ ਹੋਰ ਦੇਸ਼ ਸਾਡੇ ਕੋਲੋਂ ਮਦਦ ਮੰਗ ਰਹੇ ਹਨ। ਅੱਜ ਤੱਕ 121 ਦੇਸ਼ਾਂ ਨੇ ਸਾਡੇ ਨੂੰ ਮਦਦ ਲਈ ਅਪੀਲ ਕੀਤੀ ਹੈ। ਇਹ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਡਿਪਲੋਮੈਟਿਕ ਸੰਵੇਦਨਸ਼ੀਲਤਾ ਕਾਰਨ ਅਸੀਂ ਉਨ੍ਹਾਂ ਦਾ ਨਾਂ ਨਹੀਂ ਦੱਸ ਸਕਦੇ। ਅਸੀਂ ਲੋਕਾਂ ਨੇ ਇੱਕ ਅਜਿਹੀ ਟਾਸਕ ਫੋਰਸ ਬਣਾਈ ਹੈ ਜਿਹੜੀ ਤੈਅ ਕਰੇਗੀ ਕਿ ਮਦਦ ਕਿਸ ਤਰ੍ਹਾਂ ਕੀਤੀ ਜਾਵੇ। ਬੁਲਾਰੇ ਨੇ ਮਦਦ ਮੰਗਣ ਵਾਲੇ ਦੇਸ਼ਾਂ ਦੇ ਨਾਂ ਨਹੀਂ ਦੱਸੇ ਜਾਣੇ, ਪਰ ਜਾਂਚ ਕਿੱਟ ਬਣਾਉਣ ਵਾਲੀਆਂ ਕੋਰਿਆਈ ਕੰਪਨੀਆਂ ਨੂੰ ਜਿਨ੍ਹਾਂ ਦੇਸ਼ਾਂ ਦੇ ਆਰਡਰ ਮਿਲੇ ਹਨ, ਉਨ੍ਹਾਂ ਵਿੱਚ ਅਮਰੀਕਾ ਤੇ ਇਟਲੀ ਵਰਗੇ ਦੇਸ਼ ਸ਼ਾਮਲ ਹਨ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਜਾਂਚ ਕਿੱਟ ਤੇ ਹੋਰ ਸਾਮਾਨ ਦੀ ਸਪਲਾਈ ਦੀ ਮੰਗ ਕਰਦੇ ਹੋਏ ਸਬੰਧਤ ਫਰਮਾਂ ਨੂੰ ਅਮਰੀਕੀ ਨਿਯਮਾਂ ਵਿੱਚ ਛੋਟ ਦੇਣ ਦਾ ਐਲਾਨ ਕੀਤਾ ਹੈ। ਜਾਂਚ ਕਿੱਟ ਬਣਾਉਣ ਵਾਲੀ ਦੱਖਣੀ ਕੋਰਿਆਈ ਬਾਇਓਟੈਂਕ ਫਰਮਾਂ ਨੇ ਦੁਨੀਆ ਭਰ ਤੋਂ ਆਈ ਮੰਗ ਨੂੰ ਪੂਰਾ ਕਰਨ ਲਈ ਆਪਣਾ ਉਤਪਾਦਨ ਵਧਾ ਦਿੱਤਾ ਹੈ। ਕੁਝ ਸਿਖਰਲੀਆਂ ਕੰਪਨੀਆਂ ਨੇ ਤਾਂ ਆਪਣਾ ਉਤਪਾਦਨ ਤਿੰਨ ਗੁਣਾ ਤੱਕ ਕਰ ਦਿੱਤਾ ਹੈ।