Welcome to Canadian Punjabi Post
Follow us on

24

March 2019
ਕੈਨੇਡਾ

ਡੀਪੋਰਟ ਹੋ ਸਕਦੇ ਹਨ ਮੈਰੀਊਆਨਾ ਪੀਣ ਵਾਲੇ ਪਰਮਾਨੈਂਟ ਰੈਜ਼ੀਡੈਂਟ

October 26, 2018 08:54 AM

ਓਟਵਾ ਪੋਸਟ ਬਿਉਰੋ: ਕੈਨੇਡਾ ਵਿੱਚ ਪਰਮਾਨੈਂਟ ਵਾਸੀਆਂ ਨੂੰ ਫੈਡਰਲ ਸਰਕਾਰ ਚੇਤਾਵਨੀ ਦੇ ਰਹੀ ਹੈ ਕਿ ਜੇ ਤੁਸੀਂ ਮੈਰੀਉਆਨਾ ਭਾਵ ਭੰਗ ਦੇ ਨਸ਼ੇ ਕਾਰਣ ਚਾਰਜ ਹੋ ਗਏ ਤਾਂ ਤੁਹਾਨੰ ਕੈਨੇਡਾ ਤੋਂ ਡੀਪੋਰਟ ਹੋਣ ਪੈ ਸਕਦਾ ਹੈ। ਪਰਵਾਸੀਆਂ ਦੇ ਹਿੱਤਾਂ ਲਈ ਵੱਡੇ ਦਾਅਵੇ ਕਰਨ ਵਾਲੀ ਲਿਬਰਲ ਸਰਕਾਰ ਨੇ ਇਸ ਨੇਮ ਨੂੰ ਸ਼ਾਇਦ ਇਸ ਲਈ ਲੁਕਵੇਂ ਢੰਗ ਨਾਲ ਚੁੱਪ ਚੁਪੀਤੇ ਬੀਤੇ ਦਿਨੀਂ ਆਪਣੀ ਵੈੱਬਸਾਈਟ ਉੱਤੇ ਪਾ ਦਿੱਤਾ ਤਾਂ ਜੋ ਕਿਧਰੇ ਚਰਚਾ ਦਾ ਵਿਸ਼ਾ ਬਣ ਜਾਵੇ।

 ਚੇਤੇ ਰਹੇ ਕਿ ਜੀ 7 ਮੁਲਕਾਂ ਵਿੱਚ ਕੈਨੇਡਾ ਪਹਿਲਾ ਮੁਲਕ ਹੈ ਜਿਸਨੇ ਭੰਗ ਨੂੰ ਮਨ ਪਰਚਾਵੇ ਵਾਸਤੇ ਗੈਰ ਕਨੂੰਨੀ ਬਣਾਇਆ ਹੈ। ਕੈਨਬਿਸ ਐਕਟ ਭਾਵ ਮੈਰੀਉਆਨਾ ਬਾਰੇ ਬਣਿਆ ਕਨੂੰਨ ਇਹ ਸੰਭਵ ਕਰਦਾ ਹੈ ਕਿ ਗੈਰਕਨੂੰਨੀ ਢੰਗ ਨਾਲ ਭੰਗ ਦੇ ਉਤਪਾਦਨ, ਇਸਨੂੰ ਹੋਰਾਂ ਵਿੱਚ ਵੰਡਣ ਜਾਂ ਕੈਨੇਡਾ ਤੋਂ ਬਾਹਰ ਲਿਜਾਣ ਦੇ ਚਾਰਜ ਲੱਗਣ ਦੀ ਸੂਰਤ ਵਿੱਚ ਤੁਹਾਨੂੰ 14 ਸਾਲ ਕੈਦ ਦੀ ਸਜ਼ਾ ਹੋ ਸਕਦੀ ਹੈ। ਐਨੀ ਹੀ ਸਜ਼ਾ 18 ਸਾਲ ਤੋਂ ਘੱਟ ਦੇ ਬੱਚਿਆਂ ਨੂੰ ਭੰਗ ਵੇਚਣ ਜਾਂ ਭੰਗ ਨਾਲ ਸਬੰਧਿਤ ਕੋਈ ਕਨੂੰਨ ਤੋੜਨ ਲਈ ਕਿਸੇ ਬੱਚੇ ਨੂੰ ਉਤਸ਼ਾਹਿਤ ਕਰਨ ਜਾਂ ਵਰਤਣ ਵਾਲੇ ਨੂੰ ਹੋ ਸਕਦੀ ਹੈ।

