ਕਾਰਤਿਕ ਆਰੀਅਨ ਅਤੇ ਕਿਆਰਾ ਅਡਵਾਨੀ ਦੀ ਅਗਲੀ ਫਿਲਮ ‘ਭੂਲ ਭੁਲੱਈਆਂ 2’ ਦੀ ਕਾਫੀ ਚਰਚਾ ਹੈ। ਅਕਸ਼ੈ ਕੁਮਾਰ ਦੀ ‘ਭੂਲ ਭੁਲੱਈਆਂ’ ਦੀ ਸੀਕਵਲ ਵਜੋਂ ਬਣਾਈ ਜਾ ਰਹੀ ਇਹ ਫਿਲਮ ਇਸੇ ਸਾਲ ਰਿਲੀਜ਼ ਹੋਵੇਗੀ। ਇਸ ਨਾਲ ਜੁੜੀ ਇੱਕ ਖਬਰ ਇਹ ਹੈ ਕਿ ਇਸ ਫਿਲਮ ਵਿੱਚ ‘ਭੂਲ ਭੁਲੱਈਆਂ' ਦੇ ਦੋ ਗੀਤ ‘ਹਰੇ ਰਾਮ ਹਰੇ ਰਾਮ...’ ਅਤੇ ‘ਮੇਰੇ ਢੋਲਨਾ ਸੁਨ...’ ਨੂੰ ਰੀਕ੍ਰਿਏਟ ਕੀਤਾ ਜਾਵੇਗਾ ਅਤੇ ‘ਮੇਰੇ ਢੋਲਨਾ ਸੁਨ...’ ਗੀਤ ਵਿੱਚ ਵਿਦਿਆ ਬਾਲਨ ਦੀ ਜਗ੍ਹਾ ਤੱਬੂ ਲੈ ਸਕਦੀ ਹੈ। ਜਾਣਕਾਰ ਸੂਤਰਾਂ ਅਨੁਸਾਰ ਇਸ ਗੀਤ ਲਈ ਤੱਬੂ ਕਾਫੀ ਉਤਸ਼ਾਹਤ ਹੈ ਅਤੇ ਓਰਿਜ਼ਨਲ ਗੀਤ ਵਾਂਗ ਇਹ ਗੀਤ ਵੀ ਹਿੱਟ ਹੋਵੇਗਾ।
ਉਂਝ ਪਿਛਲੇ ਸਾਲ ਇਹ ਕਨਫਰਮ ਹੋ ਗਿਆ ਸੀ ਕਿ ਤੱਬੂ ਫਿਲਮ ਦਾ ਹਿੱਸਾ ਹੋਵੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਗੀਤ ਦੀ ਸ਼ੂਟਿੰਗ ਰਾਜਸਥਾਨ ਦੇ ਖੂਬਸੂਰਤ ਸ਼ਹਿਰ ਜੈਪੁਰ ਵਿੱਚ ਹੋਵੇਗੀ, ਜੋ 10 ਦਿਨ ਤੱਕ ਚੱਲ ਸਕਦੀ ਹੈ ਤੇ ਉਸ ਤੋਂ ਬਾਅਦ ਲਖਨਊ ਵਿੱਚ ਵੀ ਸ਼ੂਟਿੰਗ ਹੋਵੇਗੀ। ਫਿਲਮ ਦਾ ਦੂਸਰਾ ਸ਼ਡਿਊਲ ਅਪ੍ਰੈਲ ਦੇ ਵਿਚਕਾਰ ਪੂਰਾ ਕਰ ਲਿਆ ਜਾਵੇਗਾ ਤੇ ਉਸ ਤੋਂ ਬਾਅਦ ਫਿਲਮ ਦੀ ਥੋੜ੍ਹੀ ਸ਼ੂਟਿੰਗ ਮੁੰਬਈ ਵਿੱਚ ਹੋਣੀ ਹੈ। ਫਿਲਮ ਜੁਲਾਈ ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ ਅਤੇ ਕਿਆਰਾ-ਕਾਰਤਿਕ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣਗੇ।