ਕਾਂਠਮਾਂਡੂ, 21 ਜਨਵਰੀ (ਪੋਸਟ ਬਿਊਰੋ):ਨੇਪਤਾਲ `ਚ ਇਕ ਬਹੁਤ ਹੀ ਦੁੱਖਦਾਈ ਘਟਨਾ ਹੋ ਗਈ ਹੈ। ਜਾਣਕਾਰੀ ਅਨੁਸਾਰ ਮੰਗਲਵਾਰ ਨੂੰ ਨੇਪਾਲ ਦੇ ਇਕ ਰਿਜੋਰਟ ਦੇ ਕਮਰੇ ਵਿੱਚ ਗੈਸ ਲੀਕ ਹੋਣ ਕਾਰਨ ਚਾਰ ਬੱਚਿਆਂ ਸਮੇਤ ਅੱਠ ਭਾਰਤੀਆਂ ਦੀ ਮੌਤ ਹੋ ਗਈ।ਇਸ ਮੌਕੇ ਕੇਰਲ ਦੇ ਮੁੱਖ ਮੰਤਰੀ ਪਿਨਰਾਈ ਵਿਜਯਨ ਨੇ ਵਿਦੇਸ਼ ਮੰਤਰੀ ਐਸ.ਸੀ. ਜੈਸ਼ੰਕਰ ਨੂੰ ਇੱਕ ਪੱਤਰ ਵਿੱਚ ਨੇਪਾਲ ਦੇ ਇੱਕ ਰਿਜੋਰਟ ਵਿੱਚ ਮਾਰੇ ਗਏ ਕੇਰਲਾ ਤੋਂ ਆਏ ਅੱਠ ਸੈਲਾਨੀਆਂ ਦੇ ਦੋਸਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਹਰ ਸੰਭਵ ਮੱਦਦ ਦੀ ਬੇਨਤੀ ਕੀਤੀ ਗਈ।

ਪੁਲਿਸ ਸੁਪਰਡੈਂਟ ਸੁਸ਼ੀਲ ਸਿੰਘ ਰਾਠੌਰ ਨੇ ਦੱਸਿਆ ਕਿ ਸਾਨੂੰ ਸੂਚਨਾ ਮਿਲੀ ਸੀ ਕਿ ਰਿਜੋਰਟ ਰੂਮ ਵਿਚ ਅੱਠ ਵਿਅਕਤੀ ਬੇਹੋਸ਼ ਹੋ ਗਏ ਸਨ। ਇਨ੍ਹਾਂ ਲੋਕਾਂ ਨੂੰ ਤੁਰੰਤ ਐਚਏਐਮਐਸ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਡਾਕਟਰਾਂ ਨੇ ਸਾਰਿਆਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਜਾਣਕਾਰੀ ਅਨੁਸਾਰ ਮ੍ਰਿਤਕਾਂ ਦੀ ਪਛਾਣ ਪ੍ਰਬੀਨ ਕੁਮਾਰ ਨਾਇਰ (39 ਸਾਲ), ਸ਼ਰਨਿਆ (34 ਸਾਲ), ਰਣਜੀਤ ਕੁਮਾਰ ਟੀਬੀ (39 ਸਾਲ), ਇੰਦੂ ਰਣਜੀਤ (34 ਸਾਲ), ਸ੍ਰੀ ਭਦਰਾ (9 ਸਾਲ), ਅਬਿਨਾਬ ਸੋਰਿਆ (9 ਸਾਲ), ਅਬੀ ਨਾਇਰ (7 ਸਾਲ) ਅਤੇ ਬੈਸ਼ਨਬ ਰਣਜੀਤ (2 ਸਾਲ) ਵਜੋਂ ਹੋਈ ਹੈ।