ਬਾਲੀਵੁੱਡ ਅਦਾਕਾਰਾ ਅਤੇ ਸਾਬਕਾ ਮਿਸ ਸ੍ਰੀਲੰਕਾ ਜੈਕਲੀਨ ਫਰਨਾਂਡੀਜ਼ ਦੱਖਣ ਭਾਰਤੀ ਫਿਲਮਾਂ ਦੇ ਸੁਪਰਸਟਾਰ ਪਵਨ ਕਲਿਆਣ ਨਾਲ ਕੰਮ ਕਰਦੀ ਨਜ਼ਰ ਆ ਸਕਦੀ ਹੈ। ਚਰਚਾ ਹੈ ਕਿ ਜੈਕਲੀਨ ਡਾਇਰੈਕਟਰ ਕ੍ਰਿਸ਼ ਜਗਾਰਲਾਮੁਦੀ ਦੇ ਨਵੇਂ ਕਾਸਟਿਊਮ ਡਰਾਮੇ ਵਿੱਚ ਨਜ਼ਰ ਆਏਗੀ ਅਤੇ ਇਸ ਫਿਲਮ ਵਿੱਚ ਉਹ ਤੇਲਗੂ ਸਿਨੇਮਾ ਦੇ ਸੁਪਰਸਟਾਰ ਪਵਨ ਕਲਿਆਣ ਦੇ ਆਪੋਜ਼ਿਟ ਦਿਸੇਗੀ। ਪਵਨ ਕਲਿਆਣ ਚਾਹੁੰਦਾ ਹੈ ਕਿ ਕ੍ਰਿਸ਼ ਦੀ ਫਿਲਮ ਵਿੱਚ ਉਸ ਨਾਲ ਕੋਈ ਬਾਲੀਵੁੱਡ ਹੀਰੋਇਨ ਹੋਵੇ। ਦੱਸਿਆ ਗਿਆ ਹੈ ਕਿ ਜੈਕਲੀਨ ਨੇ ਕ੍ਰਿਸ਼ ਦੀ ਫਿਲਮ ਨੂੰ ਲਗਭਗ ਸਾਈਨ ਕਰ ਲਿਆ ਹੈ। ਇਨ੍ਹੀਂ ਦਿਨੀਂ ਫਿਲਮ ‘ਅਟੈਕ’ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਜੈਕਲੀਨ ਇਸ ਤੋਂ ਪਹਿਲਾਂ ਤੇਲਗੂ ਫਿਲਮ ‘ਸਾਹੋ’ ਵਿੱਚ ਪ੍ਰਭਾਸ ਦੇ ਨਾਲ ਇੱਕ ਆਈਟਮ ਨੰਬਰ ਕਰ ਚੁੱਕੀ ਹੈ।