ਟਾਈਗਰ ਸ਼ਰਾਫ ਮਿਹਨਤ ਵਿੱਚ ਕੋਈ ਕਮੀ ਨਹੀਂ ਰੱਖਦਾ। ਉਹ ਇਨ੍ਹੀਂ ਦਿਨੀਂ ਆਪਣੀ ਤਾਜ਼ਾ ਰਿਲੀਜ਼ ਫਿਲਮ ‘ਬਾਗੀ 3’ ਦੇ ਨਾਲ ਕਾਫੀ ਸੁਰਖੀਆਂ ਖੱਟ ਰਿਹਾ ਹੈ। ਫਿਲਮ ਨੂੰ ਮਿਲੀ ਜੁਲੀ ਪ੍ਰਤੀਕਿਰਿਆ ਮਿਲੀ ਹੈ, ਪਰ ਇਸ ਵਿੱਚ ਟਾਈਗਰ ਦੇ ਦਮਦਾਰ ਐਕਸ਼ਨ ਸੀਨਜ਼ ਅਤੇ ਉਸ ਦੀ ਸ਼ਾਨਦਾਰ ਪ੍ਰਫੈਕਟ ਲੁਕ ਦੇ ਰਹੀ ਹੈ ਜਿਸ ਨੂੰ ਕਾਫੀ ਪਸੰਦ ਕੀਤਾ ਗਿਆ ਹੈ। ਇਸ ਬਾਡੀ ਸ਼ੇਪ ਨੂੰ ਪਾਉਣ ਲਈ ਟਾਈਗਰ ਨੇ ਖੂਬ ਪਸੀਨਾ ਵਹਾਇਆ ਹੈ। ‘ਬਾਗੀ 3’ ਦੀ ਸ਼ੂਟਿੰਗ ਦੌਰਾਨ ਟਾਈਗਰ ਨੇ ਪ੍ਰਫੈਕਟ ਬਾਡੀ ਸ਼ੇਪ ਲਈ ਟਰੇਨਿੰਗ ਅਤੇ ਵਰਕਿੰਗ ਸੈਸ਼ਨ ਸ਼ੁਰੂ ਕੀਤੇ ਸਨ। ਸੂਤਰਾਂ ਅਨੁਸਾਰ ਸਰੀਰ ਦੀਆਂ ਨਸਾਂ ਨੂੰ ਦਿਖਾਉਣ ਲਈ ਟਾਈਗਰ ਨੇ ਆਪਣੀ ਬਾਡੀ ਫੈਟ ਵੀ ਛੇ ਫੀਸਦੀ ਤੱਕ ਘੱਟ ਕਰ ਦਿੱਤਾ ਸੀ।