ਫਿਲਮ ‘ਏਕ ਵਿਲੇਨ’ ਦੇ ਸੀਕਵਲ ਦੇ ਲਈ ਹੀਰੋਇਨ ਦਾ ਨਾਂਅ ਫਾਈਨਲ ਹੋ ਗਿਆ ਹੈ। ਡਾਇਰੈਕਟਰ ਮੋਹਿਤ ਸੂਰੀ ਨੇ ਇਸ ਲਈ ਦਿਸ਼ਾ ਪਾਟਨੀ ਨੂੰ ਚੁਣਿਆ ਹੈ, ਜੋ ਪਿੱਛੇ ਜਿਹੇ ਰਿਲੀਜ਼ ਹੋਈ ਉਨ੍ਹਾਂ ਦੀ ਫਿਲਮ ‘ਮਲੰਗ’ ਵਿੱਚ ਬਤੌਰ ਲੀਡ ਹੀਰੋਇਨ ਨਜ਼ਰ ਆਈ ਸੀ। ਉਸ ਤੋਂ ਬਿਨਾਂ ਇਸ ਫਿਲਮ ਵਿੱਚ ਆਦਿੱਤਯ ਰਾਏ ਕਪੂਰ ਅਤੇ ਜਾਨ ਅਬਰਾਹਮ ਵੀ ਹੋਣਗੇ। ਇਹ ਫਿਲਮ ਸਾਲ 2014 ਵਿੱਚ ਆਈ ‘ਏਕ ਵਿਲੇਨ’ ਦਾ ਸੀਕਵਲ ਹੋਵੇਗੀ, ਜਿਸ ਵਿੱਚ ਸਿਧਾਰਥ ਮਲਹੋਤਰਾ, ਸ਼ਰਧਾ ਕਪੂਰ ਅਤੇ ਰਿਤੇਸ਼ ਦੇਸ਼ਮੁਖ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ।
ਇਸ ਬਾਰੇ ਮੋਹਿਤ ਨੇ ਕਿਹਾ, ‘‘ਦਿਸ਼ਾ ਪਹਿਲੀ ਹੀਰੋਇਨ ਹੈ ਜੋ ਮੇਰੇ ਕੋਲ ਆਈ ਅਤੇ ਬੋਲੀ, ਮੈਂ ਹੋਰ ਐਕਸ਼ਨ ਕਰਨਾ ਚਾਹੁੰਦੀ ਹਾਂ, ਲੋਕਾਂ ਨੂੰ ਕੁੱਟਣਾ, ਸਟੰਟ ਕਰਨਾ, ਕਿੱਕ ਮਾਰਨਾ ਚਾਹੁੰਦੀ ਹਾਂ, ਜਿਵੇਂ ਲੜਕੇ ਤੁਹਾਡੀਆਂ ਫਿਲਮਾਂ ਵਿੱਚ ਕਰਦੇ ਹਨ, ਉਸੇ ਤਰ੍ਹਾਂ ਮੈਂ ਵੀ ਹੀਰੋ ਬਣਨਾ ਚਾਹੁੰਦੀ ਹਾਂ। ਇਸ ਲਈ ਮੈਂ ਉਸ ਨੂੰ ਚੁਣਿਆ ਉਹ ਅੱਜ ਦੇ ਜ਼ਮਾਨੇ ਦੀਆਂ ਹੀਰੋਇਨਾਂ ਤੋਂ ਥੋੜ੍ਹੀ ਅਲੱਗ ਹੈ।”