ਸਿਤਾਰਿਆਂ ਦੇ ਬੱਚਿਆਂ ਦਾ ਲਗਾਅ ਅਕਸਰ ਉਸੇ ਖੇਤਰ ਵਿੱਚ ਹੁੰਦਾ ਹੈ, ਜਿਸ ਨਾਲ ਉਨ੍ਹਾਂ ਦੇ ਮਾਤਾ-ਪਿਤਾ ਜੁੜੇ ਹੁੰਦੇ ਹਨ। ਈਸ਼ਾ ਦਿਓਲ ਦਾ ਇਸ ਖੇਤਰ ਵੱਲ ਆਕਰਸ਼ਿਤ ਹੋਣਾ ਸੁਭਾਵਕ ਸੀ, ਕਿਉਂਕਿ ਉਸ ਦੇ ਪਿਤਾ ਧਰਮਿੰਦਰ ਅਤੇ ਮਾਂ ਹੇਮਾ ਮਾਲਿਨੀ ਇੰਡਸਟਰੀ ਦੇ ਵੱਡੇ ਸਿਤਾਰਿਆਂ ਵਿੱਚ ਸ਼ਾਮਲ ਹੁੰਦੇ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਧਰਮਿੰਦਰ ਨਹੀਂ ਚਾਹੁੰਦੇ ਸਨ ਕਿ ਉਨ੍ਹਾਂ ਦੀ ਬੇਟੀ ਈਸਾ ਫਿਲਮਾਂ ਵਿੱਚ ਆਏ। ਇਹ ਰਾਜ਼ ਦੀ ਗੱਲ ਈਸ਼ਾ ਅਤੇ ਉਸ ਦੀ ਮੰਮੀ ਹੇਮਾ ਮਾਲਿਨੀ ਨੇ ਕਪਿਲ ਸ਼ਰਮਾ ਦੇ ਸ਼ੋਅ ਵਿੱਚ ਦੱਸੀ। ਈਸ਼ਾ ਦਿਓਲ ਅੱਜਕੱਲ੍ਹ ਲੇਖਕ ਬਣ ਗਈ ਹੈ। ਉਸ ਨੇ ‘ਅੰਮਾ ਮੀਆ’ ਨਾਂਅ ਦੀ ਕਿਤਾਬ ਲਿਖੀ ਹੈ। ਇਸ ਕਿਤਾਬ ਦੇ ਪ੍ਰਮੋਸ਼ਨ ਲਈ ਉਹ ਕਪਿਲ ਦੇ ਸ਼ੋਅ ਵਿੱਚ ਪਹੁੰਚੀ ਸੀ।
ਜਦ ਕਪਿਲ ਨੇ ਪੁੱਛਿਆ ਕਿ ਕੀ ਈਸ਼ਾ ਹਮੇਸ਼ਾ ਤੋਂ ਫਿਲਮਾਂ ਵਿੱਚ ਆਉਣਾ ਚਾਹੁੰਦੀ ਸੀ, ਓਦੋਂ ਹੇਮਾ ਮਾਲਿਨੀ ਨੇ ਦੱਸਿਆ ਕਿ ਈਸ਼ਾ ਹਮੇਸ਼ਾ ਤੋਂ ਡਾਂਸ ਤੇ ਖੇਡਾਂ ਵਿੱਚ ਚੰਗੀ ਰਹੀ ਸੀ। ਸਾਡੇ ਘਰ ਡਾਂਸ ਦੀ ਪ੍ਰੈਕਟਿਸ ਚੱਲਦੀ ਰਹਿੰਦੀ ਸੀ। ਅਜਿਹੇ ਵਿੱਚ ਈਸ਼ਾ ਨੂੰ ਡਾਂਸ ਪ੍ਰਤੀ ਲਗਾਅ ਪੈਦਾ ਹੋ ਗਿਆ। ਉਹ ਡਾਂਸ ਸਿੱਖਣਾ ਵੀ ਚਾਹੁੰਦੀ ਸੀ ਅਤੇ ਫਿਲਮਾਂ ਵਿੱਚ ਕੰਮ ਕਰਨਾ ਵੀ ਚਾਹੁੰਦੀ ਸੀ, ਪਰ ਧਰਮਿੰਦਰ ਨਹੀਂ ਚਾਹੁੰਦੇ ਸਨ ਕਿ ਉਨ੍ਹਾਂ ਦੀ ਬੇਟੀ ਡਾਂਸ ਸਿੱਖੇ ਜਾਂ ਫਿਲਮਾਂ ਵਿੱਚ ਹੀਰੋਇਨ ਬਣੇ। ਜਦ ਧਰਮਿੰਦਰ ਨੂੰ ਪਤਾ ਲੱਗਾ ਕਿ ਉਹ ਕਿੱਦਾਂ ਦਾ ਨ੍ਰਿਤ ਸਿੱਖ ਰਹੀ ਹੈ, ਤਦ ਉਨ੍ਹਾਂ ਦੀ ਤਾਰੀਫ ਕਰਨ ਦੇ ਹੀ ਨਾਲ ਉਨ੍ਹਾਂ ਨੇ ਈਸ਼ਾ ਨੂੰ ਫਿਲਮਾਂ ਵਿੱਚ ਕੰਮ ਕਰਨ ਦੇ ਫੈਸਲੇ ਨੂੰ ਅਪਣਾ ਲਿਆ। ‘ਅੰਮਾ ਮੀਆ’ ਕਿਤਾਬ ਨੂੰ ਲਿਖਣ ਵਿੱਚ ਈਸ਼ਾ ਨੂੰ ਇੱਕ ਸਾਲ ਲੱਗਾ। ਜਦ ਉਹ ਇਹ ਕਿਤਾਬ ਲਿਖ ਰਹੀ ਸੀ ਤਾਂ ਦੂਸਰੀ ਵਾਰ ਗਰਭਵਤੀ ਸੀ। ਦੋ ਬੱਚਿਆਂ ਦੀ ਮੰਮੀ ਈਸ਼ਾ ਨੇ ਦੱਸਿਆ ਕਿ ਇਸ ਕਿਤਾਬ ਵਿੱਚ ਉਹ ਸਾਰੀਆਂ ਰੈਸੀਪੀਜ਼ ਹੋਣਗੀਆਂ, ਜੋ ਮਾਂਵਾਂ ਲਈ ਕੰਮ ਆਉਣਗੀਆਂ।