ਲੰਡਨ, 19 ਫਰਵਰੀ (ਪੋਸਟ ਬਿਊਰੋ)- ਇੰਗਲੈਂਡ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਅਤੇ ਉਨ੍ਹਾਂ ਦੀ ਪਹਿਲੀ ਭਾਰਤੀ ਮੂਲ ਦੀ ਪਤਨੀ ਮਰੀਨਾ ਵ੍ਹੀਲਰ ਵਿਚਕਾਰ ਤਲਾਕ ਦੀ ਸਹਿਮਤੀ ਹੋ ਗਈ ਹੈ।
ਬੋਰਿਸ ਜੌਹਨਸਨ ਅਤੇ ਮਰੀਨਾ ਵ੍ਹੀਲਰ ਦੋ ਸਾਲ ਪਹਿਲਾਂ ਇੱਕ ਦੂਜੇ ਤੋਂ ਵੱਖ ਹੋ ਗਏ ਸਨ ਤੇ ਦੋਵਾਂ ਵਿਚਕਾਰ ਪੈਸੇ ਅਤੇ ਸੰਪਤੀ ਬਾਰੇ ਝਗੜਾ ਚੱਲਦਾ ਸੀ। ਜੱਜ ਗਿਬਸਨਸ ਨੇ ਕੱਲ੍ਹ ਵ੍ਹੀਲਰ ਵੀਹਲਰ ਨੂੰ ਤਲਾਕ ਲੈਣ ਲਈ ਅਪਲਾਈ ਕਰਨ ਦੀ ਹਾਂ ਕਰ ਦਿੱਤੀ। ਪ੍ਰਧਾਨ ਮੰਤਰੀ ਬੋਰਿਸ ਤੇ ਮਰੀਨਾ 25 ਸਾਲ ਤੋਂ ਸ਼ਾਦੀ ਦੇ ਬੰਧਨ ਵਿੱਚ ਸਨ। ਇਸ ਤੋਂ ਪਹਿਲਾਂ ਬੌਰਿਸ ਨੇ 1987 'ਚ ਅਲੈਗਰਾ ਮੌਸਟੇਅਨ ਓਵਨ ਨਾਲ ਵਿਆਹ ਕੀਤਾ ਸੀ, ਜੋ 1993 ਤੱਕ ਚੱਲਿਆ। ਬੋਰਿਸ ਜੌਹਨਸਨ ਅਤੇ ਮਰੀਨਾ ਵ੍ਹਲਿਰ ਦੇ ਦੋ ਲੜਕੇ ਅਤੇ ਦੋ ਲੜਕੀਆਂ ਹਨ। ਮਰੀਨਾ ਵ੍ਹੀਲਰ ਜੋ ਕੈਂਸਰ ਤੋਂ ਪੀੜਤ ਸੀ ਅਤੇ ਬਾਅਦ 'ਚ ਕੈਂਸਰ ਮੁਕਤ ਹੋ ਗਈ ਸੀ। ਕੱਲ੍ਹ ਸੁਣਵਾਈ ਦੌਰਾਨ ਬੋਰਿਸ ਜੌਹਨਸਨ ਵੱਲੋਂ ਨੀਲ ਰਸਲ ਅਤੇ ਮਿਸਜ਼ ਵ੍ਹੀਲਰ ਵੱਲੋਂ ਲੂਸੀ ਸਟੋਰ ਅਦਾਲਤ 'ਚ ਪੇਸ਼ ਹੋਏ। ਜੱਜ ਗਿਬਸਨ ਨੇ ਮਿਸਜ਼ ਵ੍ਹੀਲਰ ਨੂੰ ਤਲਾਕ ਦੀ ਅਰਜ਼ੀ ਦੇਣ ਦੀ ਆਗਿਆ ਦੇ ਦਿੱਤੀ। ਇੰਗਲੈਂਡ ਦੇ ਨਿਯਮਾਂ ਅਨੁਸਾਰ ਮਿਸਜ਼ ਵ੍ਹੀਲਰ ਕੋਲ 12 ਮਹੀਨੇ ਦਾ ਸਮਾਂ ਹੈ।
ਵਰਨਣ ਯੋਗ ਹੈ ਕਿ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਅੱਜ ਕੱਲ੍ਹ ਆਪਣੀ ਦੋਸਤ ਮਿਸਜ਼ ਸੇਮੰਡ ਨਾਲ ਰਹਿ ਰਹੇ ਸਨ। ਮਰੀਨਾ ਵ੍ਹੀਲਰ ਬ੍ਰਿਟੇਨ ਦੇ ਪ੍ਰਸਿੱਧ ਬੀ ਬੀ ਸੀ ਪੱਤਰਕਾਰ ਚਾਰਲਸ ਵ੍ਹੀਲਰ ਦੀ ਬੇਟੀ ਹੈ, ਜਿਸ ਦੀ ਮਾਂ ਭਾਰਤੀ ਮੂਲ ਦੀ ਸੀ, ਜਿਸ ਦਾ ਪ੍ਰਸਿੱਧ ਪੱਤਰਕਾਰ ਖੁਸ਼ਵੰਤ ਸਿੰਘ ਨਾਲ ਵੀ ਪਰਵਾਰਕ ਰਿਸ਼ਤਾ ਸੀ।