ਕਹਾਣੀ ਚੰਗੀ ਹੋਵੇ ਜਾਂ ਵੱਖਰੀ, ਵਿਸ਼ਾ ਹੋਵੇ ਤਾਂ ਫਿਲਮ ਵਿੱਚ ਕੰਮ ਕਰਨ 'ਚ ਮਜ਼ਾ ਆਉਂਦਾ ਹੈ, ਪਰ ਅਭਿਨੇਤਰੀ ਯਾਮੀ ਗੌਤਮ ਦਾ ਕਹਿਣਾ ਹੈ ਕਿ ਇੱਕ ਕਲਾਕਾਰ ਲਈ ਹਮੇਸ਼ਾ ਮੁੱਦੇ 'ਤੇ ਆਧਾਰਤ ਫਿਲਮਾਂ ਕਰਨਾ ਜ਼ਰੂਰੀ ਜਾਂ ਸੰਭਵ ਨਹੀਂ ਹੈ। ਯਾਮੀ ਤੋਂ ਇਹ ਪੁੱਛੇ ਜਾਣ ਉਤੇ ਕਿ ਬਾਲੀਵੁੱਡ 'ਚ ਮੁੱਦੇ ਆਧਾਰਤ ਫਿਲਮਾਂ ਦਾ ਦੌਰ ਹੈ, ਪਰ ਉਹ ਮਲਟੀ ਸਟਰਾਰ ਫਿਲਮਾਂ ਵਿੱਚ ਕੰਮ ਕਰ ਰਹੀ ਹੈ, ਯਾਮੀ ਕਹਿੰਦੀ ਹੈ, ‘‘ਮੈਂ ‘ਵਿੱਕੀ ਡੋਨਰ’ ਨਾਲ ਡੈਬਿਊ ਕੀਤਾ, ਜੋ ਬਿਲਕੁਲ ਨਵਾਂ ਸਬਜੈਕਟ ਸੀ ਭਾਵੇਂ ਉਹ ਮਨੋਰੰਜਕ ਫਿਲਮ ਵੀ ਸੀ, ਪਰ ਇਹ ਜ਼ਰੂਰੀ ਜਾਂ ਸੰਭਵ ਨਹੀਂ ਹੈ ਕਿ ਇੱਕ ਕਲਾਕਾਰ ਹਮੇਸ਼ਾ ਮੁੱਦੇ 'ਤੇ ਆਧਾਰਤ ਫਿਲਮਾਂ ਹੀ ਕਰੇ।”
ਉਸ ਦਾ ਕਹਿਣਾ ਹੈ ਕਿ ਉਹ ਭਵਿੱਖ 'ਚ ਵੀ ਮੁੱਦੇ ਆਧਾਰਤ ਫਿਲਮਾਂ 'ਚ ਕੰਮ ਕਰਨਾ ਪਸੰਦ ਕਰੇਗੀ ਕਿਉਂਕਿ ਇਹ ਕਹਾਣੀਆਂ ਸਾਡੇ ਸਮਾਜ ਨੂੰ ਕੋਈ ਨਾ ਕੋਈ ਸੰਦੇਸ਼ ਦੇਣ ਦੇ ਨਾਲ ਹੀ ਵੱਖ-ਵੱਖ ਸੰਦੇਸ਼ ਦੇਣ ਦੇ ਨਾਲ ਹੀ ਵੱਖ-ਵੱਖ ਜ਼ਰੂਰੀ ਮੁੱਦਿਆਂ ਬਾਰੇ ਸੁਚੇਤ ਵੀ ਕਰਦੀਆਂ ਹਨ।