ਮੈਲਬੌਰਨ, 14 ਫਰਵਰੀ (ਪੋਸਟ ਬਿਊਰੋ)- ਆਸਟਰੇਲੀਆ ਦਾ ਸਾਬਕਾ ਕਪਤਾਨ ਮਾਈਕਲ ਕਲਾਰਕ ਅਤੇ ਉਸ ਦੀ ਪਤਨੀ ਕਾਇਲੀ ਬੋਲਡੀ ਵਿਆਹ ਤੋਂ ਸੱਤ ਸਾਲ ਬਾਅਦ ਵੱਖ ਹੋ ਗਏ ਹਨ।
ਮੀਡੀਆ ਖਬਰਾਂ ਅਨੁਸਾਰ ਦੋਵਾਂ ਵਿਚਾਲੇ ਚਾਰ ਕਰੋੜ ਡਾਲਰ ਦਾ ਸਮਝੌਤਾ ਹੋਇਆ ਹੈ। ਦੋਵਾਂ ਨੇ ਆਪਣੀ ਚਾਰ ਸਾਲ ਦੀ ਬੇਟੀ ਕੇਲਸੇਲੀ ਦੀ ਸਾਂਝੀ ਜ਼ਿੰਮੇਵਾਰੀ ਲੈਣ ਦੇ ਪ੍ਰਬੰਧ Ḕਤੇ ਰਜ਼ਾਮੰਦੀ ਦਿੱਤੀ ਹੈ। ਕਲਾਰਕ ਤੇ ਕਾਇਲੀ ਨੇ 'ਦਿ ਆਸਟਰੇਲੀਅਨḔ ਅਖਬਾਰ ਨੂੰ ਸਾਂਝੇ ਬਿਆਨ ਵਿੱਚ ਕਿਹਾ, ''ਕੁਝ ਸਮੇਂ ਤੱਕ ਵੱਖਰੇ ਰਹਿਣ ਤੋਂ ਬਾਅਦ ਅਸੀਂ ਆਪਸੀ ਸਹਿਮਤੀ ਨਾਲ ਵੱਖ ਹੋਣ ਦਾ ਮੁਸ਼ਕਲ ਫੈਸਲਾ ਕੀਤਾ।ḔḔ ਉਨ੍ਹਾਂ ਕਿਹਾ, ''ਅਸੀਂ ਇੱਕ-ਦੂਜੇ ਦਾ ਸਨਮਾਨ ਕਰਦੇ ਹਾਂ, ਇਸ ਲਈ ਆਪਸੀ ਸਹਿਮਤੀ ਨਾਲ ਇਸ ਫੈਸਲੇ Ḕਤੇ ਪਹੁੰਚੇ ਹਾਂ, ਜਿਹੜਾ ਸਾਡੇ ਲਈ ਸਰਵ ਸ੍ਰੇਸ਼ਠ ਹੈ, ਜਦ ਕਿ ਅਸੀਂ ਦੋਵੇਂ ਆਪਣੀ ਬੇਟੀ ਦਾ ਪਾਲਣ-ਪੋਸ਼ਣ ਕਰਾਂਗੇ।ḔḔ ਦੋਵਾਂ ਦੀ ਉਮਰ 38 ਸਾਲ ਹੈ ਤੇ 2012 ਵਿੱਚ ਦੋਵਾਂ ਦਾ ਵਿਆਹ ਹੋਇਆ ਸੀ। 2015 ਵਿੱਚ ਇਸ ਕ੍ਰਿਕਟਰ ਦੇ ਸੰਨਿਆਸ ਦੇ ਐਲਾਨ ਦੇ ਬਾਅਦ ਉਸ ਦੀ ਬੇਟੀ ਦਾ ਜਨਮ ਹੋਇਆ।
ਇੰਸਟਾਗ੍ਰਾਮ ਪੋਸਟ Ḕਤੇ ਕਲਾਰਕ ਨੇ ਸੰਕੇਤ ਦਿੱਤਾ ਕਿ ਉਹ ਇਸ ਸਾਲ 'ਬਿੱਗ ਸਪੋਰਟਸ ਬ੍ਰੇਕਫਾਸਟ ਸ਼ੋਅḔ ਵਿੱਚ ਸਾਬਕਾ ਮਹਾਨ ਰਗਬੀ ਲੀਗ ਖਿਡਾਰਣ ਲਾਰੀ ਡੇਲੀ ਨਾਲ ਸਹਿ-ਮੇਜ਼ਬਾਨ ਬਣਨ ਦੀ ਤਿਆਰੀ ਕਰ ਰਿਹਾ ਹੈ। ਰਿਪੋਰਟਾਂ ਅਨੁਸਾਰ ਕਲਾਰਕ ਅਤੇ ਕਾਇਲੀ ਪਿਛਲੇ ਪੰਜ ਮਹੀਨਿਆਂ ਤੋਂ ਵੱਖ ਰਹੇ ਹਨ। ਸਾਬਕਾ ਆਸਟਰੇਲੀਆਈ ਕਪਤਾਨ ਘਰ ਛੱਡਣ ਤੋਂ ਬਾਅਦ ਬੂੰਡੀ ਬੀਚ ਅਪਾਰਟਮੈਂਟ ਵਿੱਚ ਤੇ ਕਾਇਲੀ ਉਸੇ ਘਰ ਵਿੱਚ ਰਹਿ ਰਹੀ ਸੀ। ਕਲਾਰਕ ਨੇ 2004 ਤੋਂ 2015 ਵਿਚਾਲੇ 115 ਟੈਸਟ ਖੇਡੇ, ਜਿਨ੍ਹਾਂ ਵਿੱਚ ਉਸ ਨੇ 49æ10 ਦੀ ?ਔਸਤ ਨਾਲ 8643 ਦੌੜਾਂ ਬਣਾਈਆਂ ਸਨ, ਜਿਨ੍ਹਾਂ ਵਿੱਚ 28 ਸੈਂਕੜੇ ਸ਼ਾਮਲ ਰਹੇ। ਆਸਟੇਲੀਆ ਨੂੰ 2015 ਵਿਸ਼ਵ ਕੱਪ ਖਿਤਾਬ ਦਿਵਾਉਣ ਵਾਲੇ ਕਲਾਰਕ ਨੇ 245 ਵਨ ਡੇ ਵਿੱਚ 7981 ਦੌੜਾਂ ਬਣਾਈਆਂ।