ਭਾਰਤੀ ਕ੍ਰਿਕਟ ਟੀਮ ਦੇ ਸਪਿੰਨਰ ਹਰਭਜਨ ਸਿੰਘ ਸਿਲਵਰ ਸਕਰੀਨ 'ਤੇ ਆਪਣਾ ਜਲਵਾ ਬਿਖੇਰਨਗੇ। ਫਿਲਮ ‘ਫਰੈਂਡਸ਼ਿਪ’ ਨਾਲ ਉਹ ਐਕਟਿੰਗ ਡੈਬਿਊ ਕਰਨ ਦੇ ਲਈ ਤਿਆਰ ਹਨ। ਭਾਰਤੀ ਸਿਨੇਮਾ ਵਿੱਚ ਅਜਿਹਾ ਪਹਿਲੀ ਵਾਰ ਹੋਵੇਗਾ, ਜਦ ਕਿਸੇ ਫਿਲਮ ਵਿੱਚ ਕੋਈ ਕ੍ਰਿਕਟਰ ਲੀਡ ਰੋਲ ਵਿੱਚ ਹੋਵੇਗਾ। ਮੇਕਸ ਨੇ ਟਵਿੱਟਰ ਉਤੇ ਇਸ ਫਿਲਮ ਦਾ ਫਸਟ ਪੋਸਟਰ ਸ਼ੇਅਰ ਕੀਤਾ ਹੈ। ਪੋਸਟਰ ਵਿੱਚ ਕਿਸੇ ਦਾ ਚਿਹਰਾ ਤਾਂ ਨਹੀਂ ਦਿੱਸਦਾ, ਪਰ ਇਸ ਵਿੱਚ ਹਥਕੜੀ ਲੱਗੇ ਹੋਏ ਦੋ ਹੱਥ ਤੇ ਕ੍ਰਿਕਟ ਦਾ ਖਾਲੀ ਮੈਦਾਨ ਜ਼ਰੂਰ ਦਿੱਸਦਾ ਹੈ। ਫਿਲਮ ਦਾ ਨਿਰਦੇਸ਼ਨ ਜੇ ਪੀ ਆਰ ਅਤੇ ਸ਼ਾਮ ਸੂਰਿਆ ਨੇ ਕੀਤਾ ਹੈ। ਇਹ ਹਿੰਦੀ ਦੇ ਨਾਲ ਹੀ ਤਮਿਲ ਵਿੱਚ ਵੀ ਰਿਲੀਜ਼ ਹੋਵੇਗੀ।