 

ਦੂਜੇ ਪਾਸੇ 18 ਦਸੰਬਰ 2018 ਤੋਂ ਨਸ਼ਾ ਕਰਕੇ ਵਾਹਨ ਚਲਾਉਣ ਲਈ ਕੀਤੀਆਂ ਜਾ ਸੱਕਣ ਵਾਲੀਆਂ ਕਈ ਸਜ਼ਾਵਾਂ ਵਿੱਚ ਵੀ ਕੈਦ ਦੀ ਮਿਆਦ 5 ਸਾਲ ਤੋਂ ਵੱਧ ਕੇ 10 ਸਾਲ ਹੋ ਜਾਵੇਗੀ।

 ਇਹਨਾਂ ਸਾਰੀਆਂ ਗੱਲਾਂ ਦਾ ਪਰਮਾਨੈਂਟ ਰੈਜ਼ੀਡੈਂਟਾਂ ਅਤੇ ਟੈਂਪਰੇਰੀ ਫੋਰਨ ਵਰਕਰਾਂ ਅਤੇ ਇੰਟਰਨੈਸ਼ਨਲ ਵਿੱਦਿਆਰਥੀਆਂ ਉੱਤੇ ਗੰਭੀਰ ਪ੍ਰਭਾਵ ਪੈ ਸਕਦਾ ਹੈ।

 ਕੈਨੇਡਾ ਦੇ ਇੰਮੀਗਰੇਸ਼ਨ ਕਨੂੰਨ ਮੁਤਾਬਕ ਜੇ ਕਿਸੇ ਨੂੰ ਦਸ ਸਾਲ ਦੀ ਜੇਲ ਦੀ ਸਜ਼ਾ ਸੁਣਾਈ ਜਾ ਚੁੱਕੀ ਹੋਵੇ ਜਾਂ ਉਸਨੇ ਅਸਲ ਵਿੱਚ 6 ਮਹੀਨੇ ਤੋਂ ਵੱਧ ਕੈਦ ਕੱਟੀ ਹੋਵੇ ਤਾਂ ਅਜਿਹੇ ਪਰਮਾਨੈਂਟ ਰੈਜ਼ੀਡੈਂਟਾਂ, ਵਿਦੇਸ਼ੀ ਨਾਗਰਿਕਾਂ ਅਤੇ ਟੈਂਪਰੇਰੀ ਵਰਕਰਾਂ ਦਾ ਕੈਨੇਡਾ ਵਿੱਚ ਦਾਖਲਾ ਰੋਕ ਦਿੱਤਾ ਜਾ ਸਕਦਾ ਹੈ। ਰਿਫਿਊਜੀ ਕਲੇਮ ਕਰਨ ਵਾਲਿਆਂ ਦਾ ਕਲੇਮ ਵੀ ਰੱਦ ਹੋ ਸਕਦਾ ਹੈ।

