ਟੋਰਾਂਟੋ, 16 ਜਨਵਰੀ (ਪੋਸਟ ਬਿਊਰੋ) : ਸੋਮਵਾਰ ਤੋਂ ਇੱਕ ਰੋਜ਼ਾ ਹੜਤਾਲ ਵਿੱਚ ਸ਼ਾਮਲ ਹੋਣ ਜਾ ਰਹੀ ਇੱਕ ਹੋਰ ਟੀਚਰ ਯੂਨੀਅਨ ਦੇ ਇਸ ਫੈਸਲੇ ਨੂੰ ਧਿਆਨ ਵਿੱਚ ਰੱਖਦਿਆਂ ਹੋਇਆਂ ਓਨਟਾਰੀਓ ਸਰਕਾਰ ਨੇ 60 ਡਾਲਰ ਪ੍ਰਤੀ ਦਿਨ ਦੇ ਹਿਸਾਬ ਨਾਲ ਸਬਸਿਡੀ ਦਾ ਐਲਾਨ ਕੀਤਾ ਹੈ। ਇਸ ਹੜਤਾਲ ਨਾਲ ਟੋਰਾਂਟੋ, ਯੌਰਕ ਰੀਜਨ ਤੇ ਓਟਵਾ ਵਿਚ ਐਲੀਮੈਂਟਰੀ ਸਕੂਲਾਂ ਉੱਤੇ ਪਵੇਗਾ।
ਐਲੀਮੈਂਟਰੀ ਟੀਚਰਜ਼ ਫੈਡਰੇਸ਼ਨ ਆਫ ਓਨਟਾਰੀਓ (ਈਟੀਐਫਓ) ਨੇ ਬੁੱਧਵਾਰ ਨੂੰ ਆਖਿਆ ਕਿ ਉਹ ਹੜਤਾਲ ਦੇ ਸਬੰਧ ਵਿੱਚ ਪੰਜ ਦਿਨ ਦਾ ਨੋਟਿਸ ਦੇ ਚੁੱਕੇ ਹਨ। ਇਹ ਹੜਤਾਲ 20 ਜਨਵਰੀ ਤੋਂ ਵੀ ਅਗਾਂਹ ਤੱਕ ਚੱਲੇਗੀ। ਇਹ ਸਿਲਸਿਲਾ ਉਸ ਸਮੇਂ ਤੱਕ ਜਾਰੀ ਰਹੇਗਾ ਜਦੋਂ ਤੱਕ ਸ਼ੱੁਕਰਵਾਰ ਤੱਕ ਪ੍ਰੋਵਿੰਸ਼ੀਅਲ ਸਰਕਾਰ ਕਿਸੇ ਡੀਲ ਉੱਤੇ ਨਹੀਂ ਪਹੁੰਚ ਜਾਂਦੀ। ਇੱਕ ਘੰਟੇ ਬਾਅਦ ਹੀ ਓਨਟਾਰੀਓ ਦੇ ਸਿੱਖਿਆ ਮੰਤਰੀ ਸਟੀਫਨ ਲਿਚੇ ਨੇ ਐਲਾਨ ਕੀਤਾ ਕਿ ਓਨਟਾਰੀਓ ਸਰਕਾਰ ਚਾਹੁੰਦੀ ਹੈ ਕਿ ਇਨ੍ਹਾਂ ਹੜਤਾਲਾਂ ਕਾਰਨ ਜਿਹੜੇ ਬਚੇ ਤੇ ਮਾਪੇ ਪ੍ਰਭਾਵਿਤ ਹੋ ਰਹੇ ਹਨ ਉਨ੍ਹਾਂ ਨੂੰ ਥੋੜ੍ਹੀ ਸਬਸਿਡੀ ਦਿੱਤੀ ਜਾਵੇ। ਸਰਕਾਰ ਨਾਲ ਕਈ ਵਾਰੀ ਗਲਬਾਤ ਅਸਫਲ ਰਹਿਣ ਤੋਂ ਬਾਅਦ ਕਈ ਟੀਚਰਜ਼ ਨੇ ਹੜਤਾਲ ਦਾ ਰਾਹ ਚੁਣਿਆ ਹੈ।
ਜਿਨ੍ਹਾਂ ਪਰਿਵਾਰਾਂ ਵਿੱਚ ਛੇ ਸਾਲ ਜਾਂ ਇਸ ਤੋਂ ਨਿਕੀ ਉਮਰ ਦੇ ਬੱਚੇ ਹਨ ਤੇ ਜਿਹੜੇ ਸਕੂਲ ਆਧਾਰਿਤ ਚਾਈਲਡ ਕੇਅਰ ਸੈਂਟਰ ਅਟੈਂਡ ਕਰਦੇ ਹਨ, ਉਨ੍ਹਾਂ ਨੂੰ60 ਡਾਲਰ ਰੋਜ਼ਾਨਾ ਦੇਣ ਦਾ ਫੈਸਲਾ ਕੀਤਾ ਗਿਆ ਹੈ। ਕਿੰਡਰਗਾਰਟਨ ਵਾਲੇ ਵਿਦਿਆਰਥੀਆਂ ਨੂੰ 40 ਡਾਲਰ ਮਿਲਣਗੇ, ਪਹਿਲੀ ਗ੍ਰੇਡ ਤੋਂ 7ਵੀਂ ਗ੍ਰੇਡ ਤਕ ਦੇ ਵਿਦਿਆਰਥੀਆ ਨੂੰ 25 ਡਾਲਰ ਰੋਜ਼ਾਨਾ, ਤੇ ਵਿਸੇ਼ਸ਼ ਲੋੜਾਂ ਵਾਲੇ ਵਿਦਿਆਰਥੀਆਂ ਨੂੰ 21 ਸਾਲ ਦੀ ਉਮਰ ਤੱਕ 40 ਡਾਲਰ ਰੋਜ਼ਾਨਾਂ ਦਿੱਤੇ ਜਾਇਆ ਕਰਨਗੇ।