ਪਿੱਛੇ ਜਿਹੇ ਰਿਲੀਜ਼ ਹੋਈ ਫਿਲਮ ‘ਪਾਣੀਪਤ’ ਵਿੱਚ ਆਪਣੀ ਐਕਟਿੰਗ ਲਈ ਇੱਕ ਵਾਰ ਫਿਰ ਪ੍ਰਸ਼ੰਸਾ ਖੱਟ ਰਹੀ ਕ੍ਰਿਤੀ ਸਨਨ ਖੁਦ ਨੂੰ ਮਿਲੇ ਦਰਸ਼ਕਾਂ ਦੇ ਪਿਆਰ ਦੀ ਬਹੁਤ ਧੰਨਵਾਦੀ ਹੈ। ਕ੍ਰਿਤੀ ਅਨੁਸਾਰ ਅੱਜ ਤੱਕ ਸਾਰੀਆਂ ਫਿਲਮਾਂ 'ਚ ਉਸ ਦੇ ਵੱਖ ਵੱਖ ਤਰ੍ਹਾਂ ਦੇ ਕਿਰਦਾਰ ਦਰਸ਼ਕਾਂ ਵੱਲੋਂ ਸਵੀਕਾਰ ਕੀਤੇ ਜਾਣ ਅਤੇ ਇੰਨਾ ਪਸੰਦ ਕੀਤੇ ਜਾਣ 'ਤੇ ਉਹ ਦਿਲੋਂ ਧੰਨਵਾਦੀ ਹੈ। ਆਪਣੀਆਂ ਫਿਲਮਾਂ ਦੀ ਸਫਲਤਾ ਦਾ ਸਿਹਰਾ ਉਹ ਆਪਣੇ ਪ੍ਰਤੀ ਦਰਸ਼ਕਾਂ ਦੇ ਪਿਆਰ ਨੂੰ ਦਿੰਦੀ ਹੈ।
ਅੱਜ ਤੱਕ ਮਿਲੀਆਂ ਇੰਨੀਆਂ ਸਫਲਤਾਵਾਂ ਲਈ ਉਹ ਖੁਦ ਨੂੰ ਬਹੁਤ ਕਿਸਮਤ ਵਾਲੀ ਸਮਝਦੀ ਹੈ, ਪਰ ਉਸ ਦਾ ਇਹ ਮੰਨਣਾ ਹੈ ਕਿ ਇਸ ਸਫਲਤਾ ਨਾਲ ਵੱਧ ਜ਼ਿੰਮੇਵਾਰੀ ਦੀ ਭਾਵਨਾ ਉਸ ਨੂੰ ਮਹਿਸੂਸ ਹੋਣ ਲੱਗੀ ਹੈ ਕਿਉਂਕਿ ਦਰਸ਼ਕਾਂ ਨੂੰ ਉਸ ਤੋਂ ਕਿਤੇੇ ਵੱਧ ਉਮੀਦਾਂ ਹਨ। ਉਸ ਅਨੁਸਾਰ ਇਨ੍ਹਾਂ 'ਤੇ ਖਰੇ ਉਤਰਨ ਦੀ ਉਹ ਪੂਰੀ ਕੋਸ਼ਿਸ਼ ਕਰੇਗੀ। ਇਹ ਸਾਲ ਕ੍ਰਿਤੀ ਲਈ ਕਾਫੀ ਜਿ਼ਆਦਾ ਬਿਜ਼ੀ ਬੀਤਿਆ ਹੈ। ਉਸ ਨੇ ਕਈ ਸਫਲ ਫਿਲਮਾਂ ਦਿੱਤੀਆਂ ਹਨ, ਜਿਸ ਵਿੱਚ ‘ਲੁਕਾ ਛਿਪੀ' ਅਤੇ ‘ਹਾਊਸਫੁੱਲ 4' ਸ਼ਾਮਲ ਹਨ।