ਸੈਨ ਜੁਆਨ, ਪੋਰਤੋ ਰਿਕੋ, 7 ਜਨਵਰੀ (ਪੋਸਟ ਬਿਊਰੋ) : ਮੰਗਲਵਾਰ ਤੜ੍ਹਕੇ ਪੋਰਤੋ ਰਿਕੋ ਵਿੱਚ ਜ਼ਬਰਦਸਤ ਭੂਚਾਲ ਆਇਆ। ਰਿਕਟਰ ਪੈਮਾਨੇ ਉੱਤੇ ਭੂਚਾਲ ਦੀ ਗਤੀ 6.5 ਮਾਪੀ ਗਈ। ਇਸ ਖੇਤਰ ਵਿੱਚ ਪਿਛਲੇ ਕੁਝ ਦਿਨਾਂ ਤੋਂ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਜਾ ਰਹੇ ਹਨ ਜਿਨ੍ਹਾਂ ਕਾਰਨ ਇਲਾਕੇ ਵਿੱਚ ਕਾਫੀ ਨੁਕਸਾਨ ਵੀ ਹੋਇਆ ਹੈ।
ਪੋਰਤੋ ਰਿਕੋ ਤੇ ਯੂਐਸ ਵਰਜਿਨ ਆਈਲੈਂਡ ਵੱਲੋਂ ਸ਼ੁਰੂ ਵਿੱਚ ਸੁਨਾਮੀ ਦੀ ਚੇਤਾਵਨੀ ਵੀ ਦਿੱਤੀ ਗਈ ਪਰ ਬਾਅਦ ਵਿੱਚ ਇਸ ਨੂੰ ਰੱਦ ਕਰ ਦਿੱਤਾ ਗਿਆ। ਇਲੈਕਟ੍ਰਿਕ ਪੌਵਰ ਅਥਾਰਟੀ ਵੱਲੋਂ ਪੂਰੇ ਆਈਲੈਂਡ ਵਿੱਚ ਬਿਜਲੀ ਠੱਪ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ। ਯੂਐਸ ਜਿਓਲੌਜੀਕਲ ਸਰਵੇਅ ਦਾ ਕਹਿਣਾ ਹੈ ਕਿ ਭੂਚਾਲ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 4:24 ੳੱੁਤੇ ਆਈਲੈਂਡ ਦੇ ਦੱਖਣ ਵਿੱਚ ਆਇਆ ਤੇ ਇਸ ਦੀ ਗਹਿਰਾਈ ਦਸ ਕਿਲੋਮੀਟਰ ਹੇਠਾਂ ਸੀ। ਪਹਿਲਾਂ ਇਸ ਦੀ ਗਤੀ 6.6 ਮਾਪੀ ਜਾ ਰਹੀ ਸੀ ਪਰ ਬਾਅਦ ਵਿੱਚ ਇਸ ਨੂੰ 6.5 ਗਤੀ ਦਾ ਐਲਾਨਿਆ ਗਿਆ।
ਗੁਆਨਿਕਾ ਟਾਊਨ ਨਾਲ ਸਬੰਧਤ ਐਲਬਰਟ ਰੌਡਰਿਗਜ਼ ਨੇ ਦੱਸਿਆ ਕਿ ਐਲਟਰ ਰੱਦ ਹੋਣ ਤੋਂ ਪਹਿਲਾਂ ਹੀ ਸੁਨਾਮੀ ਸਾਇਰਨ ਬੰਦ ਹੋ ਗਏ। ਉਸ ਨੇ ਦੱਸਿਆ ਕਿ ਉਨਾਂ ਦੇ ਗੁਆਂਢ ਵਿੱਚ ਕਾਫੀ ਤਬਾਹੀ ਹੋਈ ਹੈ। ਉਸ ਨੇ ਦੱਸਿਆ ਕਿ ਉਸ ਦੇ ਗੁਆਂਢ ਵਿੱਚ ਕਾਫੀ ਨੁਕਸਾਨ ਹੋਇਆ ਹੈ। ਪੋਰਤੋ ਰਿਕੋ ਦੇ ਸੈਸਮਿਕ ਨੈਟਵਰਕ ਦੇ ਡਾਇਰੈਕਟਰ ਵਿਕਟਰ ਹੁਅਰਫਾਨੋ ਨੇ ਦੱਸਿਆ ਕਿ ਉਨ੍ਹਾਂ ਕੋਲ ਹਾਲ ਦੀ ਘੜੀ ਭੂਚਾਲ ਕਾਰਨ ਹੋਏ ਨੁਕਸਾਨ ਦੀਆਂ ਰਿਪੋਰਟਾਂ ਨਹੀਂ ਹਨ। ਉਨ੍ਹਾਂ ਆਖਿਆ ਕਿ ਦੱਖਣੀ ਤੱਟੀ ਇਲਾਕੇ ਪੌਂਸ ਦੇ ਅਧਿਕਾਰੀਆਂ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਉੱਥੇ ਕਾਫੀ ਨੁਕਸਾਨ ਹੋਇਆ ਹੈ।ਸੋਮਵਾਰ ਸਵੇਰੇ ਵੀ ਇੱਥੇ 5.8 ਦੀ ਗਤੀ ਦਾ ਭੂਚਾਲ ਆਇਆ ਸੀ ਤੇ ਉਸ ਕਰਕੇ ਪੰਜ ਘਰਾਂ ਤੇ ਗੁਆਨਿਕਾ ਦੇ ਤੱਟੀ ਇਲਾਕੇ ਨੂੰ ਵੀ ਕਾਫੀ ਨੁਸਕਸਾਨ ਹੋਇਆ।