ਵਰਨਣਯੋਗ ਹੈ ਕਿ ਜਦੋਂ ਮੈਰੀਉਆਨਾ ਨੂੰ ਲੀਗਲ ਕਰਨ ਵਾਸਤੇ ਬਿੱਲ ਸੀਨੇਟ ਵਿੱਚ ਪੁੱਜਿਆ ਸੀ ਤਾਂ ਸੀਨੇਟ ਨੇ ਇਹਨਾਂ ਕਾਰਨਾਂ ਕਰਕੇ ਹੀ ਬਿੱਲ ਵਾਪਸ ਹਾਊਸ ਆਫ ਕਾਮਨਜ਼ ਵਿੱਚ ਭੇਜ ਦਿੱਤਾ ਸੀ। ਉਸ ਵੇਲੇ ਬਿੱਲ ਨੂੰ ਤੁਰੰਤ ਪਾਸ ਕਰਨ ਲਈ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਨਿੱਜੀ ਦਿਲਚਸਪੀ ਲੈ ਕੇ ਸਾਰੇ ਲਿਬਰਲ ਸੀਨੇਟਰਾਂ ਨੂੰ ਇਸ ਬਿੱਲ ਦਾ ਪਾਸ ਹੋਣਾ ਯਕੀਨੀ ਕਰਨ ਲਈ ਤਾਕੀਦ ਕੀਤੀ ਸੀ।

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਲਿਬਰਲਾਂ ਦੀ ਹਾਈਡਰੋ ਦਰਾਂ ਵਿੱਚ ਕਟੌਤੀਆਂ ਦੀ ਯੋਜਨਾ ਨੂੰ ਬਦਲੇਗੀ ਫੋਰਡ ਸਰਕਾਰ
ਆਪਣਾ ਆਧਾਰ ਗੁਆ ਚੁੱਕੇ ਹਨ ਲਿਬਰਲ, ਕੰਜ਼ਰਵੇਟਿਵਾਂ ਦੀ ਸਥਿਤੀ ਮਜ਼ਬੂਤ : ਸਰਵੇਖਣ
ਅਜੇ ਵੀ ਜਾਰੀ ਹੈ ਮੈਰਾਥਨ ਵੋਟਿੰਗ
ਐਸਐਨਸੀ-ਲਾਵਾਲਿਨ ਮਾਮਲੇ ਵਿੱਚ ਜਵਾਬ ਹਾਸਲ ਕਰਨ ਲਈ ਟੋਰੀਜ਼ ਨੇ ਲਾਂਚ ਕੀਤੀ ਮੈਰਾਥਨ ਵੋਟਿੰਗ
ਹੁਣ ਸੇਲੀਨਾ ਸੀਜ਼ਰ ਚੇਵਾਨ ਨੇ ਛੱਡਿਆ ਟਰੂਡੋ ਦਾ ਸਾਥ
ਟੈਵਰਨਰ ਦੀ ਨਿਯੁਕਤੀ ਦੇ ਮਾਮਲੇ ਵਿੱਚ ਇੰਟੇਗ੍ਰਿਟੀ ਕਮਿਸ਼ਨਰ ਨੇ ਫੋਰਡ ਨੂੰ ਦਿੱਤੀ ਕਲੀਨ ਚਿੱਟ
ਕੈਨੇਡਾ ਛੱਡਣ ਵਾਲਿਆਂ ਦਾ ਟਰੈਕ ਰਿਕਾਰਡ ਰੱਖਣ ਲਈ ਡਾਟਾ ਇੱਕਠਾ ਕਰੇਗੀ ਫੈਡਰਲ ਸਰਕਾਰ
ਇਮਾਰਤ ਵਿੱਚ ਅੱਗ ਲੱਗਣ ਮਗਰੋਂ ਤਿੰਨ ਵਿਅਕਤੀਆਂ ਨੂੰ ਹਸਪਤਾਲ ਵਿੱਚ ਕਰਵਾਇਆ ਗਿਆ ਦਾਖਲ
ਬੱਜਟ 2019: ਚੋਣਾਂ ਦੇ ਵਰ੍ਹੇ ਵਿੱਚ ਮਨ ਲੁਭਾਵਣੀਆਂ ਉਮੀਦਾਂ
ਅਸੈਂਬਲੀ ਪਲਾਂਟ ਦੇ ਭਵਿੱਖ ਬਾਰੇ ਜੀਐਮ ਨਾਲ ਚੱਲ ਰਹੀ ਹੈ ਸਕਾਰਾਤਮਕ ਗੱਲਬਾਤ : ਯੂਨੀਫੌਰ