ਕਈ ਸਿਤਾਰੇ ਅਜਿਹੇ ਹਨ, ਜੋ ਆਪਣੇ ਨਿੱਜੀ ਜੀਵਨ ਦੇ ਬਾਰੇ ਬਹੁਤ ਜ਼ਿਆਦਾ ਗੱਲਾਂ ਕਰਨਾ ਪਸੰਦ ਨਹੀਂ ਕਰਦੇ, ਖਾਸ ਕਰ ਕੇ ਰਿਲੇਸ਼ਨਸ਼ਿਪ ਅਤੇ ਵਿਆਹ ਨਾਲ ਜੁੜੀਆਂ ਗੱਲਾਂ ਉਹ ਅਕਸਰ ਛੁਪਾ ਕੇ ਰੱਖਣਾ ਪਸੰਦ ਕਰਦੇ ਹਨ। ਅਜਿਹਾ ਹੀ ਕੁਝ ਕੀਤਾ ਸੀ ਕਾਜੋਲ ਨੇ, ਜਦੋਂ 24 ਫਰਵਰੀ 1999 ਨੂੰ ਉਸ ਨੇ ਅਜੈ ਦੇਵਗਨ ਨਾਲ ਵਿਆਹ ਕੀਤਾ ਸੀ। ਮਰਾਠੀ ਰੀਤੀ-ਰਿਵਾਜ ਨਾਲ ਇਹ ਵਿਆਹ ਅਜੈ ਦੇਵਗਨ ਦੇ ਘਰ ਹੋਇਆ ਸੀ। ਮੀਡੀਆ ਤੋਂ ਬਚਣ ਲਈ ਕਾਜੋਲ ਨੇ ਪੱਤਰਕਾਰਾਂ ਨੂੰ ਆਪਣੇ ਵਿਆਹ ਦਾ ਗਲਤ ਥਾਂ ਦਾ ਪਤਾ ਦੱਸ ਦਿੱਤਾ ਸੀ।
ਇਹ ਖੁਲਾਸਾ ਕਾਜੋਲ ਨੇ ਕਪਿਲ ਸ਼ਰਮਾ ਦੇ ਸ਼ੋਅ ਵਿੱਚ ਕੀਤਾ। ਕਾਜੋਲ ਨੇ ਦੱਸਿਆ ਕਿ ਮੀਡੀਆ ਜਾਣਨਾ ਚਾਹੁੰਦਾ ਸੀ ਕਿ ਸਾਡਾ ਵਿਆਹ ਕਿੱਥੇ ਹੋ ਰਿਹਾ ਹੈ। ਜੇ ਮੈਂ ਉਨ੍ਹਾਂ ਨੂੰ ਨਾ ਦੱਸਦੀ ਤਾਂ ਉਹ ਕਿਤੋਂ ਨਾ ਕਿਤੋ ਪਤਾ ਲਾ ਹੀ ਲੈਂਦੇ। ਇਸ ਲਈ ਮੈਂ ਮੀਡੀਆ ਨੂੰ ਗਲਤ ਪਤਾ ਦੇ ਦਿੱਤਾ, ਤਾਂ ਕਿ ਉਹ ਇਹ ਪਤਾ ਲਾਉਣਾ ਬੰਦ ਕਰ ਦੇਣ ਕਿ ਵਿਆਹ ਕਿੱਥੇ ਹੋ ਰਿਹਾ ਹੈ। ਦਰਅਸਲ ਕਾਜੋਲ ਆਪਣੀ 13 ਮਿੰਟ ਦੀ ਸ਼ਾਰਟ ਫਿਲਮ ‘ਦੇਵੀ’ ਦਾ ਪ੍ਰਮੋਸ਼ਨ ਕਰਨ ਦੇ ਲਈ ਕਪਿਲ ਸ਼ਰਮਾ ਦੇ ਸ਼ੋਅ ਵਿੱਚ ਪਹੁੰਚੀ ਸੀ। ਉਸੇ ਦੌਰਾਨ ਉਸ ਨੇ ਇਹ ਖੁਲਾਸਾ ਕੀਤਾ।