ਓਨਟਾਰੀਓ, 26 ਫਰਵਰੀ (ਪੋਸਟ ਬਿਊਰੋ) : ਗੁਰੂ ਨਾਨਕ ਦੇਵੀ ਜੀ ਦੇ ਪ੍ਰਕਾਸ਼ ਪੁਰਬ ਦੀ 550ਵੀਂ ਵਰ੍ਹੇਗੰਢ ਮੌਕੇ ਓਨਟਾਰੀਓ ਸਿੱਖ ਐਂਡ ਗੁਰਦੁਆਰਾ ਕਾਉਂਸਲ (ਓਐਸਜੀਸੀ) ਵੱਲੋਂ ਸਕਾਲਰਸਿ਼ਪ ਪ੍ਰੋਗਰਾਮ ਦਾ ਐਲਾਨ ਕੀਤਾ ਗਿਆ ਹੈ।
ਓਐਸਜੀਸੀ ਨੇ ਦੱਸਿਆ ਕਿ ਇਹ ਸਲਾਨਾ ਸਕਾਲਰਸਿ਼ਪ ਉਨ੍ਹਾਂ ਸਿੱਖ ਵਿਦਿਆਰਥੀਆਂ ਨੂੰ ਪਛਾਣ ਦੇਣ ਲਈ ਹੈ ਜਿਹੜੇ ਮਾਨਤਾ ਪ੍ਰਾਪਤ ਜਨਤਕ ਤੌਰ ਉੱਤੇ ਫੰਡਿਡ ਕੈਨੇਡੀਅਨ ਕਾਲਜਾਂ ਜਾਂ ਯੂਨੀਵਰਸਿਟੀਆਂ ਵਿੱਚ ਦਾਖਲਾ ਲੈਣਗੇ। ਓਐਸਜੀਸੀ ਨੂੰ ਇਸ ਗੱਲ ਦੀ ਖੁਸ਼ੀ ਹੈ ਕਿ ਉਹ ਅਜਿਹੇ ਸਿੱਖ ਵਿਦਿਆਰਥੀਆਂ ਨੂੰ ਸਕਾਲਰਸਿ਼ਪ ਦੇਵੇਗੀ ਜਿਹੜੇ ਕੈਨੇਡੀਅਨ ਸਮਾਜ ਵਿੱਚ ਅਹਿਮ ਯੋਗਦਾਨ ਪਾਉਣਾ ਚਾਹੁੰਦੇ ਹਨ।
ਓਐਸਜੀਸੀ ਉਨ੍ਹਾਂ ਸਿੱਖ ਵਿਦਿਆਰਥੀਆਂ ਦੀ ਮਦਦ ਲਈ ਹਰਦਮ ਤਿਆਰ ਹੈ ਜਿਹੜੇ ਸਮਾਜ ਦੇ ਸਰਗਰਮ ਮੈਂਬਰ ਬਣਨਾ ਚਾਹੁੰਦੇ ਹਨ। ਓਐਸਜੀਸੀ ਵੱਲੋਂ ਕਮਾਲ ਦੀ ਕਾਰਗੁਜ਼ਾਰੀ ਕਰਨ ਵਾਲੇ ਦਸ ਹਾਈ ਸਕੂਲ ਵਿਦਿਆਰਥੀਆਂ ਨੂੰ ਇਹ ਸਕਾਲਰਸਿ਼ਪ ਦਿੱਤੀ ਜਾਵੇਗੀ। ਹਰੇਕ ਵਿਦਿਆਰਥੀ ਨੂੰ 1000 ਡਾਲਰ ਹਾਸਲ ਹੋਣਗੇ। ਇਸ ਸਬੰਧੀ ਅਰਜ਼ੀਆਂ ਤੇ ਜਾਣਕਾਰੀ www.osgc.ca <http://www.osgc.ca> jF scholarship@osgc.ca <mailto:scholarship@osgc.ca> ਉੱਤੇ ਉਪਲਬਧ ਹੈ।
ਇਸ ਸਬੰਧ ਵਿੱਚ ਅਰਜ਼ੀਆਂ 16 ਮਾਰਚ, 2020 ਦਿਨ ਸੋਮਵਾਰ ਤੱਕ ਮਿਲ ਜਾਣੀਆਂ ਚਾਹੀਦੀਆਂ ਹਨ। ਸਫਲ ਬਿਨੈਕਾਰਾਂ ਨੂੰ 13 ਅਪਰੈਲ, 2020 ਤਕ ਈਮੇਲ ਤੇ ਡਾਕ ਰਾਹੀਂ ਇਸ ਦੀ ਜਾਣਕਾਰੀ ਦੇ ਦਿੱਤੀ ਜਾਵੇਗੀ। ਇਸ ਸਬੰਧ ਵਿੱਚ ਐਵਾਰਡ ਟੋਰਾਂਟੋ ਵਿੱਚ 26 ਅਪਰੈਲ,2020 ਨੂੰ ਹੋਣ ਜਾ ਰਹੇ ਨਗਰ ਕੀਰਤਨ ਵਿੱਚ ਦਿੱਤੇ ਜਾਣਗੇ।