ਸ਼ਹਿਦ ਦੀ ਵਰਤੋਂ ਸਿਰਫ ਸਿਹਤ ਹੀ ਨਹੀਂ ਸਗੋਂ ਖੂਬਸਰਤੀ ਨਾਲ ਜੁੜੇ ਫਾਇਦੇ ਵੀ ਸ਼ਹਿਦ ਵਿੱਚ ਹਨ।
ਕੁਦਰਤੀ ਵਾਲਾਂ ਦਾ ਸਪਾ: ਅੱਧਾ ਕੱਪ ਦਹੀਂ 'ਚ ਦੋ ਤੋਂ ਤਿੰਨ ਚਮਚ ਸ਼ਹਿਦ ਮਿਲਾ ਕੇ ਪੇਸਟ ਬਣਾਓ ਅਤੇ ਵਾਲਾਂ 'ਤੇ ਲਗਾਓ। ਇਸ ਨਾਲ ਵਾਲਾਂ ਵਿੱਚ ਕੁਦਰਤੀ ਚਮਕ ਆਵੇਗੀ ਅਤੇ ਇਹ ਲੰਮੇ ਹੋਣਗੇ।
ਫੇਸ ਮਾਸਕ: ਚਿਹਰੇ ਦੀ ਚਮਕ ਵਧਾਉਣ ਲਈ ਦੋ ਚਮਚ ਸ਼ਹਿਦ ਅੱਧਾ ਨਿੰਬੂ ਅਤੇ ਵੇਸਣ ਲੈ ਕੇ ਪੇਸਟ ਤਿਆਰ ਕਰੋ ਉਸ ਨੂੰ ਪੰਜ ਮਿੰਟਾਂ ਲਈ ਚਿਹਰਾ 'ਤੇ ਲਾ ਕੇ ਰੱਖੋ, ਫਿਰ ਧੋ ਲਵੋ। ਇਸ ਨਾਲ ਚਮੜੀ ਨਿਖਰੀ ਵਿਖਾਈ ਦੇਵੇਗੀ।
ਖੁਸ਼ਕ ਚਮੜੀ ਤੋਂ ਨਿਜਾਤ: ਸਰਦੀ ਕਰ ਕੇ ਚਮੜੀ ਖੁਸ਼ਕ ਹੋ ਜਾਂਦੀ ਹੈ। ਇਸ ਤੋਂ ਬਚਣ ਲਈ ਸ਼ਹਿਦ ਨੂੰ ਪਾਣੀ 'ਚ ਮਿਲਾ ਕੇ ਨਹਾਓ। ਗਰਮ ਪਾਣੀ ਦੇ ਟੱਬ ਵਿੱਚ ਦੋ ਕੱਪ ਸ਼ਹਿਦ ਮਿਲਾਓ। 15 ਮਿੰਟਾਂ ਤੱਕ ਟੱਬ ਵਿੱਚ ਬੈਠੇ ਰਹੋ ਅਤੇ ਫਿਰ ਇਸ 'ਚ ਬੇਕਿੰਗ ਸੋਢਾ ਮਿਲਾ ਕੇ ਬੈਠੋ ਜਿਸ ਨਾਲ ਤੁਹਾਡੀ ਚਮੜੀ ਉਪਰੋਂ ਮਰੇ ਹੋਏ ਸੈਲ ਬਗੈਰ ਕਿਸੇ ਪਰੇਸ਼ਾਨੀ ਤੋਂ ਉਤਰ ਜਾਣਗੇ।
ਮਾਲਿਸ਼: ਸ਼ਹਿਦ ਨਾਲ ਰੋਜ਼ ਮਾਲਿਸ਼ ਕਰਨ ਨਾਲ ਚਮੜੀ ਨਰਮ ਅਤੇ ਚਮਕਦਾਰ ਹੋ ਜਾਂਦੀ ਹੈ।
ਕਿੱਲ: ਕਿੱਲਾਂ ਨੂੰ ਕੱਢਣ ਲਈ ਉਨ੍ਹਾਂ 'ਤੇ ਰੂੰ ਨਾਲ ਥੋੜ੍ਹਾ ਜਿਹਾ ਸ਼ਹਿਦ ਲਾਓ।
ਮੇਕਅਪ ਉਤਾਰਨ ਲਈ: ਸ਼ਹਿਦ 'ਚ ਨਾਰੀਅਲ ਦਾ ਤੇਲ ਮਿਲਾ ਕੇ ਲਾਉਣ ਨਾਲ ਨਾ ਸਿਰਫ ਮੇਕਅਪ ਉਤਰ ਜਾਂਦਾ ਹੈ, ਬਲਕਿ ਇਹ ਚਮੜੀ ਨੂੰ ਨਮੀ ਯੁਕਤ ਵੀ ਰੱਖਦਾ ਹੈ।