ਫਿਲਮ ‘ਹੈਪੀ ਭਾਗ ਜਾਏਗੀ 2’ ਵਿੱਚ ਦਿਸਣ ਮਗਰੋਨ ਅਭਿਨੇਤਾ ਜੱਸੀ ਗਿੱਲ ਕੰਗਨਾ ਰਣੌਤ ਦੀ ਫਿਲਮ ‘ਪੰਗਾ’ ਵਿੱਚ ਦਿਖਾਈ ਦੇਣਗੇ। ਇਸ ਫਿਲਮ ਵਿੱਚ ਉਹ ਕੰਗਨਾ ਰਣੌਤ ਦੇ ਕਿਰਦਾਰ ਦੇ ਪਤੀ ਵਜੋਂ ਦਿਖਾਈ ਦੇਣਗੇ। ਉਹ ਇੱਕ ਅਜਿਹੇ ਪਤੀ ਦੀ ਭੂਮਿਕਾ ਵਿੱਚ ਹਨ, ਜੋ ਆਪਣੀ ਪਤਨੀ ਦੇ ਕਬੱਡੀ ਖੇਡਣ ਦੇ ਫੈਸਲੇ ਨੂੰ ਸਪੋਰਟ ਕਰਦਾ ਅਤੇ ਉਸ ਨੂੰ ਉਤਸ਼ਾਹਤ ਕਰਦਾ ਹੈ। ਜੱਸੀ ਨੂੰ ਆਸ ਹੈ ਕਿ ਉਸ ਦਾ ਇਹ ਕਿਰਦਾਰ ਸਮਾਜ ਵਿੱਚ ਪੁਰਸ਼ਾਂ ਲਈ ਇੱਕ ਉਦਾਹਰਣ ਪੇਸ਼ ਕਰਨ ਵਿੱਚ ਸਫਲ ਹੋ ਜਾਏਗਾ। ਜੱਸੀ ਗਿੱਲ ਦੱਸਦੇ ਹਨ, ‘‘ਮੈਂ ਕਈ ਔਰਤਾਂ ਨੂੰ ਦੇਖਿਆ ਹੈ, ਜਿਨ੍ਹਾਂ ਨੂੰ ਘਰ ਦੀ ਖਾਤਰ ਆਪਣਾ ਸੁਫਨਾ ਤਿਆਗਣਾ ਪੈਂਦਾ ਹੈ। ਮੇਰਾ ਕਿਰਦਾਰ ਪ੍ਰੇਰਨਾ ਦੇਣ ਵਾਲਾ ਹੈ ਤੇ ਫਿਲਮ ਵਿੱਚ ਆਪਣੀ ਪਤਨੀ ਦਾ ਸੁਫਨਾ ਪੂਰਾ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਲਈ ਮੈਨੂੰ ਪੂਰੀ ਆਸ ਹੈ ਕਿ ਲੋਕ ਮੇਰੇ ਕਿਰਦਾਰ ਨੂੰ ਪਸੰਦ ਕਰਨਗੇ।”