Welcome to Canadian Punjabi Post
Follow us on

03

April 2020
ਮਨੋਰੰਜਨ

ਗੁੱਸੇ ਵਿੱਚ ਹੱਥ ਪੈਰ ਨਹੀਂ ਚਲਾਉਂਦੀ : ਤਾਪਸੀ ਪੰਨੂ

February 11, 2020 09:11 AM

ਅਭਿਨੇਤਰੀ ਤਾਪਸੀ ਪੰਨੂ ਲਗਾਤਾਰ ਇਤਿਹਾਸਕ ਫਿਲਮਾਂ ਕਰ ਰਹੀ ਹੈ। ਉਸ ਦੀ ਅਗਲੀ ਫਿਲਮ ਅਨੁਭਵ ਸਿਨਹਾ ਨਿਰਦੇਸ਼ਨ ਵਾਲੀ ‘ਥੱਪੜ’ ਹੈ। ਉਸ ਵਿੱਚ ਉਹ ਵਿਆਹੁਤਾ ਮਹਿਲਾ ਦਾ ਕਿਰਦਾਰ ਨਿਭਾ ਰਹੀ ਹੈ। ਸ਼ਰੇਆਮ ਇੱਕ ਮਹਿਫਲ ਵਿੱਚ ਪਤੀ ਵੱਲੋਂ ਥੱਪੜ ਮਾਰੇ ਜਾਣ ਉੱਤੇ ਉਹ ਉਸ ਦੇ ਆਧਾਰ ਉਤੇ ਤਲਾਕ ਲੈਣਾ ਚਾਹੁੰਦੀ ਹੈ। ਪਿਛਲੇ ਕੁਝ ਅਰਸੇ ਤੋਂ ਫਿਲਮਾਂ 'ਚ ਲਗਾਤਾਰ ਗੰਭੀਰ ਕਿਰਦਾਰ ਨਿਭਾਅ ਰਹੀ ਤਾਪਸੀ ਅਸਲ ਜ਼ਿੰਦਗੀ ਵਿੱਚ ਗੁੱਸੇ ਨੂੰ ਕੰਟਰੋਲ ਕਰਨ ਦੇ ਸਵਾਲ ਦੇ ਜਵਾਬ ਵਿੱਚ ਕਹਿੰਦੀ ਹੈ ਕਿ ਉਸ ਦਾ ਗੁੱਸੇ ਵਾਲਾ ਸੁਭਾਅ ਨਹੀਂ। ਉਹ ਆਮ ਤੌਰ 'ਤੇ ਕਿਸੇ ਨੂੰ ਵੀ ਗਾਲ੍ਹ ਨਹੀਂ ਕੱਢਦੀ। ਜੇ ਉਸ ਨੂੰ ਗੁੱਸਾ ਆਵੇ ਤਾਂ ਆਪਣੀਆਂ ਗੱਲਾਂ ਵਿੱਚ ਉਸ ਨੂੰ ਪ੍ਰਗਟ ਕਰਦੀ ਹੈ, ਗੁੱਸੇ ਵਿੱਚ ਆਪਣੇ ਹੱਥ ਪੈਰ ਨਹੀਂ ਚਲਾਉਂਦੀ। ‘ਨਾਮ ਸ਼ਬਾਨਾ’ ਤੇ ‘ਬੇਬੀ’ ਵਰਗੀਆਂ ਫਿਲਮਾਂ ਵਿੱਚ ਆਪਣੇ ਐਕਸ਼ਨ ਲਈ ਤਰੀਫਾਂ ਖੱਟਣ ਵਾਲੀ ਤਾਪਸੀ ਦਾ ਕਹਿਣਾ ਹੈ ਕਿ ਫਿਲਮਾਂ ਵਿੱਚ ਵੀ ਐਕਸ਼ਨ ਤੋਂ ਪਹਿਲਾਂ ਉਹ ਇਹ ਯਕੀਨੀ ਬਣਾਉਂਦੀ ਹੈ ਕਿ ਸਾਹਮਣੇ ਵਾਲੇ ਦੀ ਪੈਡਿੰਗ ਸਹੀ ਤਰ੍ਹਾਂ ਹੋਵੇ, ਤਾਂ ਜੋ ਐਕਸ਼ਨ ਕਰਦਿਆਂ ਉਸ ਨੂੰ ਸੱਟ ਨਾ ਲੱਗੇ। ਤਾਪਸੀ ਮੁਤਾਬਕ ਆਨਸਕਰੀਨ ਉਨ੍ਹਾਂ ਨੇ ਕਿਸੇ ਨੂੰ ਜ਼ੋਰਦਾਰ ਥੱਪੜ ਮਾਰਨ ਵਾਲਾ ਸੀਨ ਅਜੇ ਤੱਕ ਨਹੀਂ ਕੀਤਾ, ਸਿਰਫ ਕਿੱਕ ਤੇ ਪੰਚ ਮਾਰੇ ਹਨ।

Have something to say? Post your comment