ਓਟਵਾ, 31 ਮਾਰਚ (ਪੋਸਟ ਬਿਊਰੋ) : ਕੈਨੇਡੀਅਨ ਕਾਰੋਬਾਰਾਂ ਤੇ ਉਤਪਾਦਕਾਂ ਨੇ ਵੀ ਕੋਵਿਡ-19 ਮਹਾਮਾਰੀ ਨਾਲ ਸੰਘਰਸ਼ ਕਰਨ ਲਈ ਆਪਣ ਕਮਰ ਕੱਸ ਲਈ ਹੈ। ਕੈਨੇਡਾ ਸਰਕਾਰ ਇਨ੍ਹਾਂ ਕੰਪਨੀਆਂ ਨਾਲ ਰਲ ਕੇ ਇਹ ਯਕੀਨੀ ਬਣਾਉਣਾ ਚਾਹੁੰਦੀ ਹੈ ਕਿ ਸਾਡੇ ਹੈਲਥ ਕੇਅਰ ਵਰਕਰਜ਼ ਕੋਲ ਦੇਸ਼ ਭਰ ਵਿੱਚ ਕੈਨੇਡੀਅਨਾਂ ਦੀ ਸਾਂਭ ਸੰਭਾਲ ਲਈ ਲੋੜੀਂਦਾ ਸਾਜ਼ੋ ਸਮਾਨ ਹੋਵੇ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਅੱਜ ਕੋਵਿਡ-19 ਨਾਲ ਜਾਰੀ ਸੰਘਰਸ਼ ਵਿੱਚ ਇੰਡਸਟਰੀ ਨੂੰ ਸ਼ਾਮਲ ਕਰਨ ਦੀ ਕੈਨੇਡਾ ਦੀ ਯੋਜਨਾ ਸਬੰਧੀ ਐਲਾਨ ਕੀਤਾ ਗਿਆ। ਇਸ ਨਾਲ ਆਊਟਬ੍ਰੇਕ ਦੌਰਾਨ ਲੋੜੀਂਦਾ ਮੈਡੀਕਲ ਸਾਜੋ਼ ਸਮਾਨ ਤੇ ਸਪਲਾਈ ਤਿਆਰ ਕਰਨ ਦੀ ਕੈਨੇਡਾ ਦੀ ਸਮਰੱਥਾ ਵਿੱਚ ਵਾਧਾ ਹੋਵੇਗਾ। ਕੈਨੇਡਾ ਸਰਕਾਰ ਡਾਇਗਨੌਸਟਿਕ ਟੈਸਟਿੰਗ, ਵੈਂਟੀਲੇਟਰਜ਼ ਖਰੀਦਣ ਤੇ ਪ੍ਰੋਟੈਕਟਿਵ ਪਰਸਨਲ ਇਕਿਉਪਮੈਂਟ ਖਰੀਦਣ ਲਈ ਦੋ ਬਿਲੀਅਨ ਡਾਲਰ ਦਾ ਨਿਵੇਸ਼ ਕਰ ਰਹੀ ਹੈ। ਪਰਸਨਲ ਪ੍ਰੋਟੈਕਟਿਵ ਇਕਿਉਪਮੈਂਟ ਵਿੱਚ ਹੋਰ ਮਾਸਕਸ ਤੇ ਫੇਸ ਸ਼ੀਲਡਜ਼, ਗਾਊਨਜ਼ ਤੇ ਹੈਂਡ ਸੈਨੇਟਾਈਜ਼ਰ ਸ਼ਾਮਲ ਹਨ।
20 ਮਾਰਚ, 2020 ਨੂੰ ਕੈਨੇਡਾ ਸਰਕਾਰ ਨੇ ਕੈਨੇਡੀਅਨ ਕਾਰੋਬਾਰਾਂ ਤੇ ਉਤਪਾਦਕਾਂ ਨੂੰ ਕ੍ਰਿਟੀਕਲ ਹੈਲਥ ਸਪਲਾਈਜ਼ ਡਲਿਵਰ ਕਰਨ ਦਾ ਸੱਦਾ ਦਿੱਤਾ ਸੀ। ਉਦੋਂ ਤੋਂ ਹੀ ਸਰਕਾਰ ਵੱਲੋਂ ਸਿੱਧੇ ਤੌਰ ਉੱਤੇ 3000 ਕੈਨੇਡੀਅਨ ਕੰਪਨੀਆਂ ਨਾਲ ਗੱਲ ਕੀਤੀ ਗਈ ਹੈ ਜਿਨ੍ਹਾਂ ਨੇ ਆਪੋ ਆਪਣੀ ਮਹਾਰਤ ਤੇ ਸਮਰੱਥਾ ਅਨੁਸਾਰ ਦੇਸ਼ ਲਈ ਪਰਸਨਲ ਪ੍ਰੋਟੈਕਟਿਵ ਇਕਿਉਪਮੈਂਟ ਤੇ ਕ੍ਰਿਟੀਕਲ ਹੈਲਥ ਸਪਲਾਈਜ਼ ਮੁਹੱਈਆ ਕਰਵਾਉਣ ਦੀ ਪੇਸ਼ਕਸ਼ ਕੀਤੀ ਹੈ। ਇਸ ਤੋਂ ਬਾਅਦ ਕੈਨੇਡਾ ਸਰਕਾਰ ਵੱਲੋਂ ਕੈਨੇਡੀਅਨ ਕੰਪਨੀਆਂ ਜਿਵੇਂ ਕਿ ਥੌਰਨਹਿਲ ਮੈਡੀਕਲ, ਮੈਡੀਕੌਮ ਤੇ ਸਪਾਰਟਨ ਬਾਇਓਸਾਇੰਸ ਨਾਲ ਇਹ ਸਾਜ਼ੋ ਸਮਾਨ ਤਿਆਰ ਕਰਨ ਲਈ ਕਰਾਰ ਕੀਤਾ ਗਿਆ ਹੈ। ਕੰਪਨੀਆਂ ਪੋਰਟੇਬਲ ਵੈਂਟੀਲੇਟਰਜ਼, ਸਰਜੀਕਲ ਮਾਸਕਸ ਤੇ ਰੈਪਿਡ ਟੈਸਟਿੰਗ ਕਿਟਸ ਵੀ ਤਿਆਰ ਕਰਨਗੀਆਂ। ਇਸ ਤੋਂ ਇਲਾਵਾ ਹੈਂਡ ਸੈਨੇਟਾਈਜ਼ਰ, ਟੈਸਟ ਕਿਟਸ ਤੇ ਮਾਸਕਸ ਤੇ ਗਾਊਨਜ਼ ਸਮੇਤ ਹੋਰ ਪ੍ਰੋਟੈਕਟਿਵ ਅਪੇਰਲ ਲਈ ਪ੍ਰਿਸੀਜ਼ਨ ਬਾਇਓਮਾਨੀਟਰਿੰਗ, ਫਲੂਅਡ ਐਨਰਜੀ ਗਰੱੁਪ ਲਿਮਟਿਡ, ਇਰਵਿੰਗ ਆਇਲ, ਕਾਲਕੋ ਗਰੁੱਪ ਤੇ ਸਟੈਨਫੀਲਡਜ਼ ਵਰਗੀਆਂ ਕੰਪਨੀਆਂ ਨਾਲ ਵੀ ਕਰਾਰ ਕੀਤਾ ਗਿਆ ਹੈ।