ਮਨੀਲਾ,29 ਮਾਰਚ (ਪੋਸਟ ਬਿਊਰੋ) : ਅੱਠ ਵਿਅਕਤੀਆਂ ਨੂੰ ਲਿਜਾ ਰਿਹਾ ਇੱਕ ਜਹਾਜ਼, ਜਿਸ ਵਿੱਚ ਇੱਕ ਕੈਨੇਡੀਅਨ ਤੇ ਇੱਕ ਅਮਰੀਕੀ ਵੀ ਸ਼ਾਮਲ ਸਨ, ਐਤਵਾਰ ਨੂੰ ਮਨੀਲਾ ਦੇ ਏਅਰਪੋਰਟ ਤੋਂ ਉਡਾਨ ਭਰਦੇ ਸਮੇਂ ਅੱਗ ਦੀਆਂ ਲਪਟਾਂ ਵਿੱਚ ਘਿਰ ਗਿਆ। ਇਸ ਕਾਰਨ ਇਸ ਵਿੱਚ ਸਵਾਰ ਸਾਰੇ ਵਿਅਕਤੀਆਂ ਦੀ ਮੌਤ ਹੋ ਗਈ। ਇਸ ਜਹਾਜ਼ ਨੇ ਜਾਪਾਨ ਜਾਣਾ ਸੀ।
ਮਨੀਲਾ ਏਅਰਪੋਰਟ ਦੇ ਜਨਰਲ ਮੈਨੇਜਰ ਐਡ ਮੌਨਰੀਅਲ ਨੇ ਦੱਸਿਆ ਕਿ ਵੈਸਟਵਿੰਡ 24 ਜਹਾਜ਼, ਜਿਸ ਵਿੱਚ ਅਮਲੇ ਦੇ ਛੇ ਫਿਲੀਪੀਨੋ ਮੈਂਬਰ ਸਵਾਰ ਸਨ ਤੇ ਇੱਕ ਕੈਨੇਡੀਅਨ ਤੇ ਅਮਰੀਕੀ ਯਾਤਰੀ ਸਵਾਰ ਸਨ, ਮੈਡੀਕਲ ਮਿਸ਼ਨ ਉੱਤੇ ਟੋਕੀਓ ਜਾ ਰਿਹਾ ਸੀ ਜਦੋਂ ਮੇਨ ਰਨਵੇਅ ਦੇ ਅਖੀਰ ਉੱਤੇ ਇਸ ਵਿੱਚ ਅੱਗ ਲੱਗ ਗਈ। ਅੱਗ ਬੁਝਾਉਣ ਲਈ ਤੁਰੰਤ ਹੀ ਫਾਇਰ ਟਰੱਕਸ ਤੇ ਰੈਸਕਿਊ ਅਮਲਾ ਮੌਕੇ ਉੱਤੇ ਪਹੁੰਚੇ ਪਰ ਮੰਦਭਾਗੀ ਗੱਲ ਇਹ ਰਹੀ ਕਿ ਕੋਈ ਵੀ ਜਿਊਂਦਾ ਨਹੀਂ ਸੀ ਬਚਿਆ।
ਗਲੋਬਲ ਅਫੇਅਰਜ਼ ਕੈਨੇਡਾ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ ਕੈਨੇਡੀਅਨ ਪਰਿਵਾਰ ਨੂੰ ਆਪਣੀਆਂ ਕਾਉਂਸਲਰ ਸੇਵਾਵਾਂ ਦੇ ਰਹੀ ਹੈ। ਤਰਜ਼ਮਾਨ ਐਨਾਬੈਲ ਲਿੰਡਬਲੈਡ ਨੇ ਆਖਿਆ ਕਿ ਅਸੀਂ ਇਸ ਹਾਦਸੇ ਵਿੱਚ ਮਾਰੇ ਗਏ ਕੈਨੇਡੀਅਨ ਦੇ ਪਰਿਵਾਰ ਦੇ ਨਾਲ ਇਸ ਦੱੁਖ ਦੀ ਇਸ ਘੜੀ ਵਿੱਚ ਸ਼ਾਮਲ ਹਾਂ।