ਸਿਡਨੀ, 10 ਜਨਵਰੀ (ਪੋਸਟ ਬਿਊਰੋ)- ਆਸਟਰੇਲੀਆ ਦੀ ਇੰਸਟਾਗ੍ਰਾਮ ਮਾਡਲ ਟੈਮੀ ਹੇਮਬਰੋ ਦਾ ਕਹਿਣਾ ਹੈ ਕਿ ਇੱਕ ਸਪੋਰਟਸ ਟੀਮ ਦੇ ਸਾਰੇ ਮੈਂਬਰ ਉਸ ਨੂੰ ਸ਼ਰਾਰਤ ਭਰੇ ਮੈਸੇਜ ਭੇਜ ਰਹੇ ਹਨ।
ਟੈਮੀ ਨੇ ਆਪਣੇ ਪੋਡਕਾਸਟ 'ਤੇ ਭੈਣ ਐਮਿਲੀ ਅਤੇ ਐਮੀ ਨਾਲ ਗੱਲਬਾਤ ਦੌਰਾਨ ਕਿਹਾ: ਮੈਂ ਪ੍ਰਮਾਤਮਾ ਦੀ ਸਹੁੰ ਖਾਂਦੀ ਹਾਂ, ਇਸ ਦੁਨੀਆ ਦਾ ਹਰ ਖਿਡਾਰੀ ਮੇਰੇ ਡੀ ਐੱਮ (ਡਾਇਰੈਕਟ ਮੈਸੇਜ) ਵਿੱਚ ਅਸਫਲ ਹੈ। ਅਕਸਰ ਕੈਨੇਡਾ ਦੇ ਸਿੰਗਰ ਜਹਕੋਯ ਪਾਮਰ ਨਾਲ ਦੇਖੀ ਜਾਣ ਵਾਲੀ ਟੈਮੀ ਨੇ ਕਿਹਾ ਕਿ ਫੋਟੋ ਸ਼ੇਅਰਿੰਗ ਐਪ 'ਤੇ ਉਸ ਨੂੰ ਉਸ ਦਿਨ ਹੈਰਾਨੀ ਹੋਈ, ਜਦੋਂ ਇੱਕ ਟੀਮ ਦੇ ਸਾਰੇ ਮੈਂਬਰ ਉਸ ਨੂੰ ਸ਼ਰਾਰਤ ਭਰੇ ਮੈਸੇਜ ਭੇਜਣ ਲੱਗੇ। ਇਹ ਮੇਰੇ ਲਈ ਬੁਰਾ ਸੀ ਕਿਉਂਕਿ ਮੈਂ ਕਿਸੇ ਨੂੰ ਵੀ ਰਿਪਲਾਈ ਨਹੀਂ ਕੀਤਾ।
25 ਸਾਲ ਦੀ ਉਮਰ ਵਿੱਚ ਦੋ ਬੱਚਿਆਂ ਦੀ ਮਾਂ ਬਣ ਚੁੱਕੀ ਟੈਮੀ ਨੇ ਕਿਹਾ ਕਿ ਜੇ ਟੀਮ ਵਿੱਚ ਕੋਈ ਪਲੇਅਰ ਮੈਨੂੰ ਦੇਖਣ ਵਿੱਚ ਚੰਗਾ ਲੱਗੇ ਤਾਂ ਮੈਂ ਜ਼ਰੂਰ ਉਸ ਨਾਲ ਡੇਟ 'ਤੇ ਜਾਂਦੀ ਹਾਂ, ਪਰ ਅਜਿਹਾ ਹੋ ਨਹੀਂ ਸਕਿਆ। ਵਰਨਣ ਯੋਗ ਹੈ ਕਿ ਟੈਮੀ ਬੀਤੇ ਦਿਨੀਂ ਉਦੋਂ ਚਰਚਾ ਵਿੱਚ ਆਈ ਸੀ, ਜਦੋਂ ਦੂਜੀ ਬੇਟੀ ਸੇਸਕੀਆ ਨੂੰ ਜਨਮ ਦੇਣ ਪਿੱਛੋਂ ਉਸ ਨੇ ਤੇਜ਼ੀ ਨਾਲ ਭਾਰ ਘੱਟ ਕੀਤਾ ਸੀ। ਟੈਮੀ ਦੀ ਆਪਣੀ ਐਕਸਰਸਾਈਜ਼ ਐਪ ਹੈ, ਜਿਸ ਵਿੱਚ ਉਹ ਆਪਣੇ ਫੈਨਜ਼ ਨੂੰ ਫਿਟਨੈਸ ਦੇ ਟਿੱਪਸ ਦਿੰਦੀ ਹੈ। ਉਹ ਇਸ ਤੋਂ ਪਹਿਲਾਂ ਰੀਸ ਹਾਕਿੰਗਸ ਨਾਲ ਰਿਲੇਸ਼ਨ ਵਿੱਚ ਸੀ। ਦੋਵਾਂ ਦਾ ਰਿਲੇਸ਼ਨਸ਼ਿਪ ਜੂਨ 2018 ਵਿੱਚ ਟੁੱਟ ਗਿਆ ਸੀ। ਇਸ ਤੋਂ ਬਾਅਦ ਇੰਸਟਾਗ੍ਰਾਮ ਮਾਡਲ ਪਾਮਰ ਨਾਲ ਦੇਖੀ ਜਾਣ ਲੱਗੀ। ਬੀਤੇ ਦਿਨੀਂ ਟੈਮੀ ਸੁਪਰ ਮਾਡਲ ਕੈਲੀ ਜੇਨਰ ਦੀ 21ਵੀਂ ਬਰਥ ਡੇ ਪਾਰਟੀ ਦੌਰਾਨ ਵੱਧ ਸ਼ਰਾਬ ਪੀਣ ਅਤੇ ਡਿੱਗਣ ਕਾਰਨ ਸੁਰਖੀਆਂ ਵਿੱਚ ਆਈ ਸੀ। ਟੈਮੀ ਨੇ ਉਸ ਹਾਦਸੇ ਨੂੰ ਯਾਦ ਕਰਦਿਆਂ ਕਿਹਾ ਕਿ ਇਹ ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਖਰਾਬ ਦਿਨ ਸੀ।