ਸਮੱਗਰੀ- ਦੋ ਕੱਪ ਖਜੂਰ, ਇੱਕ ਕਟੋਰੀ ਕੱਦੂਕਸ ਕੀਤਾ ਹੋਇਆ ਗਿੱਲਾ ਨਾਰੀਅਲ, ਇੱਕ ਕੱਪ ਮੇਵੇ, ਅੱਧਾ ਕੱਪ ਖੰਡ, ਅੱਧਾ ਕੱਪ ਘਿਓ।
ਵਿਧੀ- ਹਲਵਾ ਬਣਾਉਣ ਲਈ ਸਭ ਤੋਂ ਪਹਿਲਾਂ ਖਜੂਰਾਂ ਨੂੰ ਧੋ ਲਓ। ਫਿਰ ਖਜੂਰ ਦੇ ਬੀਜਾਂ ਨੂੰ ਕੱਢ ਕੇ ਉਸ ਦਾ ਪੇਸਟ ਬਣਾ ਲਓ। ਹੁਣ ਇੱਕ ਕੜਾਹੀ ਵਿੱਚ ਘਿਓ ਗਰਮ ਕਰ ਕੇ ਪੇਸਟ ਨੂੰ ਦੋ-ਤਿੰਨ ਮਿੰਟ ਲਈ ਹੌਲੀ ਸੇਕ 'ਤੇ ਭੁੰਨੋ। ਇਸ ਵਿੱਚ ਗਰਮ ਮੇਵੇ, ਨਾਰੀਅਲ ਅਤੇ ਖੰਡ ਪਾਓ। ਜਦੋਂ ਮਿਸ਼ਰਣ ਸੁੱਕਣ ਲੱਗੇ ਤਾਂ ਇਸ ਨੂੰ ਕੁਝ ਸਮੇਂ ਲਈ ਹਿਲਾਓ। ਹੁਣ ਗੈਸ ਬੰਦ ਕਰ ਦਿਓ। ਇਸ ਤੋਂ ਬਾਅਦ ਖਜੂਰ ਦੇ ਹਲਵੇ ਨੂੰ ਆਪ ਖਾਓ ਅਤੇ ਪਰਵਾਰ ਦੇ ਜੀਆਂ ਨੂੰ ਅੱਗੇ ਵੀ ਪਰੋਸੋ।