ਇਰਫਾਨ ਖਾਨ ਨੇ ਬੀਤੇ ਦਿਨ 53ਵਾਂ ਜਨਮ ਦਿਨ ਮਨਾਇਆ। ਉਨ੍ਹਾਂ ਦੇ ਜਨਮ ਦਿਨ ਉਤੇ ਫਿਲਮ ‘ਅੰਗਰੇਜ਼ੀ ਮੀਡੀਅਮ’ ਦੇ ਨਿਰਮਾਤਾ ਦਿਨੇਸ਼ ਵਿਜਨ ਦੀ ਪ੍ਰੋਡਕਸ਼ਨ ਕੰਪਨੀ ਮੇਡਾਕ ਫਿਲਮਜ਼ ਨੇ ਉਨ੍ਹਾਂ ਦੇ ਫੈਂਸ ਨੂੰ ਤੋਹਫਾ ਦੇਣ ਦੇ ਲਈ ਫਿਲਮ ‘ਅੰਗਰੇਜ਼ੀ ਮੀਡੀਅਮ' ਦਾ ਲੁਕ ਰਿਲੀਜ਼ ਕੀਤਾ। ਤਸਵੀਰ ਵਿੱਚ ਇਰਫਾਨ ਦੇ ਚਿਹਰੇ 'ਤੇ ਵੱਡੀ ਮੁਸਕਾਨ ਹੈ। ਉਨ੍ਹਾਂ ਨੇ ਸ਼ਰਟ 'ਤੇ ਸਵੈਟਰ ਅਤੇ ਉਪਰੋਂ ਹਾਫ ਜੈਕੇਟ ਪਹਿਨੀ ਹੋਈ ਹੈ। ਇਹ ਫਿਲਮ 2017 ਵਿੱਚ ਰਿਲੀਜ਼ ਹੋਈ ਫਿਲਮ ‘ਹਿੰਦੀ ਮੀਡੀਅਮ’ ਦੀ ਸੀਕਵਲ ਹੋਵੇਗੀ। ਇਸ ਤਸਵੀਰ ਨਾਲ ਉਨ੍ਹਾਂ ਲਿਖਿਆ, ‘‘ਸਾਡੇ ਬਿਹਤਰੀਨ ਕਲਾਕਾਰਾਂ ਵਿੱਚੋਂ ਇਅਕ ਇਰਫਾਨ ਨੂੰ ਜਨਮ ਦਿਨ ਦੀਆਂ ਸ਼ੁਭ ਕਾਮਨਾਵਾਂ ਟ੍ਰੀਟ ਦੇ ਤੌਰ 'ਤੇ ਅਸੀਂ ਤੁਹਾਡੇ ਸਭਨਾਂ ਲਈ ‘ਅੰਗਰੇਜ਼ੀ ਮੀਡੀਅਮ' ਨੂੰ ਮਾਰਚ ਵਿੱਚ ਲੈ ਕੇ ਆ ਰਹੇ ਹਾਂ।”
ਫਿਲਮ ਦਾ ਨਿਰਦੇਸ਼ਨ ਹੋਮੀ ਅਦਜਾਨੀਆ ਨੇ ਕੀਤਾ ਹੈ। ਇਸ ਫਿਲਮ ਵਿੱਚ ਇਰਪਾਨ ਨਾਲ ਪਹਿਲੀ ਵਾਰ ਕਰੀਨਾ ਕਪੂਰ ਖਾਨ ਸਕਰੀਨ ਸਾਂਝੀ ਕਰੇਗੀ। ਫਿਲਮ ਵਿੱਚ ਰਾਧਿਕਾ ਮਦਾਨ ਵੀ ਅਹਿਮ ਭੂਮਿਕਾ ਵਿੱਚ ਹੈ। ਅਭਿਨੇਤਰੀ ਬਿਪਾਸ਼ਾ ਬਸੁ ਵੀ ਇਰਫਾਨ ਖਾਨ ਨਾਲ ਆਪਣਾ ਜਨਮ ਦਿਨ ਸਾਂਝੀ ਕਰਦੀ ਹੈ। ਸੱਤ ਜਨਵਰੀ ਨੂੰ ਬਿਪਾਸ਼ਾ ਨੇ ਆਪਣਾ 41ਵਾਂ ਜਨਮ ਦਿਨ ਮਨਾਇਆ। ਉਸ ਦੇ ਪਤੀ ਕਰਣ ਸਿੰਘ ਗਰੋਵਰ ਨੇ ਉਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕਰਦੇ ਹੋਏ ਲਿਖਿਆ ਹੈ, ‘ਤੁੂੰ ਸਾਡੇ ਸਾਰਿਆਂ ਦੇ ਲਈ ਭਗਵਾਨ ਵੱਲੋਂ ਇੱਕ ਤੋਹਫਾ ਹੋ।'