ਬਾਲੀਵੁੱਡ ਅਦਾਕਾਰ ਕਾਰਤਿਕ ਆਰੀਅਨ ਆਪਣੀ ਆਉਣ ਵਾਲੀ ਐਕਸ਼ਨ ਫਿਲਮ ਲਈ ਟਰੇਨਿੰਗ ਲੈ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਓਮ ਰਾਊਤ ਦੇ ਨਿਰਦੇਸ਼ਨ ਵਿੱਚ ਬਣਨ ਵਾਲੀ ਇਹ ਇੱਕ ਐਕਸ਼ਨ ਥ੍ਰੀ ਡੀ ਫਿਲਮ ਹੋਵੇਗੀ। ਕਾਰਤਿਕ ਦੀ ਫਿਲਮ ‘ਲਵ ਆਜ ਕੱਲ੍ਹ’ ਪਿੱਛੇ ਜਿਹੇ ਰਿਲੀਜ਼ ਹੋਈ ਹੈ। ਅੱਗੋਂ ਉਹ ਅਗਲੀ ਫਿਲਮ ਦੀ ਤਿਆਰੀ ਵਿੱਚ ਲੱਗ ਚੁੱਕਾ ਹੈ। ਉਹ ਫਿਲਮਾਂ ਵਿੱਚ ਪਹਿਲੀ ਵਾਰ ਐਕਸ਼ਨ ਕਰਦਾ ਦਿਖਾਈ ਦੇਵੇਗਾ ਅਤੇ ਇਸ ਫਿਲਮ ਬਾਰੇ ਉਹ ਕਾਫੀ ਐਕਸਾਈਟਿਡ ਵੀ ਹੈ। ਇੰਝ ਲੱਗਦਾ ਹੈ ਕਿ ਉਹ ਇਸ ਫਿਲਮ ਲਈ ਟਾਈਗਰ ਸ਼ਰਾਫ ਵਾਂਗ ਟਰੇਨਿੰਗ ਲੈ ਰਿਹਾ ਹੈ।
ਕਾਰਤਿਕ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ, ਜਿਸ ਵਿੱਚ ਉਹ ਸ਼ਾਨਦਾਰ ਫਰੰਟ ਫਲਿਪਬ ਕਰਦਾ ਦਿੱਸਦਾ ਹੈ। ਕਾਰਤਿਕ ਇਸ ਫਿਲਮ ਦੇ ਨਾਲ ‘ਭੂਲ ਭੁਲੱਈਆ-2’ ਅਤੇ ‘ਦੋਸਤਾਨ 2’ ਵਿੱਚ ਵੀ ਨਜ਼ਰ ਆਏਗਾ।