ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੁਨੀਆਂ ਦੇ ਸਭ ਤੋਂ ਮਸ਼ਹੂਰ ਨੇਤਾਵਾਂ `ਚੋਂ ਇੱਕ ਹਨ। ਟਰੂਡੋ ਦੀ ਇੱਕ ਤਾਜ਼ਾ ਤਸਵੀਰ ਨੇ ਸੋਸ਼ਲ ਮੀਡੀਆ 'ਤੇ ਖੂਬ ਧੁੰਮਾਂ ਮਚਾਈਆਂ ਹੋਈਆਂ ਹਨ। ਟਰੂਡੋ ਦੀ ਇਸ ਨਵੀਂ ਤਸਵੀਰ `ਚ ਵਧੀ ਹੋਈ ਦਾੜ੍ਹੀ ਨਾਲ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ਦੀ ਲੋਕਾਂ `ਚ ਕਾਫੀ ਚਰਚਾ ਹੋ ਰਹੀ ਹੈ। ਇਸ ਤਸਵੀਰ `ਚ 48 ਸਾਲਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਡੂੰਘੀ ਸੋਚ `ਚ ਵੇਖਿਆ ਜਾ ਸਕਦਾ ਹੈ। ਇਸਨੂੰ ਸੋਮਵਾਰ ਨੂੰ ਕੈਨੇਡੀਅਨ ਪ੍ਰਧਾਨਮੰਤਰੀ ਦੇ ਅਧਿਕਾਰਤ ਫੋਟੋਗ੍ਰਾਫਰ ਐਡਮ ਸਕੌਟੀ ਨੇ ਇੰਸਟਾਗ੍ਰਾਮ `ਤੇ ਸਾਂਝਾ ਕੀਤਾ ਸੀ।