ਸਾਲ 2003 ਵਿੱਚ ਆਪਣੀ ਡੈਬਿਊ ਫਿਲਮ ‘ਹਜ਼ਾਰੋਂ ਖਵਾਹਿਸ਼ੇਂ ਐਸੀ’ ਵਿੱਚ ਆਪਣੀ ਦਮਦਾਰ ਐਕਟਿੰਗ ਅਤੇ ਖੂਬਸੂਰਤੀ ਨਾਲ ਸਾਰਿਆਂ ਦਾ ਦਿਲ ਜਿੱਤਣ ਵਾਲੀ ਚਿਤਰਾਂਗਦਾ ਸਿੰਘ ਨੇ ਆਪਣੇ ਅੱਜ ਤੱਕ ਦੇ ਕਰੀਅਰ ਵਿੱਚ ਕਈ ਚੰਗੀਆਂ ਫਿਲਮਾਂ ਕੀਤੀਆਂ ਹਨ। ਇਨ੍ਹੀਂ ਦਿਨੀਂ ਉਹ ਐਕਟਿੰਗ ਤੋਂ ਸਮਾਂ ਕੱਢ ਕੇ ਫਿਲਮ ਨਿਰਮਾਣ ਵਿੱਚ ਸਰਗਰਮ ਹੈ। ਬਤੌਰ ਪ੍ਰੋਡਿਊਸਰ ਸਾਲ 2018 ਵਿੱਚ ਉਸ ਨੇ ਫਿਲਮ ਸੂਰਮਾ ਨਾਲ ਡੈਬਿਊ ਕੀਤਾ ਸੀ, ਜਿਹੜਾ ਭਾਰਤੀ ਹਾਕੀ ਖਿਡਾਰੀ ਸੰਦੀਪ ਸਿੰਘ ਦੇ ਜੀਵਨ 'ਤੇ ਬਣੀ ਬਾਇਓਪਿਕ ਸੀ। ਚਿਤਰਾਂਗਦਾ ਦੱਸਦੀ ਹੈ ਕਿ ਇਨ੍ਹੀਂ ਦਿਨੀਂ ਉਹ ਇੱਕ ਹੋਰ ਅਸਲ ਜੀਵਨ 'ਤੇ ਆਧਾਰਤ ਕਹਾਣੀ ਵਾਲੀ ਫਿਲਮ ਦੀ ਸਕ੍ਰਿਪਟ 'ਤੇ ਕੰਮ ਕਰ ਰਹੀ ਹੈ।
ਚਿਤਰਾਂਗਦਾ ਕੁਝ ਸਮੇਂ ਤੋਂ ਐਕਟਿੰਗ ਤੋਂ ਦੂਰ ਹੈ। ਪਿਛਲੀ ਵਾਰ ਸਾਲ 2018 ਵਿੱਚ ਉਹ ਫਿਲਮ ‘ਸਾਹਿਬ ਬੀਵੀ ਔਰ ਗੈਂਗਸਟਰ 3’ ਅਤੇ ‘ਬਾਜ਼ਾਰ’ ਵਿੱਚ ਨਜ਼ਰ ਆਈ ਸੀ। ਸਾਲ 2019 ਵਿੱਚ ਉਹ ਸੁਨਹਿਰੀ ਪਰਦੇ ਤੋਂ ਦੂਰ ਰਹੀ ਹੈ। ਇਨ੍ਹੀਂ ਦਿਨੀਂ ਡਿਜੀਟਲ ਪਲੇਟਫਾਰਮ 'ਤੇ ਵੀ ਐਕਟ੍ਰੈੱਸ ਦੇ ਫੀਲਡ ਵਿੱਚ ਕੰਮ ਕਰਨ ਲਈ ਬਹੁਤ ਕੁਝ ਮਿਲਦਾ ਹੈ, ਪਰ ਚਿਤਰਾਂਗਦਾ ਨੇ ਅਜੇ ਤੱਕ ਕਿਸੇ ਵੈੱਬ ਸੀਰੀਜ਼ ਵਿੱਚ ਕੰਮ ਨਹੀਂ ਕੀਤਾ। ਪੁੱਛਣ 'ਤੇ ਉਹ ਕਹਿੰਦੀ ਹੈ, ‘ਫਿਲਹਾਲ ਮੈਂ ਕਿਸੇ ਵੈੱਬ ਸੀਰੀਜ਼ ਵਿੱਚ ਕੰਮ ਨਹੀਂ ਕਰ ਰਹੀ। ਮੈਨੂੰ ਕੁਝ ਵੈੱਬ ਸੀਰੀਜ਼ 'ਚ ਕੰਮ ਕਰਨ ਦੇ ਆਫਰ ਮਿਲੇ ਹਨ, ਪਰ ਮੈਂ ਅਜੇ ਉਸ ਪ੍ਰਤੀ ਕੋਈ ਫੈਸਲਾ ਨਹੀਂ ਲੈ ਰਹੀ। ਇਸ ਦੇ ਲਈ ਦਮਦਾਰ ਕਹਾਣੀ ਅਤੇ ਖੁੱਲ੍ਹਾ ਸਮਾਂ ਹੋਣਾ ਜ਼ਰੂਰੀ ਹੈ। ਜੇ ਅਸਲ ਵਿੱਚ ਕੋਈ ਦਿਲਚਸਪ ਕਹਾਣੀ ਜਾਂ ਆਫਰ ਮੇਰੇ ਕੋਲ ਆਵੇ ਤਾਂ ਮੈਂ ਜ਼ਰੂਰ ਉਸ ਬਾਰੇ ਸੋਚ ਸਕਦੀ ਹਾਂ।’ ਚਿਤਰਾਂਗਦਾ ਮੁਤਾਬਕ ਉਸ ਨੂੰ ਮੁੰਬਈ ਅਤੇ ਦਿੱਲੀ ਵਿੱਚ ਅਕਸਰ ਸਫਰ ਕਰਨਾ ਪੈਂਦਾ ਹੈ। ਇਸ ਦੌਰਾਨ ਅਕਸਰ ਫੈਨਸ ਉਸ਼ ਦੇ ਨਾਲ ਸੈਲਫੀ ਲੈਣ ਲਈ ਬੇਨਤੀ ਕਰਦੇ ਹਨ ਅਤੇ ਫੈਨਸ ਤੁਹਾਨੂੰ ਥੋੜ੍ਹਾ ਜਿਹਾ ਅਨਕੰਫਰਟੇਬਲ ਵੀ ਮਹਿਸੂਸ ਕਰਵਾ ਦਿੰਦੇ ਹਨ, ਪਰ ਫਿਰ ਵੀ ਹਰ ਕਲਾਕਾਰ ਨੂੰ ਅਟੈਂਸ਼ਨ ਪਸੰਦ ਹੈ।